 Այսօր բացվում է «Գեղարվեստական կրթության միջազգային շաբաթը» 21 մայիսի 2012 - 13:53 AMT PanARMENIAN.Net - Այսօր` մայիսի 21-ին բացվում է «Գեղարվեստական կրթության միջազգային շաբաթը»: Այդ մասին լրագրողների հետ հանդիպմանն ասաց ՀՀ մշակույթի նախարարի տեղակալ Արթուր Պողոսյանը: Շաբաթը հռչակվել է ՅՈՒՆԵՍԿՕ-ի Գլխավոր կոնֆերանսի 36-րդ նստաշրջանի ժամանակ և այսուհետ ամեն տարի մայիս ամսվա չորրորդ շաբաթը նվիրվելու է հենց այդ միջոցառումների շարքին: Պողոսյանի խոսքով, «Շաբաթվա» գլխավոր միջոցառումը տեղի է ունենալու մայիսի 24-ին` Կոմիտասի անվան կամերային երաժշտության տանը, որտեղ Երևանի և մարզերի երեխաները ելույթ կունենան բազմաժանր ծրագրով, ինչպես նաև տեղի է ունենալու ձեռքի աշխատանքերի ցուցահանդես-վաճառք: Մշակույթի նախարարությանը միացել են մարզպետարանները, Երևանի քաղաքապետարանը, ՀԿ-ներ, և լինելու է շուրջ 40 միջոցառում: Նախատեսված է պետական պատվերով հրատարակված երաժշտական գրականության նվիրաբերում հանրապետության երաժշտական կրթօջախներին, ՀՀ մշակույթի նախարարության «Շնորհալի և տաղանդավոր երեխաների տեղեկատվական բանկում» ընդգրկված երեխաների համերգ և գեղարվեստական աշխատանքների ցուցահանդես մարզերում, ՀՀ մարզերի շնորհալի երեխաների համերգ և այլն: Մշակութային կրթության հիմնադրամի տնօրեն Նելլի Սարգսյանն ավելացրեց, որ բացի ցուցահանդեսներից և համերգներից, հենակետային դպրոցներում կանցկացվեն վարպետության դասեր, կլինեն նաև դասընթացներ մանկավարժների համար: Միջոցառումներում ներգրավվելու են նաև մանկատան երեխաներ:   Ուշագրավ Ֆիլմի ռեժիսորը Զառա Ջյանն է Պլասիդո Դոմինգոն Երևանում ելույթ է ունեցել նաև 2010–ին Փեյնի հեղինակած 8 լիամետրաժ ֆիլմերն առաջադրվել են ընդհանուր թվով 24 Օսկարի Տիգրան Ավինյանն ու Գրեգորի Դուսեն այցելել են պատմական թաղամաս   Ամենաընթերցվողը բաժնում |  Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումները |
