Աշխարհի թիվ մեկ նվագախումբը ելույթ կունենա Երևանում![]() 22 հոկտեմբերի 2012 - 12:49 AMT PanARMENIAN.Net - Նոյեմբերի 9-ին Արամ Խաչատրյան համերգասրահում կեզրափակվի «Երևանյան հեռանկարներ» միջազգային երաժշտական փառատոնը: Ելույթ կունենա Թագավորական Կոնցերտգեբաու նվագախումբը, որն ըստ Դոյչե Գրամոֆոն ընկերության, համարվում է աշխարհի թիվ մեկ նվագախումբը: Փառատոնի հիմնադիր Ստեփան Ռոստոմյանը մամուլի ասուլիսի ժամանակ ասաց, որ նվագախմբի ելույթն իրենց համար մշակութային շոկ է: Նա խոստացավ, որ համերգում հատուկ հնչողություն կլինի, և 120 սոլիստ կլինեն մեկ բեմում: Հանրահայտ դիրիժոր Լորին Մաազելի ղեկավարած նվագախումբը կկատարի Փիթեր Անրոյի, Սերգեյ Պրոկոֆևի և Պյոտր Չայկովսկու ստեղծագործությունները: Փառատոնի մենեջեր Սոնա Հովհաննսյանը հավելեց, որ հանդուգն քայլ էր նրանց հրավիրել, և 2008-9 թթ-ին սկսվեցին նվագախմբի հետ բանակցությունները: Նրանք այնքան համերգներ ունեն, որ մինչև 2015 թ-ը դժվար էր նրանց հրավիրել: Փառատոնի հեղինակությունը օգնեց, որ նրանք մեկ օր գտնեն Երևանում ելույթ ունենալու համար: Այժմ փառատոնն աշխատում է համապատասխան տեխնիկայի ապահովման ուղղությամբ: Նրանք գալու են երկու ինքնաթիռներով, մեկ ինքնաթիռով կգան երաժիշտները, ևս մեկ բեռնատար ինքնաթիռով կտեղափոխվեն 1 մլն եվրո արժողությամբ գործիքները: Թագավորական Կոնցերտգեբաու նվագախմբի հետ ելույթ է ունեցել հայ աշխարհահռչակ ջութակահար Սերգեյ Խաչատրյանը: Մյուս տարի փառատոնը կհյուրընկալի Վիեննայի նվագախմբին: ![]() ![]() Տիգրան Ավինյանն ու Գրեգորի Դուսեն այցելել են պատմական թաղամաս Snap-ը պլատինե երգի կարգավիճակ է ստացել նաև մի քանի այլ երկրներում Հայկական դուդուկի երաժշտությունը ՅՈՒՆԵՍԿՕ-ի ցանկում է ընդգրկվել դեռևս 2008 թ․ Ցուցադրությունը կազմակերպվում է այս երեք ֆիլմերի Պոմպիդու կենտրոնին հանձնման արարողության առիթով ![]() ![]() | ![]() ![]() ![]() ![]() ![]() ![]() ![]() ![]() |