Հայաստանի ֆուտբոլի հավաքականը Լիտվայի հետ խաղում գոլառատ հաղթանակ նվիրեց Սարգիս Հովսեփյանին14 նոյեմբերի 2012 - 21:05 AMT PanARMENIAN.Net - Հայաստանի ֆուտբոլի հավաքականը Լիտվայի հետ ընկերական խաղի երկրորդ կեսում էլ շատ ակտիվ էր գործում: Տանտերերին հաջողվեց արագ գոլ խփել: Հաշիվը 2:0 դարձրեց Կառլեն Մկրտչյանը, իսկ առաջին կեսում աչքի էր ընկել Էդգար Մանուչարյանը: Վազգեն Սարգսյանի անվան հանրապետական մարզադաշտում հավաքված երկրպագուները մի քանի րոպե անց կրկին գոլի ականատես եղան, այս անգամ Գլեոդիուս Առլաուսկիսի դարպասը գրավեց Հենրիխ Մխիթարյանը: Լիտվացիները պատասխանեցին շատ գեղեցիկ գոլով, որը խփեց փոխարինման դուրս եկած Արթուրաս Ռիմկևիչիուսը` 3:1: Վարդան Մինասյանի սաները դրանից հետո նետվեցին գրոհի և մի քանի րոպե պաշարել էին մրցակցի տուգանային հրապարակը, ինչի արդյունքում էլ Արաս Օզբիլիսը Առլաուսկիսիի գլխավերևով գնդակն ուղարկեց Լիտվայի դարպասը: Սակայն դրանով գոլերը չավարտվեցին. լիտվացիներից դուբլի հեղինակ դարձավ Ռիմկևիչիուսը, որն իրացրեց 11-մետրանոցը: Հայաստանի հավաքականը հաղթեց 4:2 հաշվով: Այս հանդիպումը հիշարժան էր նաև նրանով, որ հավաքականում իր վերջին հանդիպումն անցկացրեց Սարգիս Հովսեփյանը`ազգային ընտրանու մարզաշապիկը հագնելով 132-րդ անգամ: Հայաստանի ընտրանին Լիտվայի հետ 3 ընկերական խաղերում տոնեց իր 2-րդ հաղթանակը: Մինչ այդ` 2000 թվականին Կաունասում հայ ֆուտբոլիստները առավելության էին հասել 2:1 հաշվով, իսկ 2011 թվականի օգոստոսին 3:0 հաշվով հաղթել էին լիտվացիները:
Ուշագրավ Ավելի վաղ եզրափակիչ էին դուրս եկել Արթուր Ավետիսյանն ու Վահագն Դավթյանը Ազատ ծրագիրը նախատեսված է հունվարի 12-ին Ազատ ոճի ըմբշամարտի Հայաստանի պատանեկան հավաքականը թիմային հաշվարկում զբաղեցրել է 3-րդ հորիզոնականը «Այդ պահից հետո ամեն ինչ արմատապես փոխվեց»,- ասել է նա | ԱԺ-ն ստացել է ՌԴ Դաշնային խորհրդի նամակը, որն առնչվում է Սիմոնյանի «հակառուսական հայտարարություններին» Նամակի բովանդակությունը հայտնի չէ Փաշինյան․ Լուծում ենք առաջիկա տասնամյակներում Հայաստանի լինելության հարցը «Եկել ենք մի տեղ, որտեղ մենք Հայաստանի ապագայի շատ կոնկրետ նախագիծ ենք դնում սեղանին»,–ասել է նա ՀՀ և Ադրբեջանի սահմանին արդեն սահմանային 28 սյուն կա՝ աշխատանքի մոտ 35%-ն է Երկու երկրների փորձագիտական խմբերի աշխատանքները շարունակվում են ԱԳՆ․ Ստացել ենք խաղաղության պայմանագրի նախագծի վերաբերյալ Ադրբեջանի առաջարկները Սա տեքստի 9-րդ խմբագրությունն է |