Մեկնարկում է «Լևոն Շանթ» թատերգության մրցանակաբաշխությունը 8 փետրվարի 2013 - 20:55 AMT PanARMENIAN.Net - Համազգային հայ կրթական և մշակութային միությունը հայտարարում է «Լևոն Շանթ» թատերգության մրցանակաբաշխություն։ Հայտարարության մասին PanARMENIAN.Net ը տեղեկանում է Մշակույթի նախարարությունից: Մրցանակաբաշխության թեման ազգային և համամարդկային արժեքների, անհատի ինքնության, մեր ժամանակի հերոսի փնտրտուքն է: Կարող են մասնակցել հեղինակներ Հայաստանից և սփյուռքից։ Ընդունվում են միայն չտպագրված, չբեմադրված կամ չհրապարակված աշխատանքներ՝ առանց ժանրային սահմանափակման, արևելահայերեն և արևմտահայերեն։ Մրցանակաբաշխության նպատակն է նպաստել ժամանակակից հայ թատերգության զարգացմանը, ստեղծագործող նոր անունների, թատերգության ժամանակակից ուղղությունների բացահայտմանը, հայ թատերարվեստի լավագույն ավանդույթների շարունակականության ապահովմանը, ինչպես նաև աջակցել նոր պիեսների բեմադրությանը։ Աշխատանքները պետք է ներկայացնել էլեկտրոնային և առձեռն (կամ փոստային) տարբերակներով: Նվազագույն ծավալը՝ 25 էջ, առավելագույնը՝ 50 էջ, (տառատեսակը` Յունիկոդ, MS Word, RAR, PDF կամ ZIP ծրագրերով, էջը` 1800 նիշ)։ Ներկայացվող աշխատանքին պետք է կցել նամակ, որտեղ անհրաժեշտ է նշել հեղինակի անուն, ազգանուն, հայրանունը, պիեսի անվանումը, հեղինակի բնակության վայրը, փոստային հասցեն, էլ. հասցեն, հեռախոսահամարը, կենսագրական տվյալներ և 1 լուսանկար: Լավագույն աշխատանքները կընտրի ժյուրին, որի անդամները մրցույթին մասնակցելու իրավունք չունեն: «Լևոն Շանթ» թատերգության մրցանակաբաշխությունը նախատեսում է երեք մրցանակ՝ 1-ին տեղ- 1.000.000 դրամ, 2-րդ տեղ- 800.000 դրամ, 3-րդ տեղ- 600.000 դրամ, 2 խրախուսական պարգև` 200.000-ական դրամ: Մրցանակային տեղերի արժանացած պիեսների հետագա օգտագործման (հրատարակում, բեմադրում և այլն) բոլոր իրավունքները պատկանում են Համազգային հայ կրթական և մշակութային միությանը: Մրցանակաբաշխությանը ներկայացված պիեսները կհրատարակվեն առանձին ժողովածուով, իսկ առաջին տեղի արժանացած պիեսը Համազգային հայ կրթական և մշակութային միության աջակցությամբ կբեմադրվի: Աշխատանքների ներկայացման վերջնաժամկետն է` 2013 թ. ապրիլի 15-ը: Արդյունքները կամփոփվեն և կհրապարակվեն 2013 թ. հունիսի 15-ին։ Ուշագրավ Տիգրան Ավինյանն ու Գրեգորի Դուսեն այցելել են պատմական թաղամաս Snap-ը պլատինե երգի կարգավիճակ է ստացել նաև մի քանի այլ երկրներում Հայկական դուդուկի երաժշտությունը ՅՈՒՆԵՍԿՕ-ի ցանկում է ընդգրկվել դեռևս 2008 թ․ Ցուցադրությունը կազմակերպվում է այս երեք ֆիլմերի Պոմպիդու կենտրոնին հանձնման արարողության առիթով Ամենաընթերցվողը բաժնում | ԱԳՆ․ ՀՀ և Ադրբեջանի ԱԳ նախարարների հնարավոր հանդիպման մասին կտեղեկացվի պայմանավորվածության դեպքում Բադալյանն ասել է, որ ՀՀ–ն կողմ է այն հարթակներին, որոնք իրապես միտված են հարատև խաղաղության հասնելուն Ռուբեն Վարդանյանը, ընտանիքի հորդորով, դադարեցրել է հացադուլը Կարճ զրույցում ընտանիքը նրան տեղեկացրել է Ադրբեջանի վրա ամբողջ աշխարհից տարբեր պաշտոնյաների աճող ճնշումների մասին Եվրախորհրդարանը կոչ է արել կասեցնել էներգետիկ գործակցությունը Բաքվի հետ և պատժամիջոցներ սահմանել Ադրբեջանի պաշտոնյաների դեմ Ասվում է, որ Ադրբեջանում շարունակվող մարդու իրավունքների խախտումներն անհամատեղելի են COP 29–ը ընդունող երկիր լինելու հետ Հայկական առաջին բանկը Ֆասթեքսվերսում․ Ֆասթ Բանկը ներկայացնում է իր վիրտուալ տարածքը Oգտատերերը ևս կարող են ստեղծել իրենց սեփական ավատարները |