«Շախտյորի» գլխավոր տնօրեն Սերգեյ Պալկինը մեկնաբանել է իրավիճկը Հենրիխ Մխիթարյանի հնարավոր տրանսֆերի շուրջ: Ըստ Պալկինի, «հանքափորները» պաշտոնական հաստատում են ստացել Մխիթարյանի տրանսֆերի վերաբերյալ Դորտմունդի «Բորուսիայից», որը պատրաստ է 30 մլն դոլար վճարել հայ կիսապաշտպանի համար:
«Այս պահի դրությամբ մենք միայն մեկ պաշտոնական հաստատում ունենք Մխիթարյանի տրանսֆերի վերաբերյալ»,-ասել է Սերգեյ Պալկինը:-«Բորուսիան» պատրաստ է 30 մլն դոլար վճարել Մխիթարյանի համար: Մենք պատրաստ ենք նրան վաճառել այդ գումարով, սակայն դա գործելու է 10 օրվա ընթացքում, ես այդ մասին տեղեկացրել եմ նրա գործակալին: Ցավոք, ես չգիտեմ, թե որտեղ է այժմ Մխիթարյանը»:
«Լիվերպուլը» դեռ չի դիմել «Շախտյորին» պաշտոնական առաջարկով: Ինչպես հայտնում է բրիտանական մամուլը, հայ ֆուտբոլիստն այժմ Լոնդոնում է, որտեղ բանակցում է Ռոջերսի թիմի հետ:
