 Հայ և ամերիկացի դատավորները քննարկել են վեճերի այլընտրանքային կարգավորման համակարգի բարեփոխումները 12 հուլիսի 2013 - 11:39 AMT PanARMENIAN.Net - Հուլիսի 12-ին ԱՄՆ ՄԶԳ Ձեռնարկությունների զարգացման և շուկայի մրցունակության ծրագիրը («Ի-Դի-Էմ-Սի»)՝ Հայաստանում ԱՄՆ դեսպանության և ՀՀ արդարադատության նախարարության հետ համագործակցությամբ, անցկացրեց Վեճերի այլընտրանքային կարգավորման (ՎԱԿ) համակարգի բարեփոխումներին նվիրված համաժողով, որին բացի հայ դատավորներից՝ մասնակցեցին երկու դաշնային, շրջանային դատավորներ Միացյալ Նահանգներից և ներկայացուցիչներ Հայաստանի գործարար համայնքից: Համաժողովի նախորդ օրը՝ հուլիսի 11-ին, «Ի-Դի-Էմ-Սի»-ն և ՀՀ արդարադատության նախարարությունը ստորագրեցին մտադրությունների հուշագիր, որը կարևորում է Հայաստանում ՎԱԿ համակարգը զարգացնելու շուրջ կողմերի փոխգործակցությունը ՝ հայաստանյան բիզնեսներին և սպառողներին առաջարկելով այլընտրանք ավանդական դատական գործընթացներին: Համաժողովի նպատակն էր Հայաստանում ՎԱԿ համակարգի բարեփոխումները քննարկել որպես գործարար միջավայրի բարելավման բաղկացուցիչ մաս, ներկայացնել ՎԱԿ համակարգի ամերիկյան փորձը և կազմակերպել արբիտրաժի ու դատական միջնորդության դատախաղ: ՀՀ արդարադատության նախարարի տեղակալ Եղիշե Կիրակոսյանը և Հայաստանում ԱՄՆ ՄԶԳ առաքելության տնօրեն Քարեն Հիլիարդն իրենց ելույթներում ընդգծեցին ՎԱԿ համակարգի առավելությունները երկրի տնտեսության, տնտեսվարողների և սպառողների համար: ԱՄՆ արդարադատության նախարարության ներկայացուցիչը և ԱՄՆ շրջանային դատավորներ Ռիկարդո Մարտինեսն ու Ռոբերտ Լասնիկը ներկայացրեցին ՎԱԿ համակարգի ամերիկյան մոտեցումը՝ որպես միջազգային լավագույն փորձի օրինակ: Համաժողովի մասնակիցները հնարավորություն ունեցան լսելու նաև ամերիկացի փաստաբան և արբիտր/միջնորդ Թոմաս Մարգիոտիին, որը ներկայացրեց արբիտրաժի և միջնորդության գործնական ուղեցույցը և մեկնաբանեց արբիտրաժի և միջնորդության դատախաղը: 2013թ. հուլիսից մինչև 2014թ. դեկտեմբերը նախարարությունը, համագործակցելով «Ի-Դի-Էմ-Սի»-ի հետ, կիրականացնի մի շարք գործողություններ, այդ թվում՝ օրենքների նախագծերի մշակում, հանրային լսումներ և միջոցառումներ՝ ուղղված գործարար համայնքում ՎԱԿ համակարգի մասին իրազեկության մակարդակի բարձրացմանը և վստահության ամրապնդմանը:   Ուշագրավ Դիմում կարող են ներկայացնել ծրագրի առաջին փուլի պայմաններին բավարարող շահառուները Շինարարությունը պետք է ավարտվեր դեռ 2021–ին, սակայն, մինչ օրս պարբերաբար հետաձգվում էր Մյուսների կյանքին վտանգ չի սպառնում Վիրահատված պացիենտի վիճակը բավարար է գնահատվում   Ամենաընթերցվողը բաժնում |  Վերջին լուրեր «ՍոֆթԿոնստրակտ» է այցելել Մալթայի էկոնոմիկայի նախարարը  Շկեմբրին նշել է, որ Մալթայում տեսախաղերի զարգացման ռազմավարությունը պետական մակարդակով վաղուց է գործումIDRW․ ՀՀ–ն քննարկում է հնդկա-իսրայելական MR-SAM հրթիռների և Akash-NG ՀՕՊ համակարգերի ձեռքբերման հնարավորությունը Հայաստանն արդեն ձեռք է բերել Akash 1S հակաօդային պաշտպանության համակարգըFreedom House-ը հրապարակել է ՀՀ-ում ժողովրդավարության դիմակայության ամրապնդման 2-րդ փաստաթուղթը Համառոտագիրն անդրադառնում է առցանց տիրույթի կարգավորման բարեփոխումների դերին և կարևորությանըՓաշինյանն ու Վերման քննարկել են սահմանազատման գործընթացը ՀՀ և Ադրբեջանի միջև Վարչապետը կարևորել է Հայաստան-ԱՄՆ ռազմավարական երկխոսության հետևողական զարգացումնը |
