Ղրղզստանն առաջարկել է Ճապոնիային ու Հարավային Կորեային անդամակցել Մաքսային միությանը21 հոկտեմբերի 2013 - 16:32 AMT PanARMENIAN.Net - Դեռ Մաքսային միության անդամ չդարձած Ղրղզստանն արդեն նոր անդամների է ներգրավում այդ միավորման մեջ: Այդպես, Ղրղզստանի փոխվարչապետ Ջոոմարթ Օթորբաևն առաջարկել է Ճապոնիային ու Հարավային Կորեային անդամակցել Մաքսային միությանը, հայտնել է segodnya.ua-ն, Ղրղզստանի կառավարության մամլո ծառայության վրա հղումով: «Մաքսային միությունը բոլոր շանսերն ունի դառնալու Եվրասիական տնտեսական միության արդյունավետ անդամը: Ես առաջարկում եմ Կորեային ու Ճապոնիային անդամակցել Մաքսային միությանն ու ընդլայնել տնտեսական հնարավորությունները»,-հայտարարել է Ղրղզստանի փոխվարչապետը Սեուլում: Նա նաև հիշեցրել է, որ Ղրղզստանում բանավեճ է գնում միավորմանն անդամակցելու շուրջ: Հիշեցնենք, ավելի վաղ Բելառուսի նախագահ Ալեքսանդր Լուկաշենկոն սպառնացել էր դուրս գալ միությունից: Մաքսային միությունը Բելառուսի, Ղազախստանի ու Ռուսաստանի առևտրատնտեսական ինտեգրման ձևն է Եվրասիական տնտեսական ընկերակցության շրջանակում, որը նախատեսում է միասնական մաքսային տարածք: Մասնակից երկրները կիրառում են միասնական մաքսային սակագին ու առևտրի կարգավորման այլ միասնական միջոցներ: Սեպտեմբերի 3-ին Ռուսաստանի նախագահ Վլադիմիր Պուտինի հետ հանդիպման ավարտին Հայաստանի նախագահ Սերժ Սարգսյանը հայտարարեց Մաքսային միությանը միանալու և հետագայում Եվրասիական տնտեսական միության ձևավորմանը մասնակցելու Հայաստանի մտադրության մասին: Մաքսային միությունն իր աշխատանքը սկսել է 2010 թվականին: Սկզբում միությանը անդամկցում էին Ռուսաստանը, Բելառուսն ու Ղազախստանը: Հետագայում միությանն անդամակցելու մտադրության մասին հայտարարեցին նաև Ղրղզստանն ու Տաջիկստանը: Հղումներ թեմայով. Ուշագրավ Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում Ամենաընթերցվողը բաժնում | Փոխվարչապետը շեշտել է ՎԶԵԲ-ի դերը ԵՄ տնտեսական և ներդրումային պլանի իրականացման գործընթացում Գրիգորյանը նշել է, որ ՎԶԵԲ-ը Հայաստանի համար առանցքային գործընկեր է Շոլց․ ՀՀ և Ադրբեջանի միջև կարգավորման շանսերը բարձր են ավելի, քան երբևէ Նա նշել է, որ հակամարտությունը պետք է կարգավորվի խաղաղ ճանապարհով Առաջարկ. Մեքենայի գույքահարկը տեխզննման պահին վճարել մասնակի Օրենքն ուժի մեջ կմտնի 2025 թվականի հունվարի 1-ից Պետել․ ԼՂ–ում հայկական ներկայության բոլոր հետքերը ջնջելն Ալիևի վարչակարգի նախագիծն է «Ադրբեջանցիներն այժմ գրոհում են կառավարության շենքը»,- գրել է նա |