Եգիպտացիների 95 տոկոսը կողմ է քվեարկել նոր սահմանադրությանը

Եգիպտացիների 95 տոկոսը կողմ է քվեարկել նոր սահմանադրությանը

PanARMENIAN.Net - Եգիպտոսի Սահմանադրության վերաբերյալ երկօրյա հանրաքվեի ժամանակ ոստիկանությունը ձերբակալել է «Մահմեդական եղբայրների» 444 անդամի: Ինչպես հայտնում է երկրի ՆԳՆ-ն, իսլամիստները մեղադրվում են քվեարկությունը ձախողելու փորձերի մեջ, նրանցից առգրավվել են փոքր տրամաչափի հրացաններ, սառը զենք ու պայթուցիկով շշեր:

Եգիպտացիների 95 տոկոսը կողմ է քվեարկել նոր սահմանադրությանը: Նախնական տվյալները հրապարակել է ՆԳՆ հասարակայնության հետ կապերի դեպարտամենտի ղեկավար Աբդելֆաթթիհ Օսմանը: Հանրաքվեի առաջին օրը Եգիպտոսում 10 մարդ զոհվեց: Զոհ դարձան այն մարդիկ, որոնք մասնակցել են ոստիկանների ու նոր սահմանադրության հակառակորդների միջև բախումներին: Մասնակցությունը կազմել է 55 տոկոս, հայտնում է «Ռոյթերս» գործակալությունը:

Երկրի Գերագույն ընտրական հանձնաժողովի տվյալներով, ընդհանուր առմամբ քվեարկությանը կարող էր մասնացել 52 մլն քաղաքացի: Հանրաքվեի պաշտոնական արդյունքները կհայտարարվեն ընտրատեղամասերի փակումից 72 ժամ անց:

Մոտ մեկ տարի է անցել իսլամիստների առաջարկած սահմանադրության վերաբերյալ հանրաքվեից, իսկ Եգիպտոսում արդեն հանրաքվե է անցնում հիմնական նոր օրենքի վերաբերյալ: Եվ կրկին խորը պառակտման պայմաններում:

Նախկին սահմանադրությունը ստացել է մասնակիցների 54 տոկոսի հավանությունը: Ճիշտ է մասնակցության տոկոսը ընդամենը 33 տոկոս էր, իսկ բուն հանրաքվեն ուղեկցվում էր ցույցերով, որոնք ամենևին էլ խաղաղ չէին: Դա երկար չտևեց: Հուլիսի 3-ին բանակը պաշտոնանկ արեց ու ձերբակալեց նախագահ Մուրսիին: Սահմանադրության գործողությունը կասեցվեց, կառավարման լծակներն երկրում հայտնվեցին զինվորականների ձեռքում, որոնք կրկին արտակարգ դրություն հայտարարեցին: Նոր սահմանադրությունը հանրաքվեի է դրվել ՊՆ ղեկավար, գեներալ Աբդուլ Ֆաթահ Աս Սիսիի նախաձեռնությամբ, որն ապրիլին կմասնակցի նախագահի ընտրություններին:

Ըստ եգիպտացիների առաջարկած սահմանադրության, ՊՆ ղեկավարը կհաստատվի պաշտոնում միայն ԶՈւ Գերագույն խորհրդի հավանությանն արժանանալուց հետո, իսկ նախագահը կընտրվի երկու ժամկետից աչ ավելի:

Սահմանադրությունը ենթադրում է նաև, որ ռազմական տրիբունալները կարող են դատել քաղաքացիական անձանց, եթե վերջիններս հարձակվեն զինծառայողի կամ բանակի օբյեկտների վրա: Նոր սահմանադրությունը, ինչպես և նախկինները, ամրագրում է իսլամը որպես պետական կրոն, շարիաթը որպես իրավունքի սկզբունք և արաբերենը որպես պաշտոնական լեզու: Սահմանադրությունը երաշխավորում է նաև դավանանքի ազատություն:

Հղումներ թեմայով.
 Ուշագրավ
Այս պահի դրությամբ Թուրքիայի տարածքում են պահվում ամերիկյան զինանոցի միջուկային ռումբեր, սակայն թուրքական բանակին դրանք հասու չեն
Ակնկալվում է, որ Շոտլանդիայի ընտրությունը պարզ կդառնա ուրբաթ առավոտյան ժամը 6-ին մոտ
Ըստ խմբի հայտարարության, այցն այն աստիճանի վարկաբեկվեց, որ նրանք ընդհատեցին սեպտեմբերի 14-ի առաքելությունն ավատրից մի քանի օր առաջ
Այն ընկել է մայրաքաղաքից 5 կմ հեռավորությամբ օդ բարձրանալուց մի քանի րոպե անց