Արամ MP3-ն «Եվրատեսիլ» կմեկնի Not Alone երգով (վիդեո) 14 մարտի 2014 - 22:54 AMT PanARMENIAN.Net - «Եվրատեսիլ 2014» երգի մրցույթում Արամ MP3-ն Հայաստանը կներկայացնի Not Alone երգով։ Այս մասին հայտարարվեց Հանրայինի ուղիղ եթերում։ Երաժշտության հեղինակն ինքն Արամն է, խոսքերը գրել է Գարիկ Պապոյանը «Վիտամին» ակումբից, գործիքավորումը Լիլիթ Նավասարդյանինն է, տեսահոլովակը նկարահանել է Գրիգոր Գասպարյանը։ Հայաստանյան գեղարվեստական խումբը ստացել էր հայ ու օտարազգի կոմպոզիտորների 75-ից ավելի երգ։Վերջնական ընտրությունը կատարվել է մի քանի փուլից բաղկացած լսումների, մանրամասն ուսումնասիրությունների ու մասնագիտական focus group-ի արդյունքում: Հաշվի են առնվել համաշխարհային արդի երաժշտական տենդենցները ու հայաստանյան պատվիրակ Արամ MP3-ի ձայնային տվյալները: Այն մասին, որ Հայաստանը «Եվրատեսիլ 2014»-ում կներկայացնի հենց Արամ MP3-ն, մրցույթում հայկական պատվիրակության ղեկավար Գոհար Գասպարյանը տեղեկացրել էր Հանրայինի ամանորյա եթերի ժամանակ: Ինչպես Արամը գրել է ֆեյսբուքի իր էջում, «Եվրատեսիլ» սկսել է դիտել դեռևս մանկուց ու այդ բեմում երգելու մասին միայն երազում էր: «Հիշում եմ, երբ 2006-ին Հայաստանն առաջին անգամ մասնակցում էր այդ մրցույթին... Ուշ երեկո էր, մրցույթն էի դիտում ու հանկարծ լսեցի, որ Հայաստանն անցել է եզրափակիչ փուլ... Ուրախությանս չափ ու սահման չկար: Այնքան բարձր բղավեցի Անդրեի անունը կարծես ինքս Հունաստանում էի»,- կիսվել է նա։
Մրցույթն այս տարի Կոպենհագենում անցկացնելու հնարավորությունը 2013-ին Դանիան ձեռք էր բերել Էմիլի դե Ֆորեսթի հաղթանակի շնորհիվ: Այս տարի «Եվրատեսիլը» կանցնի Join us (Միացեք մեզ) խորագրի ներքո: Կազմակերպիչների նախաձեռնությամբ՝ այս տարի յուրաքանչյուր մարդ կկարողանա հայտնվել «Եվրատեսիլ»-ում, եթե երգի Էմիլի դը Ֆորեսթի «Only Teardrops» երգը կամ պարի դրա ներքո՝ տեսագրվելով JoinUs.dk կայքում: Սա կլինի Դանիայում անցնող արդեն երրորդ մրցույթը, վերջին անգամ դա 2001-ին էր։ Մրցույթի կիսաեզրափակիչները նախատեսված են մայիսի 6-ին և 8-ին, եզրափակիչը՝ մայիսի 10-ին։ Մրցույթին մասնակցելու է 37 երկիր։ Պորտուգալիան և Լեհաստանը հայտարարել են որ վերադառնում են մրցույթ։ Բուլղարիան, Խորվաթիան, Կիպրոսը և Սերբիան տարբեր պատճառներով չեն մասնակցելու մրցույթին։ 2013-ի սեպտեմբերի 20-ին ԵՀՄ-ն հրապարակել էր «Եվրատեսիլ 2014»-ի պաշտոնական կանոնները, որոնք ներառում են փոփոխություններ ժյուրիի քվեարկության մեջ։ Կանոների նպատակն է ապահովել յուրաքանչյուր երկրի ժյուրիի 5 անդամների աշխատանքում առավել թափանցիկություն․ ըստ դրանց, մինչև մայիսի 1-ը յուրաքանչյուր երկիր պետք է հրապարակի իր ժյուրիի 5 անդամների անունները և մրցույթի ավարտից հետո բացահայտի ամբողջական քվեարկության արդյունքները։ Ինչպես 2013-ի Եվրատեսիլում, այնպես էլ 2014-ին կիսաեզրափակիչների և եզրափակչի ելույթների հերթականությունը որոշելու են պրոդյուսերները։ Ուշագրավ Տիգրան Ավինյանն ու Գրեգորի Դուսեն այցելել են պատմական թաղամաս Snap-ը պլատինե երգի կարգավիճակ է ստացել նաև մի քանի այլ երկրներում Հայկական դուդուկի երաժշտությունը ՅՈՒՆԵՍԿՕ-ի ցանկում է ընդգրկվել դեռևս 2008 թ․ Ցուցադրությունը կազմակերպվում է այս երեք ֆիլմերի Պոմպիդու կենտրոնին հանձնման արարողության առիթով Ամենաընթերցվողը բաժնում | Team-ի ինտերնետը հասանելի է մետրոյում Team-ի 4G ինտերնետը հնարավորություն կտա մետրոյի ուղևորներին անխափան օգտվել հավելվածներից, դիտել տեսանյութե Կիրանցի ղեկավար. Փաշինյանն ասել է՝ Ադրբեջանի վերահսկողության տակ գտնվող մեր հողերը վերադարձնելու ենք Տավուշի 4 գյուղ հանձնելու Ադրբեջանի պահանջի վերաբերյալ Կիրանցի գյուղապետն ասել է, որ դրանք ադրբեջանական գյուղեր են Բայրամովը Բոնոյին է ներկայացրել Բաքվի «ակնկալիքները ՀՀ հետ խաղաղ գործընթացից» Նրանք քննարկել են տարածաշրջանում տիրող իրավիճակը Փաշինյան․ ՀՀ այն ուրվագիծը, որ ցույց եմ տվել ասուլիսին, ցուցադրել եմ նաև Տավուշում «Հարցեր կային, որ տեղում դրանց սրությունը, այսպես ասած, ավելի էմոցիոնալ ու ավելի գործնական զգացի»,-ասել է նա |