«Դոմինոյի սկզբունքով». Ղրիմ, Մերձդնեստր, ո՞վ է հաջորդը17 ապրիլի 2014 - 12:18 AMT PanARMENIAN.Net - Հետևելով Ղրիմի օրինակին՝Ռուսաստանի կազմի մեջ մտնելու ցանկություն է հայտնել նաև Մերձդնեստրի Մոլդավական Հանրապետությունը՝ ՄՊՀ-ն: Ապրիլի 16-ին Մերձդնեստրի Գերագույն խորհրդի նիստում Մերձդնեստրի պատգամավորները միաձայն որոշեցին դիմել Ռուսաստանի Պետդումային, Դաշնության խորհրդին ու Ռուսաստանի նախագահին, ինչպես նաև ՄՊՀ ղեկավար Եվգենի Շևչուկին՝ խնդրելով նախաձեռնել ճանաչման գործընթացը: Ինչպես հայտնում է «Տիրաս» գործակալությունը, ուղերձում ասվում է. «Ժողովրդավարության հիմնարար սկզբունքներից մեկի՝ հանրաքվեի միջոցով հայտնելով մեր կամքը՝ քվեարկելով Մերձդնեստրի անկախության և հետագայում ՌԴ-ին ազատ միանալու օգտին, Մերձդնեստրի ժողովուրդը իրացրեց ազատ ու առանց արտաքին միջամտության իր քաղաքական կարգավիճակը որոշելու, տնտեսական, սոցիալական ու մշակութային զարգացման իրավունքը»: Ուղերձը կներկայացվի նաև ԵԱՀԿ և ՄԱԿ: Ինքնահռչակ պետությունները բազում խնդիրներ ունեն, առաջին հերթին տնտեսական, որոնք, ինչպես իրենք են կարծում, հնարավոր կլինի լուծել միանալով Ռուսաստանին: Սակայն Աբխազիայի ու Հարավային Օսեթիայի օրինակը, որոնց զարգացման համար մեծ միջոցներ են հատկացվում, այնքան էլ հեռու չեն գնացել բարգավաճման հասնելու ճանապարհին և հազիվ թե նոր հատկացումները կարողանան լուծել այդ հարցը: Մյուս կողմից, նույն Մերձդնեստրի հանրապետությունը ցանկանում է լուծել նաև իր քաղաքական խնդիրները՝ պաշտպանվելով «ռուսական պատով» տարածքը վերադարձնելու Մոլդովայի հնարավոր փորձերից: Սակայն պետք է խոստովանել, որ այդ նույն «ռուսական պատնեշը» չի կարող փրկություն լինել բոլոր աղետներից: Աշխարհաքաղաքական առումով կարելի է ենթադրել, որ սահմանների ընդլայնումը կարող է արդարացված լինել, բայց իր բալանսին վերցնել ևս մեկ աղքատ տարածք Մոսկվային այնքան էլ ձեռնատու չէ: Տեղեկատվական պատերազմը հիմա գլխավոր զենքն է և այն գնդակոծություններից վտանգավոր է: Հազիվ թե մոտ ապագայում մենք իմանանք, թե ինչպես սկսվեց պատերազմը Սիրիայում, Ուկրաինայում: Գրեթե 10 տարի է անցել և միայն հիմա է ԱՄՆ-ն խոստովանում , որ Սադդամ Հուսեյնը զանգվածային ոչնչացման զենք չուներ: Ուղղակի նա, ի տարբերություն Բաշար Ասադի, ավելի թույլ գտնվեց և չստացավ ժողովրդի աջակցությունը: Թեև…եթե Ասադը պարտվի պատերազմում, ինչը քիչ հավանական է, նույն մարդիկ կսկսեն քանդել հուշարձաններն ու թալանել տները՝ այդպիսին է մարդու էությունը: Բայց դառնանք Մերձդնեստրին: Շատ հնարավոր է, որ Մոսկվան գոհացնի քաղաքացիների խնդրանքը, որոնք չեն ցանկանում ապրել Մոլդովայում, որը վերածվել է Ռումինիայի գավառի, և միանգամայն իրավացի են: Որքան էլ աղքատ երկիր համարվի Ռումինիան, Մոլդովայում վիճակն ավելի վատ է: Բնականաբար, ոչ մի երաշխիք չկա, որ կյանքը միանգամից հարուստ ու երջանիկ կդառնա: Գուցե և հակառակը լինի: Բայց այդ մասին Մերձդնեստրի բնակիչները դեռ չեն մտածում: Իսկ մտածել պետք է: Իսկ ԵՄ-ում մտահոգված են Մոլդովայի ապագայով: Ղրիմի միացումից հետո Լյուքսեմբուրգի նախկին վարչապետ և Եվրահանձնաժողովի ղեկավարի պաշտոնի թեկնածու Ժան Կլոդ Յունկերը հորդորել է Եվրամիությանը թույլ չտալ, որպեսզի Մոլդովան «դառնա Ռուսաստանի հաջորդ զոհը» Ուկրաինայից հետո: Ըստ նախկին վարչապետի, հարկավոր է «փակել Ռուսաստանի ճանապարհը»: Նա գտնում է, որ ռուսական կողմը պետք է իմանա, որ նրան թույլ չեն տա անել Մոլդովայում այն, ինչ կատարվեց Ղրիմի պարագայում: «ԵՄ-ն պետք է կայունացնի Մոլդովան և կապի այն Արևմուտքին, հակառակ դեպքում նա կարող է դառնալ ռուսական ագրեսիայի հաջորդ զոհը», -ասել է նա: Եվրամիությունը մտադիր է ասոցացման համաձայնագիր կնքել Վրաստանի ու Մոլդովայի հետ, որը ներառում է առևտրի ազատ գոտու ստեղծման կետ, ոչ ուշ քան 2014 թ. հունիսին: Գուցե ցինիկ հնչի, բայց Եվրամիությանը հարկավոր չեն ոչ Ուկրաինան, ոչ Մոլդովան: ԵՄ նպատակն է թույլ չտալ, որ Ռուսաստանը մոտենա իր արևմտյան սահմաններին: Եվրոպայում մինչ օրս չգիտես ինչու կարծում են, որ Պուտինը մտադիր է վերակենդանացնել ԽՍՀՄ-ը, բոլորովին չհասկանալով, որ դա սկզբունքորեն հնարավոր չէ: Կարինե Տեր-Սահակյան / PanARMENIAN.Net Ուշագրավ Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում Ամենաընթերցվողը բաժնում | Հայաստան-Չեխիա ռազմատեխնիկական գործակցության մասով պայմանավորվածություններ կան ՊՆ էին այցելել չեխական ռազմարդյունաբերական ընկերությունների ներկայացուցիչներ Ըստ ԱԺԲ–ի՝ իրենց անդամներին բռնության են ենթարկել․ 96 բերման ենթարկված կա Նա ասել է, որ որ ոստիկանության բաժանմունքներում իրենց անդամները «ծեծի են ենթարկվել», կան տուժածներ Լեմկինի ինստիտուտի տնօրեն․ Ինչպես երիտթուրքերը, Ալիևը նույնպես ատելություն է տածում հայերի նկատմամբ Նրա հոդվածը հրապարակվել է Newsweek պարբերականում Հայոց ցեղասպանության 109-րդ տարելիցի համատեքստում Ալիև․ Հայաստանի հետ պետսահմանի մոտ 10-12 կմ–ն արդեն կարելի է սահմանազատված համարել Նա նաև խոսել է հայկական կողմի հետ կանոնավոր շփումների մասին |