Ռադայի իշխող կոալիցիան փլուզվում է. Ուկրաինայի խորհրդարանը կարող է լուծարվել

PanARMENIAN.Net - Ուկրաինական «Ազատություն», «Ուդառ» կուսակցություններն ու «Բատկիվշչինա» խմբակցության մի մասը հայտարարել են խորհրդարանական կոալիցիայից դուրս գալու մասին: Նրանց ներկայացուցիչները հայտնել են այդ մասին Գերագույն ռադայի նիստում հուլիսի 24-ին: Կուսակցությունների հայտարարության համաձայն կոալիցիայի փլուզումը թույլ կտա նախագահին լուծարել խորհրդարանն ու Ռադայի արտահերթ ընտրություններ հայտարարել:

Մասնավորապես, «Ազատություն» կուսակցության առաջնորդ Օլեգ Տյագնիբոկը նշել է, որ խմբակցությունը դուրս է գալիս կոալիցիայից, որպեսզի նախագահը կարողանա լուծարել Ռադան, քանի որ խորհրդարանը, որը «չի զրկում պատգամավորական անձեռնմխելիությունից բոլոր այն մարդկանց, որոնք աշխատում են Կրեմլի օգտին, չպետք է գոյություն ունենա»: Նա նշել է, որ արտահերթ խորհրդարանական ընտրությունները պետք է կայանան այն ժամանակ, «երբ Ուկրաինայում խաղաղություն կհաստատվի», հայտնում է ՈւՆԻԱՆ-ը:

Ըստ Սահմանադրության, Ուկրաինայի նախագահն իրավունք ունի վաղաժամ դադարեցնել Գերագույն ռադայի լիազորությունները, եթե կոալիցիայի գործունեության դադարեցումից հետո մեկ ամսվա ընթացքում նոր կոալիցիա չի ձևավորվում:

«Բատկիվշչինան» ներկայացնող ժողովրդական պատգամավոր Նիկոլայ Տոմենկոն իր հերթին վստահություն է հայտնել, որ պատգամավորները նոր կոալիցիա չեն ստեղծի: Այդ մասին նա հայտարարել է ճեպազրույցի ժամանակ: «Գերագույն ռադան պետք է այս ամիս աշխատի ինչպես դա նախատեսված է գործող օրենսդրությամբ: Եթե մի ամսից նոր կոալիցիա չստեղծվի, իսկ ես վստահ եմ, որ չի ստեղծվի, նախագահը արտահերթ ընտրություններ կհայտարարի 60 օր անց: Այսպիսով, հոկտեմբերի 26-ին մենք պետք է որոշում կայացնենք ընտրությունների մասին»,-ասել է Տոմենկոն: «Բատկիվշչինայից» ժողովրդական պատգամավոր Նիկոլայ Տոմենկոն իր հերթին վստահություն հայտնեց, որ պատգամավորները նոր կոալիցիա չեն ստեղծի: Այդ մասին նա հայտարարել է ճեպազրույցի ժամանակ: «Գերագույն ռադան պետք է այս ամիս աշխատի, քանի որ դա նախատեսված է գործող օրենսդրությամբ: Եթե մեկ ամսից կոալիցիա չստեղծվի, ես վստահ եմ, որ այն չի ստեղծվի, նախագահը 60 օրից արտահերթ ընտրություններ կհայտարարի: Այսպիսով, հոկտեմբերի 26-ին մենք պետք է ընտրությունների մասին որոշում կայացնենք»,-ասել է Տոմենկոն:

Ավելի վաղ ուկրաինական խորհրդարանում լուծարվեց կոմունիստների խմբակցությունը: Խորհրդարանի նախագահ Ալեքսանդր Տուրչինովը հույս հայտնեց, որ «երբեք այլևես կոմունիստական խմբակցություններ ուկրաինական խորհրդարանում չեն լինի», հայտնում է ՈւՆԻԱՆ-ը: Որոշումը հիմնավորվեց խմբակցության սակավանդամությամբ: Ուկրաինայի իշխանությունները ցանկանում են արգելել նաև կոմունիստական կուսակցությունը, որին նրանք մեղադրում են երկրի արևելքում աշխարհազորայիններին սատարելու համար: Համապատասխան նախաձեռնությամբ հանդես է եկել արդարադատության նախարարությունը, կուսակցության ճակատագրի մասին որոշումը պետք է կայացնի դատարանը: Իշխանափոխությունից հետո կոմունիստներն ընդդիմադիր դարձան:

Հունիսի 16-ին Ուկրաինայի նախագահ Պյոտր Պորոշենկոն հանդիպել է խորհրդարանի խմբակցությունների առաջնորդների հետ ու քննարկել է գործողությունների համակարգումն արտահերթ ընտրությունների վերաբերյալ: Որոշ խմբակցություններ առաջարկում էին որոշում կայացնել խորհրդարանի ինքնալուծարման մասին, սակայն դա հակասում է երկրի սահմանադրությանը:

«Բատկիվշչինան», «Ուդառը», «Ազատությունն» ու երկու խմբավորում՝ «Ինքնիշխան եվրոպական Ուկրաինան» և «Տնտեսական զարգացումը» կոալիցիա կազմեցին Ռադայում ընթացիկ տարվա փետրվարին: