Իրանը զինում է «Իսլամական պետության» ահաբեկիչների դեմ Իրաքում պայքարող քրդերին26 օգոստոսի 2014 - 22:11 AMT PanARMENIAN.Net - Իրաքյան Քուրդիստանի կառավարության ղեկավար Մասսուդ Բարզանին հայտարարել է, թե Իրանը զենք ու զինամթերք է մատակարարել քրդական ռազմական խմբավորումներին, որոնք մարտնչում են «Իսլամական պետություն» խմբավորման զինյալների դեմ, հաղորդում է BBC-ն: «Մենք զենք խնդրեցինք, և Իրանն առաջին երկիրն է, որն այն տրամադրեց մեզ», - Հայտարարել է Բարզանին Իրանի ԱԳՆ ղեկավար Ջավադ Զարիֆի հետ համատեղ ասուլիսում: ԱՄՆ-ը ու Ֆրանսիան արդեն զենք են մատակարարում քրդերին: Զենքի մատակարարման հնարավորության մասին հայտարարել են նաև եվրոպական մյուս երկրները: Ավելի վաղ Վաշինգտոնը «Իսլամական պետության» ջիհադականներին անվանել է ամենանշանակալից վտանգը, որի հետ Միացյալ Նահանգները բախվել են վերջին տարիներին: Օգոստոսի 24-ին տեղի է ունեցել Իրանի ԱԳՆ ղեկավար Մոհամմադ Ջավադ Զարիֆի և Իրաքի նախագահ Ֆուադ Մաասումի հանդիպումը, որի ընթացքում Զարիֆը հայտարարել է, որ հասել է տարածաշրջանային համագործակցության և ահաբեկչության դեմ ընդհանուր քարոզարշավ սկսելու ժամանակը: Ամռան սկզբին «Իսլամական պետության» զինյալները գրավել են Սիրիայի արևելքում մի շարք բնակավայրեր և սկսեցին առաջանալ դեպի Իրաքի սահմանները: Ծայրահեղականները հաջողության են հասել նաև իրաքյան տարածքներում՝ վերահսկողություն սահմանելով երկրի արևմուտքում մի քանի քաղաքների վրա: Հուլիսի վերջում նրանք հայտարարեցին Իրաքի ու Սիրիայի տարածքում խալիֆայության ստեղծման մասին: Photo: AFP Ուշագրավ Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում Պատճառը հայտնի չէ Օրինագծով նաև նախատեսվում է հստակեցնել այն ժողովուրդների ցանկը, որոնք պատմականորեն ապրել են Ռուսաստանի տարածքում Ամենաընթերցվողը բաժնում | Կայծակը հարվածել է Աբու Դաբի-Երևան չվերթի օդանավին՝ ճաքել է պատուհաններից մեկը Օդանավում խուճապ է սկսվել, սակայն օդաչուների պրոֆեսիոնալիզմի շնորհիվ հաջողվել է անվնաս վայրէջք կատարել Fastex-ը, Ucraft-ը և Hoory-ն հովանավորել են Dօing Digital 2024 համաժողովը և հատուկ մրցանակների արժանացել Fastex web3 էկոհամակարգը ճանաչվել է լավագույնը բլոկչեյնի նորարարական կիրառման համատեքստում GRECO-ն ՀՀ-ին կոչ է արել ավելի ուժեղ վերահսկողություն սահմանել բարձրագույն գործադիր գործառույթների նկատմամբ Իշխանությունները GRECO-ին պետք է ներկայացնեն զեկույցում առկա 22 առաջարկությունների վերաբերյալ իրենց կատարողականը Սենատոր Փիթերս․ Ադրբեջանն էթնիկ զտում է իրականացրել Նա գլխավորում է Հայաստանի պաշտպանության ակտի՝ S.3000 բանաձևի միաձայն ընդունման նախաձեռնությունը |