Արցախ այցելության պատճառով ավստրիացի լրագրողուհու մուտքը Բաքու արգելել են 8 սեպտեմբերի 2014 - 12:10 AMT PanARMENIAN.Net - Ավստրիացի լրագրող Յուտտե Բաուերին, որն ուղեկցում է Ավստրիայի ԱԳ նախարար Սեբաստիան Կուրցին Հարավային Կովկասի երկրներ այցելությունների շրջանակում, Ադրբեջանի մուտքի արտոնագիր չեն տվել: Ինչպես հայտնում է Haqqin.az-ը ավստրիական ԶԼՄ-ների վրա հղումով, նրան մերժել են, քանի որ վերջինս ընդգրկված է Ադրբեջանի ԱԳՆ «սև ցուցակում» Լեռնային Ղարաբաղ այցելելու համար: Ինքը լրագրողուհին չի թաքցնում Լեռնային Ղարաբաղ այցելության փաստը, իսկ նրա գրած ռեպորտաժն այցելության մասին հրապարակվել է ավստրիական ԶԼՄ-ներում: Լրագրողուհու գործընկերները մերժումը կապում են նաև նրա քննադատության հետ Ադրբեջանի հասցեին: Սկանդալը չհաջողվեց մարել նույնիսկ Ավստրիայի պետքարտուղարի միջամտությունից հետո: Նշվում է նաև, որ Սեբաստիան Կուրցը այդ հարցը կարծարծի Բաքվում Ադրբեջանում խոսքի ազատության խնդրի համատեքստում: Հիշեցնենք, որ ադրբեջանական իշանությունները պաշտոնապես արգելում են այն անձանց մուտքը երկրի, ով այցելել է Լեռնային Ղարաբաղ: 2013 թվականին Ադրբեջանի ԱԳ նախարարությունը հրապարակեց Արցախ այցելած 335 անձանց հայտնի «սև ցուցակը»: Ավելի ուշ Բաքվում կարծիքներ հնչեցին, որ ՎՈւԱՄ անդամ երկրները՝ Վրաստանը, Ուկրաինան, Ադրբեջանն ու Մոլդովան, պետք է «այդ երկրների «սև ցուցակների» փոխադարձ ուժի մասին համաձայնություն կնքեն, կամ էլ պայմանագիր ընդհանուր «սև ցուցակ» ստեղծելու մասին: Առաջարկվեց նաև նմանատիպ համաձայնագիր կնքել նաև Թուրքիայի հետ: Նշենք, որ իրենց անուններն այդ ցուցակում գտած անձանցից ոչ մեկը ափսոսանք չէր հայտնել Ղարաբաղ այցելելու համար: Հակառակը՝ միայն մեկ անգամ Արցախ այցելողները որոշեցին կրկնել այցը: Մարդիկ, որոնք չէին գտել իրենց անունները «սև ցուցակում», թեև եղել էին Ղարաբաղում, կոչ արեցին ադրբեջանական ԱԳՆ-ին շտկել սխալն ու անպայման իրենց «անցանկալի անձ» հայտարարել: Ցուցակում հայտնվել էին նաև մարդիկ, որոնք երբեք չէին եղել Արցախում, բայց այս պարագայում որոշեցին անպայման այցելել: Ուշագրավ Կողմերը քննարկելու են նաև համագործակցությունը նավթագազային ոլորտում Էսմայիլին ասել է, որ թռիչքի ժամանակ եղանակը բարենպաստ է եղել, ամպամածություն եղել միայն մեկ հատվածում Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական | ԶԼՄ. ՀՀ–ն դիտարկում է Իրանի Չաբահար նավահանգստում India Ports Global Ltd. & Ports օպերատորի հետ գործակցության տարբերակը Ստեղծվել է միջգերատեսչական աշխատանքային խումբ Ռուբինյան․ Թուրքական կողմից սահմանի բացմանն ուղղված քայլեր չենք տեսել «Մենք ակնկալում ենք, որ այդ պայմանավորվածությունը կկատարվի»,-ասել է Ռուբինյանը O’Բրայենը՝ Փաշինյանին․ ԱՄՆ–ն շարունակելու է աջակցությունը ՀՀ կառավարությանը՝ առաջ մղելու բարեփոխումները Փաշինյանն ընդգծել է ԱՄՆ աջակցությունն ուղղված Հայաստանում իրականացվող ժողովրդավարական բարեփոխումներին Idcoin. IDBank-ի հավատարմության համակարգի նոր գործիքը Մեկ idcoin-ը հավասար է մեկ դրամի |