 10 հազար եզդի պաշարված է Սինջար լեռան վրա 14 հոկտեմբերի 2014 - 10:24 AMT PanARMENIAN.Net - «Իսլամական պետության» ահաբեկիչները, հավանաբար, փակել են բոլոր ցամաքային ուղիները Սինջար լեռան մատույցներում, այդպիսով արտաքին աշխարհից կտրելով մոտ 10 հազար եզդի փախստականի: Այդ մասին, ըստ քրդամետ RUDAW գործակալության, հայտարարել է քրդերի զինյալների հրամանատարներից գեներալ Աշթի Քոչարը: «ԻՊ-ն երեք քրդական գյուղ է գրավել Սիրիայում, որոնցով անցնում էր միակ ճանապարհը դեպի Սինջար լեռը: Լեռան վրա մոտ 10 հազար մարդ կա: Ցրտերի շեմին նրանց շտապ պահանջվում են վրաններ և վերմակներ, հայտնել է գեներալը: Պաշարվածների հետ կապը կարող է իրականացվել միայն օդով: Քոչարը հայտարարել է, որ քրդերը դիմել են Իրաքի զինված ուժերին հումանիտար օգնության ակնկալիքով: Եզդիներից բացի, լեռան վրա են նաև Քրդական աշխատավորական կուսակցության և Ժողովրդի պաշտպանության միության զինված ջոկատները, որոնք պետք է պաշտպանեն մարդկանց իսլամիստների գրոհներից: Իրաքի հյուսիսում եզդիների կոմպակտ բնակության վայրերը ԻՊ գրոհայինների հսկողության տակ են: Գրավյալ տարածքներում իսլամիստները էթնիկ զտումներ ու ջարդեր են իրագործում, որոնց զոհ է գնացել, ըստ նախնական տվյալների, մոտ 20 հազար եզդի, տասնյակ հազարավորները ստիպված են եղել լքել տները: Ամռան սկզբին «Իսլամական պետության» զինյալները գրավեցին մի շարք բնակավայրեր Սիրիայի արևելքում և սկսեցին առաջանալ դեպի Իրաքի սահմանները: Ծայրահեղականները հաջողության են հասել նաև իրաքյան տարածքներում՝ վերահսկողություն սահմանելով երկրի արևմուտքում մի քանի քաղաքների վրա: Հուլիսի վերջում նրանք հայտարարեցին Իրաքի ու Սիրիայի տարածքում խալիֆայության ստեղծման մասին: Զինված հակամարտությունն Իրաքի հյուսիսում սկսվեց «Իսլամական կազմակերպության» գրոհից հետ Մոսուլի ուղղությամբ, որն ահաբեկիչները գրավեցին հունիսի լույս 10-ի գիշերը: Ըստ որոշ գնահատականների, 1300 զինյալներ գրավեցին Նայնավա գավառի կառավարական հաստատությունները, բանակային օբյեկտները և Մոսուլի միջազգային օդանավակայանը: Մոտ 500 հազար բնակիչներ փախան քաղաքից: Գրոհայինները զանգվածային մահապատիժներ են իրականացնում Իրաքի բանակի զինծառայողների ու բնակիչների շրջանում գրավյալ տարածքներում: Հայտնի է առնվազն մի քանի հարյուր սպանվածների մասին: Մարտական գործողություններն ուղեկցվում են զանգվածային բնաջնջմամբ: Ըստ արևմտյան երկրների ԶԼՄ-ների, հակամարտության գոտում արդեն մոտ 10 հազար քրիստոնյա ու եզդի է սպանվել: .  Ուշագրավ Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար Շատերը զրկվել են տանիքից և գիշերում են փողոցում   Ամենաընթերցվողը բաժնում |  Վերջին լուրեր Մի խումբ քաղաքացիներ փակել են Երևան-Սևան ճանապարհը` հաջակցություն տավուշցիների  «Որտեղ ակցիա լինի՝ մասնակցելու ենք, չսարքենք սա քաղաքական թեմա», - հայտարարել են ցուցարարներըԷրդողանը՝ ՀՀ–ին․ Հնարավորության դռները հավերժ չեն կարող բաց մնալ, նոր ճանապարհային քարտեզի ժամանակն է «Տարածաշրջանում արդեն նոր կարգ է ստեղծվում, անհիմն անգիրները մի անկյունում թողնելու ժամանակն է»,–ասել է նաՊապիկյանը Ֆրանսիայի Սենատի պատվիրակության հետ պաշտպանական գործակցության հարցեր է քննարկել Հանդիպմանը ներկա էր նաև ՀՀ-ում Ֆրանսիայի արտակարգ և լիազոր դեսպանըՋահերով երթը կմեկնարկի Հանրապետության հրապարակից Կսահմանափակվի երթևեկությունը մայրաքաղաքի մի շարք փողոցներում |
