Ձերբակալվել են Վրաստանի ՆԳՆ նախկին պաշտոնյաներ. Նրանք առևանգել են 19-ամյա տղային ու փրկագին պահանջել14 հոկտեմբերի 2014 - 11:16 AMT PanARMENIAN.Net - Վրաստանի ՆԳՆ նախկին բարձրաստիճան պաշտոնյաները ձերբակալվել են Թբիլիսիի 19-ամյա բնակիչ Իոսիպ Գիորխելիձեին առևանգելու և նրան ազատ արձակելու դիմաց 300 հազար դոլար փրկագին պահանջելու կասկածանքով, ասվում է ՆԳՆ հաղորդագրության մեջ, հայտնում է Ինտերֆաքսը: Հաղորդագրության մեջ ասվում է, որ այս գործով իրականացված օպերատիվ-քննչական միջոցառումների արդյունքում արդեն չորս մարդ է ձերբակալվել, այդ թվում Վրաստանի ՆԳՆ սահմանադրական անվտանգության դեպարտամենտի նախկին աշխատակից Դուրմիշխան Գվարչլիանին, ՆԳՆ հատուկ օպերատիվ դեպարտամենտի նախկին աշխատակից Ջեմալ Շոնիան, ինչպես նաև Ալեքսանդր Չանտուրիան և Գեորգի Կալդանին: Ըստ քննության տվյալների, հոկտեմբերի 10-ին Շոնիան և Կալդանին ներթափանցել են Գիորխելիձեի տուն և սպառնալով զենքով առևանգել Ռամին Գիորխելիձեի որդուն Իոսիպին: Նույն օրն առևանգիչները կապվել են Գիորխելիձեի հետ ու որդուն ազատ արձակելու համար 300 հազար դոլար պահանջել: Ըստ գերատեսչության, դրանից հետո Գիորխելիձեն դիմել է ոստիկանություն: «Օպերատիվ-քննչական միջոցառումների արդյունքում Շոնիան և Չանտուրիան հոկտեմբերի 12-ին ձերբակալվեցին Թբիլիսիում, իսկ հոկտեմբերի 13-ին՝ Գվարչլիանին Ծղնետի ավանում, Գեորգի Կալդանին՝ Արմազի գյուղում: Անձնական խուզարկության ժամանակ Կալդանիի մոտից առգրավվել է «ՏՏ» տիպի ատրճանակ և 10 հազար դոլար»,-հայտնում է ՆԳՆ-ն: Քննությունն այս գործով շարունակվում է Վրաստանի ՔՕ 114-րդ հոդվածի 2-րդ մասով՝ նախնական դավադրության հետևանքով պատանդի վերցնում շահ ստանալու նպատակով: Ուշագրավ Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում Պատճառը հայտնի չէ Օրինագծով նաև նախատեսվում է հստակեցնել այն ժողովուրդների ցանկը, որոնք պատմականորեն ապրել են Ռուսաստանի տարածքում Ամենաընթերցվողը բաժնում | Մինչև 10% քեշբեք GetTransfer-ից՝ IDBank-ի քարտերով Քեշբեքի չափը կախված է IDBank-ի քարտից G7-ի երկրները կոչ են արել Բաքվին կատարել հումանիտար իրավունքի իր պարտավորությունները Նրանք նաև կոչ են արել Երևանին և Բաքվին հավատարիմ մնալ խաղաղ գործընթացին ftNFT ֆիջիթալ սփեյսում քննարկվել է AKNEYE-ի հետ գործակցությունը և մտավոր սեփականության իրավունքը Ետալեանը ներկաներին պատմել է AKNEYE-ի հետ գործակցության սեփական փորձի մասին Լավրով․ ՀՀ-ն դեռ ինքը չի կարող որոշել ՀԱՊԿ պատասխանատվության գոտին իր տարածքում Նա ասել է, որ պետք է «նշել Հայաստանի սահմանները, ավարտել սահմանազատումը» |