  Պետդեպ. ԱՄՆ-ն անհանգստացած է Ադրբեջանում ՄԻՊ Լեյլա Յունուսի ճակատագրով 16 հոկտեմբերի 2014 - 12:34 AMT PanARMENIAN.Net - ԱՄՆ պետդեպարտամենտի խոսնակ Ջեն Փսակին հաղորդագրություն է տարածել՝ կոչ անելով Ադրբեջանի կառավարությանն ազատ արձակել մարդու իրավունքների պաշտպան Լեյլա Յունուսին: Պետդեպարտամենտի կայքում տեղադրված մամուլի հաղորդագրությունում նշվում է, որ ԱՄՆ-ն անհանգստացած է փաստով, որ մարդու իրավունքների պաշտպան Լեյլա Յունուսը շարունակում է մնալ Ադրբեջանում նախնական կալանքի տակ՝ առանց անհրաժեշտ բժշկական օգնության հնարավորության՝ չնայած նրա վատթարացող առողջական վիճակին: «Մենք նաև չափազանց մտահոգված ենք Լեյլա Յունուսի ֆիզիկական անվտանգության վերաբերյալ սպառնալիքների առումով: Մարդասիրական նկատառումներից ելնելով՝ կոչ ենք անում Ադրբեջանի կառավարությանն անհապաղ Լեյլա Յունուսին տրամադրել անկախ բժշկական հետազոտության և խնամքի հնարավորություն, ապահովել նրա անվտանգությունը և բարելավել կալանքի պայմանները: Նաև կոչ ենք անում Ադրբեջանի կառավարությանը հարգել օրենքի գերակայությունը և ազատ արձակել հիմնարար ազատություններն իրականացնելու համար ազատազրկվածներին»,- նշված է հաղորդագրության մեջ: Փսակին հավելում է, որ ազատ արձակվածների թվում պետք է լինեն Լեյլան և նրա ամուսին Արիֆը, որոնց վատթարացող առողջական վիճակը հրատապ է դարձնում նրանց ազատ արձակումը: «Ադրբեջանի շահերից է բխում երաշխավորել իր քաղաքացիների արժանապատվությունը, մարդու իրավունքները և հիմնարար ազատությունները, որոնց իրավունքն ունեն բոլոր քաղաքացիները՝ Ադրբեջանի միջազգային պարտավորությունների համաձայն»,- եզրափակում է Փսակին: 2013-ի հոկտեմբերին տեղի ունեցած նախագահական ընտրություններից հետո Ադրբեջանի կառավարությունը քաղաքական ընդդիմադիրներին ու ակտիվիստներին ճնշելու արշավ սկսեց: Մի շարք օրենքներում ուղղումներ կատարվեցին ՈԿԿ գործունեության վերաբերյալ: 2014-ի կեսերին Ադրբեջանում կտրուկ աճեցին քաղաքական դրդապատճառներով ձերբակալությունները:Հուլիսի 30-ին Լեյլա Յունուսին ձերբակալեցին պետական դավաճանության, հարկերի վճարումից խուսափելու, ապօրինի ձեռնարկատիրության, փաստաթղթեր կեղծելու և խոշոր չափի խարդախության մեջ: Նրա ամուսնուն՝ Արիֆ Յունուսին ձերբակալեցին օգոստոսի 5-ին, երբ նրան մեղադրանք ներկայացվեց պետդավաճանության և խոշոր չափի խարդախության համար:   Ուշագրավ Կողմերը քննարկելու են նաև համագործակցությունը նավթագազային ոլորտում Էսմայիլին ասել է, որ թռիչքի ժամանակ եղանակը բարենպաստ է եղել, ամպամածություն եղել միայն մեկ հատվածում Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական   Ամենաընթերցվողը բաժնում |  Վերջին լուրեր Amnesty International-ը կոչ է արել ՀՀ իշխանություններին անհապաղ հետաքննել հունիսի 12-ի բռնությունները  «Երևանում վերջին փողոցային ակցիայի ժամանակ բռնությունների մակարդակը խորը տագնապ է առաջացնում»,–ասել է կառույցի ներկայացուցիչըԲագրատ սրբազան․ Ապրում ենք իրավական ամենաթողության մեջ Նա նշել է, որ իրավապահ ամբողջ համակարգը դարձել է «իշխանության աթոռները պահող, ծառա»Հայկակ Արշամյան․ 2023–ին «Հայաստան» հիմնադրամին փոխանցումը կազմել է 7 մլրդ դրամ, 60 ծրագիր է արվել 2 նոր բազմաբնակարան շենք է կառուցվել Գյումրիում, 14 առանձնատուն՝ Լեռնագոգում, 6–ը՝ Ներքին ԽնձորեսկումԵրևանում կտեղադրվի 930 բեռնարկղ 4 տեսակի թափոնների համար Նոր թափոնամանները բավարար կլինեն ապակին, պլաստիկը, թուղթն ու այլումինը տեսակավորելու համար |
