 ԱՄՆ-ն Ուկրաինային HumVee և հակաականանետային ռադարային համակարգեր կմատակարարի 22 նոյեմբերի 2014 - 14:48 AMT PanARMENIAN.Net - ԱՄՆ-ը նոյեմբերի 20-ին Ուկրաինայի զինված ուժերին է փոխանցել 3 թեթև հակաականանետային ռադարային համակարգ։ Ինչպես լրագրողների հետ զրույցում հայտնել է Պենտագոնի ներկայացուցիչ Սթիվ Ուորենը, դա խմբաքանակի առաջին մասն է։ Ընդհանուր առմամբ, ՏԱՍՍ-ի հաղորդմամբ, ԱՄՆ-ը Ուկրաինային կտրամադրի նման 20 համակարգ: Մյուս 17 ռադարային համակարգը նախատեսվում է փոխանցել առաջիկա շաբաթների ընթացքում։ Այս համակարգերը գրանցում են մոտեցող ականը, արագ որոշում են կետը, որտեղից հակառակորդը կրակ է բացել, և հնարավորություն տալիս պատասխան քայլեր ձեռնարկել: Ուորենը մանրամասնել է, որ սա այս տարի ԱՄՆ կողմից ՈՒկրաինային խոստացված $118 մլն ընդհանուր արժողությամբ օգնության փաթեթի մի մասն է: Այն ներառում է ինչպես առարկայական հատկացումներ, այնպես էլ կրթական ծրագրեր: Reuters-ն ավելի վաղ հաղորդել է, որ Ուկրաինային հատկացվելու են նաև HumVee զրահապատ մեքենաներ: Գործակալության զրուցակիցները չեն թաքցրել, որ մատակարարվող օգնությունը նախատեսված է անջատողականների հետ երկրի արևելքում պատերազմող զինվորականների համար: Բացի այդ, ինչպես գրում է Gazeta.ru-ն, ԱՄՆ իշխանությունները, ի հավելումն 2014-ին հատկացված $1 մլն վարկի, $320 մլն-ի չափով հավելյալ օգնություն են հատկացրել Ուկրաինային: Զինված հակամարտությունն Ուկրաինայի արևելքում շարունակվում է 2014-ի ապրիլից, որպես Կիևի Մայդանի, Յանուկովիչի պաշտոնանկության ու Ղրիմը ՌԴ-ին միանալու հետևանք: Դոնեցկի ու Լուգանսկի ինքնահռչակ հանրապետությունների ուժերը, վերցնելով իշխանությունը տարածաշրջանում, պահանջում էին ավելի լայն լիազորություններ կամ անկախություն, որին Կիևը պատասխանեց մարտական գործողություններով ու ապստամբությունը ուժով ճնշելու փորձով: Մարտերի արդյունքում կենտրոնական իշխանությունը կորցրեց վերահսկողությունը Դոնեցկի և Լուգանսկի ծրջանների մի մասում, զոհվեց մոտ 4 հազար մարդ, փախստական դարձավ մոտ 800 հազարը:   Ուշագրավ Կավելացվեն ծախսերը նաև հատուկ նշանակության նախագծերի ֆինանսավորման համար Շատերը զրկվել են տանիքից և գիշերում են փողոցում Պատճառը հայտնի չէ Օրինագծով նաև նախատեսվում է հստակեցնել այն ժողովուրդների ցանկը, որոնք պատմականորեն ապրել են Ռուսաստանի տարածքում   Ամենաընթերցվողը բաժնում |  Վերջին լուրեր Մանկապարտեզներում երկարօրյա ծառայությունը կգործի անգամ 1 երեխայի համար  Մանկապարտեզներում կան նաև կրթական լրացուցիչ վճարովի ծառայություններՏաթևի վանքի շրջակայքում պտղատու այգի է հիմնվում՝ ի զորակցություն Ռուբեն Վարդանյանի և գերեվարված հայրենակիցների Ծրագրին կարող են մասնակցել բոլորը՝ այցելելով գործակալության կայք և ձեռք բերել անվանական ծառ` սեղմելով «Տնկել ծառ» կոճակըՏոնոյան․ Եթե երկրի ղեկավարը կախիչների որակը զննելու ժամանակ ունի, թող նաև հրթիռները «զննելու» ժամանակ գտնի Ըստ նրա, զննության արդյունքներով հօդս են ցնդել հրթիռներին տրված «անորակ», «անպիտան» և «ժամկետանց» որակումներըԿիպրոսի Ներկայացուցիչների պալատը հարգել է Հայոց ցեղասպանության զոհերի հիշատակը Կուլիասը նշել է, որ ապրիլի 24-ին ոգեկոչվում է Հայոց ցեղասպանության «սև տարելիցը» |
