Ֆրանսիացի դաշնակահար Կլայդերմանը համերգներ կունենա Հայաստանում

Ֆրանսիացի դաշնակահար Կլայդերմանը համերգներ կունենա Հայաստանում

PanARMENIAN.Net - Հայտնի ֆրանսիացի դաշնակահար և գործիքավորող, դասական և էթնիկ երաժշտության կատարող Ռիչարդ Կյալդերմանը, համերգներով հանդես կգա Հայաստանում, հայտնում է Արցախպրեսը համերգների կազմակերպիչ «Invitro Production» ընկերության վրա հղումով:

Գինեսի ռեկորդների գրքում ընդգրկված հայտնի դաշնակահարի համերգները տեղի կունենան 2015-ի մարտի 13-ին և 14-ին Օպերայի և բալետի Ազգային ակադեմիական թատրոնում Հայաստանի Պետական կամերային նվագախմբի նվագակցությամբ: Ինչպես հայտնում են կազմակերպիչները, տոմսերի վաճառքը կսկսվի մի քանի օրից:

Կլայդերմանը հայտնի դարձավ 1976 թվականին, երբ երիտասարդ երաժիշտը կատարեց « Բալլադ Ադելինայի համար ստեղծագործությունը»: Այդ կոմպոզիցիայի սինգլը վաճառվեց 38 մլն ընդհանուր տպաքանակով ավելի քան 30 երկրում: Ռիչարդ Կլայդերմանը ձայնագրել է մոտ 1200 երաժշտական ստեղծագործություն, թողարկել է մոտ 1000 խտասկավառակ 90 մլն օրինակ ընդհանուր տպաքանակով: Իր երաժշտական կարիերայի ընթացքում նվաճել է մոտ 350 ոսկե և պլատինե պարգև:

 Ուշագրավ
Տիգրան Ավինյանն ու Գրեգորի Դուսեն այցելել են պատմական թաղամաս
Snap-ը պլատինե երգի կարգավիճակ է ստացել նաև մի քանի այլ երկրներում
Հայկական դուդուկի երաժշտությունը ՅՈՒՆԵՍԿՕ-ի ցանկում է ընդգրկվել դեռևս 2008 թ․
Ցուցադրությունը կազմակերպվում է այս երեք ֆիլմերի Պոմպիդու կենտրոնին հանձնման արարողության առիթով
---