ՀՀ-ից արտասահմանյան արտադրության մեքենաների արտահանման աճի միտում կա11 փետրվարի 2015 - 15:17 AMT PanARMENIAN.Net - Եվրասիական տնտեսական միությանը Հայաստանի անդամակցությունից հետո ՀՀ քաղաքացիները սկսել են ձեռք բերել ԵՏՄ երկրների արտադրության մեքենաներ, վկայում է ֆինանսների նախարարության 2015-ի հունվար ամսվա վերլուծությունը: Դա պայմանավորված է նրանով, որ ԵՏՄ անդամ երկրներում ամբողջությամբ արտադրված, ինչպես նաև Միության ապրանքի կարգավիճակ ունեցող ավտոտրանսպորտային միջոցների ներմուծման դեպքում մաքսատուրքեր չեն կիրառվում, հայտնում է նախարարության տեղեկատվության և հասարակայնության հետ կապերի բաժինը: Նախարարությունից հիշեցնում են, որ մաքսատուրքեր չեն գանձվում. 1. Եթե ապրանքն ամբողջությամբ արտադրված է ԵՏՄ տարածքում 2. Եթե ապրանքը ներմուծված է ԵՏՄ տարածք և ստացել է ԵՏՄ ապրանքի կարգավիճակ ըստ Միության Մաքսային օրենսդրության և անդամ երկրների միջազգային պայմանագրերի 3. Եթե ապրանքն արտադրվել է Միության տարածքում 1 և 2 կետերում նշված ապրանքներից, հայտնում է Armenia Today-ը: Ավելի վաղ հայտնի դարձավ, որ Ղազախստանը մտադիր է հասնել ավտոմեքենաների միասնական գների սահմանմանը ԵՏՄ-ում: Միաժամանակ վերջին շրջանում նկատվում է Հայաստանից արտասահմանյան արտադրության մեքենաների արտահանման աճի միտում: Դա պայմանավորված այն հանգամանքով, որ օտարերկրյա պետությունների արտադրության ավտոտրանսպորտային միջոցները համեմատաբար ավելի մատչելի դրույքաչափերով են ներկրվում Հայաստան, քան՝ ԵՏՄ այլ երկիր: Մաքսային ձևակերպման գործընթացից ամբողջությամբ հանվել են պարամետրերը կամ, այսպես կոչված, օպցիաները: Մյուս նորույթն ավտոմեքենաներում վնասակար արտանետումների չեզոքացուցիչի առկայությունը ստուգող փորձագիտական երկրորդ կետի բացումն է` բացառելով հերթերը: Մաքսատունը եռամսյա պարբերականությամբ հետևում է նաև ավտոշուկայի համաշխարհային միտումներին` վերանայելով մաքսազերծման սակագները, ինչի արդյունքում 15-20 տոկոսով նվազել է մի շարք ավտոմեքենաների մաքսային արժեքը: Հայաստանը ԵՏՄ-ին անդամակցելու համաձայնագիրը կնքեց հոկտեմբերի 10-ին և ԵՏՄ լիիրավ անդամ դարձավ 2015-ի հունվարի 2-ին: Անդամակցության պայմանագրով նախատեսվում է 1-8 տարի Հայաստանի և ԵՏՄ մաքսային տոկոսադրույքների ներդաշնակեցման համար, 12-60 ամիս՝ Մաքսային միության տեխնիկական կանոնակարգերի ընդունման, 3 տարի՝ մտավոր սեփականության օբեյկտների իրավունքների պահպանության ու պաշտպանության հարցերի կարգավորման համար: Անցումային շրջանում ԵՏՄ-ն իրավունք ունի որոշելու Հայաստանի տարածք իր ապրանքների ներմուծման հատուկ կարգը: Պայմանագրով նախատեսվում են նաև ապրանքների տեղափոխման առանձնահատկությունները օտար պետությունների տարածքով: Հայաստանը կստանա ԵՏՄ մաքսային մուտքերի 1,13 տոկոսը: ԵՏՄ կենտրոնակայանը լինելու է Մոսկվայում, ֆինանսական կանոնակարգողը՝ Ալմաթիում, իսկ ԵՏՄ դատարանը՝ Մինսկում: Բելառուսը նաև իրավունք է ստացել նախագահելու միությունում 2015 թ.: Ընթացիկ տարում միությանը կարող է միանալ նաև Ղրղզստանը: Ուշագրավ Ուսումնասիրությունները մեկնարկել են Փաշինյանի հանձնարարությամբ Երասխում պողպատի գործարանի կառուցման համար ընկերությունը ներդրել էր 2 միլիարդ դրամ Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը Կապահովվի խաղողի մթերումների գործընթացի կազմակերպումը | ԱԺ-ն ստացել է ՌԴ Դաշնային խորհրդի նամակը, որն առնչվում է Սիմոնյանի «հակառուսական հայտարարություններին» Նամակի բովանդակությունը հայտնի չէ Փաշինյան․ Լուծում ենք առաջիկա տասնամյակներում Հայաստանի լինելության հարցը «Եկել ենք մի տեղ, որտեղ մենք Հայաստանի ապագայի շատ կոնկրետ նախագիծ ենք դնում սեղանին»,–ասել է նա ՀՀ և Ադրբեջանի սահմանին արդեն սահմանային 28 սյուն կա՝ աշխատանքի մոտ 35%-ն է Երկու երկրների փորձագիտական խմբերի աշխատանքները շարունակվում են ԱԳՆ․ Ստացել ենք խաղաղության պայմանագրի նախագծի վերաբերյալ Ադրբեջանի առաջարկները Սա տեքստի 9-րդ խմբագրությունն է |