Սպանվել է հայտնի ռուս ընդդիմադիր Բորիս Նեմցովը. Դիտարկվում են բոլոր վարկածները28 փետրվարի 2015 - 10:38 AMT PanARMENIAN.Net - Սպանվել է հայտնի ռուս ընդդիմադիր գործիչ Բորիս Նեմցովը, որը 1990-ականներին զբաղեցնում էր ՌԴ վարչապետի առաջին տեղակալի պաշտոնը: Նրան գնդակահարել են անհայտ անձինք Մոսկվայում ուրբաթ երեկոյան: Քննությունը դիտարկում է բոլոր հնարավոր վարկածները, այդ թվում պատվիրված սպանության: Զոհվածի հարազատներին ու մերձավորներին արդեն իրենց ցավակցությունն են հայտնել հայտնի ռուսաստանցի և արտասահմանցի քաղաքական ու հասարակական գործիչներ, հայտնում է ՌԻԱ Նովոստի գործակալությունը: Ողբերգական դեպքը տեղի է ունեցել փետրվարի 27-ին 23:40-ին Մոսկվայի կենտրոնում, որտեղ Նեմցովը զբոսնում էր 23-ամյա ուկրաինուհու հետ: Նրանց է մոտեցել ավտոմեքենան, որից անհայտները առնվազն 7-8 կրակոց են արձակել՝ Նեմցովը չորս վիրավորում է ստացել թիկունքից, որոնք մահացու են եղել: ՌԴ ՆԳՆ-ն դեռևս չի հրապարակում պատահարի բոլոր մանրամասները, սակայն արդեն հարցաքննվել են վկաները, այդ թվում Նեմցովի հետ զբոսնող աղջիկը, որը կողքին է եղել սպանության պահին: Ինչպես հայտնել է Քննչական կոմիտեն, քննիչները դիտարկում են բոլոր վարկածները: ՆԳՆ պաշտոնական ներկայացուցիչ Ելենա Ալեքսեևան հայտնել է, որ մայրաքաղում հատուկ գործողություն է իրականացվում, ստեղծված է սպանությունը քննող օպերատիվ շտաբ, հարուցվել է քրեական գործ: ՌԴ նախագահ Վլադիմր Պուտինը իր ցավակցությունն է հայտնել սպանվածի հարազատներին և բարեկամներին և հանձնարարել է իրավապահ մարմիններին քննչական խումբ ստեղծել և հսկողության տակ պահել քննության ընթացքը: «Պուտինը նշել է, որ դաժան սպանությունը պատվիրված սպանության բոլոր հատկանիշներն ունի և բացառապես սադրիչ բնույթ է կրում»,-ասել է նախագահի մամուլի քարտուղար Դմիտրի Պեսկովը: ՌԴ վարչապետ Դմիտրի Մեդվեդևը կոչ է արել իրավապահ մարմիններին անել հնարավորը դաժան սպանության բոլոր մեղսակիցներին հայտնաբերելու համար, լրագրողներին է հայտնել վարչապետի մամուլի քարտուղար Նատալյա Տիմակովան: ԱՄՆ-ն պահանջել է «արագ, անաչառ և թափանցիկ» հետաքննություն անցկացնել: ԱՄՆ Ազգային անվտանգության խորհրդի Twitteri-ի պաշտոնական էջում բերված են ԱՄՆ նախագահ Բարաք Օբամայի խոսքերը. «Միացյալ Նահանգները դատապարտում են Նեմցովի դաժան սպանությունը»: Ուկրաինայի նախագահ Պյոտր Պորոշենկոն գտնում է, որ Բորիս Նեմցովի մարդասպանները վաղ թե ուշ կգտնեն իրենց պատիժը: «Նա կամուրջ էր Ուկրաինայի և ՌԴ միջև: Կրակոցով մարդասպանը քանդեց այդ կամուրջը: Կարծում եմ, դա պատահական չէ: Չեմ կասկածում, որ մարդասպանները կպատժվեն: Վաղ թե ուշ»,-ասվում է Պորոշենկոյի Facebook-յան էջում: Իր հերթին ռուս քաղաքական գործիչ Լեոնիդ Գոզմանը վստահ է, որ այդ հանցագործությունը ոչ մի կապ չունի մարտի 1-ին Մոսկվայում կայանալիք հակաճգնաժամային ընդդիմադիր հանրահավաքի հետ: Նա նշել է, որ տեղյակ չէ, արդյոք Նեմցովին սպառնացել են: «Աջակողմյան ուժերի միություն» կուսակցության նախկին համանախագահ Իրինա Խակամադան նույնպես վստահ է, որ Բորիս Նեմցովի սպանությունը սադրանք է ուղղված իրավիճակի ապակայունացմանը, ընդ որում նա չգիտի, արդյոք նրա հասցեին եղել են սպառնալիքներ: Սակայն, ըստ նրա, Նեմցովի սպանությունն անկասկած ձեռնատու չէ Պուտինին: Ուշագրավ Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում Պատճառը հայտնի չէ | Team-ի ինտերնետը հասանելի է մետրոյում Team-ի 4G ինտերնետը հնարավորություն կտա մետրոյի ուղևորներին անխափան օգտվել հավելվածներից, դիտել տեսանյութե Կիրանցի ղեկավար. Փաշինյանն ասել է՝ Ադրբեջանի վերահսկողության տակ գտնվող մեր հողերը վերադարձնելու ենք Տավուշի 4 գյուղ հանձնելու Ադրբեջանի պահանջի վերաբերյալ Կիրանցի գյուղապետն ասել է, որ դրանք ադրբեջանական գյուղեր են Բայրամովը Բոնոյին է ներկայացրել Բաքվի «ակնկալիքները ՀՀ հետ խաղաղ գործընթացից» Նրանք քննարկել են տարածաշրջանում տիրող իրավիճակը Փաշինյան․ ՀՀ այն ուրվագիծը, որ ցույց եմ տվել ասուլիսին, ցուցադրել եմ նաև Տավուշում «Հարցեր կային, որ տեղում դրանց սրությունը, այսպես ասած, ավելի էմոցիոնալ ու ավելի գործնական զգացի»,-ասել է նա |