Թուրքիան արդեն փորձում է կարգավորել հարաբերությունները Վատիկանի հետ28 ապրիլի 2015 - 18:05 AMT PanARMENIAN.Net - Թուրքիայի էկոնոմիկայի փոխնախարար Ադնան Յըլդըրըմը Հայոց ցեղասպանության մասին հայտարարությամբ Վատիկանի ու Թուրքիայի միջև դիվանագիտական սկանդալի պատճառ դարձած Հռոմի պապին և Վատիկանի պատվիրակությանը հրավիրել է Միլանում անցկացվելիք Expo 2015 ցուցահանդեսի թուրքական տաղավար: Ապրիլի 12-ին Վատիկանի Սուրբ Պետրոսի տաճարում Հայոց ցեղասպանության 100-րդ տարելիցի առիթվ զոհերի հիշատակին պատարագի ժամանակ Հռոմի պապ Ֆրանցիսկոսն Օսմանյան կայսրությունում հայերի սպանություններն անվանել է «20-րդ դարի առաջին ցեղասպանություն»: «Հայոց ցեղասպանության, այդ անծայրածիր խենթ ողբերգության 100-րդ տարելիցը հիշելը պարտադիր է, որովհետև ուր հիշատակ չկա, այնտեղ չարիքը դեռ բաց է պահում վերքը: Ծածկել հանցանքը, նշանակում է թողնել, որ վերքն արյունահոսի», - ասել է Հռոմի պապը: Հատկանշական է, որ պատարագը նախաձեռնել է հենց Հռոմի պապը: Ճնշումը նրա և Սուրբ Աթոռի վրա եղել է աննախադեպ: Թուրքական կողմն ամեն կերպ փորձել է խաթարել պատարագի անցկացումը, սակայն ջանքերը զուր են անցել: Իսկ պատարագից հետո թուրքական հիստերիան նախագահի, վարչապետի, արտգործնախարարի, այլ նախարարների մակարդակով էր կոպիտ քննադատություններից մինչև վիրավորանքներ Հռոմի պապի և արգենտինացիների հասցեին: Իտալական մամուլն այս առաջարկը բնութագրել է որպես «Թուրքիայի պարզած խաղաղության ձեռք»: Վատիկանը դրական է արձագանքել հրավերին, թուրքական «Ջումհուրիյեթ» պարբերականին հղումով գրում է Tert.am-ը: «Ցուցահանդեսին Թուրքիայի տաղավարում Պապին ընդունելը մեծ պատիվ կլիներ: Եթե նա անձամբ չգա՝ Վատիկանի պատվիրակությանը կարող ենք հյուրընկալել: Այդպիսով՝ թուրքական քաղաքակրթության արժեքներին կծանոթանան»,- ասել է Ադնան Յըլդըրըմը: Փոխնախարարը նշել է, որ Վատիկանը Թուրքիայից նման քայլ չէր սպասում և չի մոռացել հերթական առիթն օգտագործեկ հայտարարելու, թե Թուրքիան «պատրաստ է բացել բոլոր արխիվներն աշխարհի պատմաբանների համար»: Իսկ մինչ այդ Թուրքական Cumhuriyet պարբերականի լրագրող Դույգու Գյուվենչն անդրադարձել է Թուրքիայի իշխանությունների կողմից ԶՈւ Գլխավոր շտաբի և ԱԳՆ-ի «բաց» արխիվների վերաբերյալ հայտարարություններին: «Թուրքիայի իշխանություններն անընդհատ թմբկահարում են, թե Հայոց ցեղասպանությունը սուտ է, թե Թուրքիայի արխիվները բաց են բոլորի համար, ուստի ցանկացողները կարող են ուսումնասիրել ու համոզվել, որ այն, ինչ իրականում տեղի է ունեցել 1915-ին, չի համապատասխանում հայերի պնդումներին։ Սակայն թե´ Թուրքիայի ԱԳՆ-ի, և թե´ Թուրքիայի զինված ուժերի Գլխավոր շտաբի արխիվները փակ են։ Բաց արխիվների մասին հայտարարությունները չեն համապատասխանում իրականությանը», ասել է նա, գրում է ArmenianGenocide100.org-ը: Պատմաբանների հանձնաժողով ստեղծելու գաղափարն առաջին անգամ շրջանառվել է 1985 թվականին: Թուրքիայի կառավարության դրամաշնորհներից օգտվող 69 գիտնական The News York Times-ի և The Washington Post-ի էջերից դիմեց ԱՄՆ կոնգրեսին՝ կոչ անելով չքվեարկել Ցեղասպանությունը ճանաչող բանաձևի օգտին, քանի որ «դեռ շատ փաստեր պետք է ուսումնասիրվեն մինչև որ պատմաբանները կարողանան հստակ առանձնացնել պատասխանատուներին և անմեղներին, մատնանշեն իրադարձությունների պատճառները»: Տարիների ընթացքում այս առաջարկը հստակեցվեց՝ ունենալով միայն մի նպատակ՝ տասնամյակներով ապացուցել հավելյալ ուսումնասիրության անհրաժեշտությունը և հարցը բաց պահել: Թուրքիայում կառավարություններ էին փոխվում, բայց այս քաղաքականությունը նաև Էրդողանի և Դավութօղլուի «Արդարություն և զարգացում» կուսակցությունն է շարունակում: Ուշագրավ Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում Ամենաընթերցվողը բաժնում | Հայկական առաջին բանկը Ֆասթեքսվերսում․ Ֆասթ Բանկը ներկայացնում է իր վիրտուալ տարածքը Oգտատերերը ևս կարող են ստեղծել իրենց սեփական ավատարները Երևանում իրազեկման ակցիաներ են անցկացվել, փողոցներ փակվել Դավթաշենում քաղաքացիները 15 րոպեով փակել էին ճանապարհը ԱՄՆ փոխնախագահ․ Երբեք չենք մոռանա Հայոց ցեղասպանությունը Նա նշել է, որ 1․5 մլն հայ ենթարկվել է բռնագաղթի, սպանվել է և մահվան երթի զոհ դարձել Նախագիծ․ Ոստիկանությունը 24-ժամյա հասանելիություն կունենա հանրային տարածքների տեսահսկման համակարգերին Տնտեսվարող սուբյեկտները կպարտավորվեն ունենալ անընդմեջ և բարձր որակի տեսագրություն իրականացնող տեսահսկման համակարգեր |