Հայաստանում պեղումների արդյունքներն օգնել են նոր տվյալներ ստանալ ժանտախտի առաջացման և տարածման վերաբերյալ23 հոկտեմբերի 2015 - 16:06 AMT PanARMENIAN.Net - Գիտնականների միջազգային խումբը բրոնզեդարում և երկաթի դարում ապրած մարդկանց ԴՆԹ անալիզի արդյունքում մանրամասներ է ստացել ժանտախտի առաջացման և տարածման ժամանակաշրջանի և մեխանիզմների վերաբերյալ: Ուսումնասիրելով բրոնզե և երկաթե դարերում ապրած 101 մարդու ատամները, գիտնականները ժանտախտի հետքեր են գտել նրանցից յոթի մոտ: Ամենահին վարակակիրն ապրել է Ք.Ա. 6-5-րդ հազարամյակի շեմին: Վարակակիրներից վեցի մոտ, սակայն, բացակայել են ժամանակակից ժանտախտին բնորոշ ypm և pla գեները: Դրանցից առաջինը թույլ է տալիս մանրէներին պաշտպանվել տզերի օրգանիզմում առկա թունավոր նյութերից, ինչի հետևանքով մակաբույծները փոխանցում են վարակը մարդկանց առնետներից կամ այլ կենդանիներից: Երկրորդն օգնում է մանրէներին տեղափոխվել տարբեր հյուսվածներում, օրինակ՝ թոքերից անցնել արյան մեջ: Գեների բացակայությունը բերել է գիտնականներին այն եզրահանգմանը, որ ժանտախտը փոխանցվում էր ոչ թե հպման կամ մակաբույծների, այլ հիմնականում օդակաթիլային եղանակով: Ամենաերիտասարդ ժանտախտակիրի՝ Հայաստանի Կապան քաղաքի մերձակայքում հայտնաբերված վաղ երկաթի դարի ժամանակաշրջանում (Ք.Ա. 1048-885 թթ, մոտավոր հաշվարկներով՝ 951 թվական) ապրած մարդու մնացորդները, տարբերվում էին մնացածներից: Հետազոտությունը հայտնաբերեց թե ypm, թե pla գենի մնացորդներ պարունակող ժանտախտի մանրէի հետքեր: Հայտնագործման հիման վրա գիտնականները եզրակացրին, որ ժամանակակից ժանտախտը ձևավորվել է Ք.Ա. երկրորդ և առաջին հազարամյակների շեմին Մերձավոր Արևելքում, որտեղից էլ տարածվել է Եվրասիայով: Աշխատությունը հրապարակված է Cell գիտական ամսագրում: Հետազոտությունն անցկացրած գիտնականների թվում են պատմական գիտությունների թեկնածու Արտակ Գնունին, կենսաբանական գիտությունների դոկտոր, ՀՀ ԳԱԱ մոլեկուլյար կենսաբանության ինստիտուտի առաջատար գիտաշխատող Լևոն Եպիսկոպոսյանը, Հնագիտության և ագգագրության ինստիտուտի տնօրեն Պավել Ավետիսյանը: Պատմության ընթացքում մարդկությունը մի քանի ժանտախտի համաճարակներ է տեսել: Դրանցից առաջին հայտնի համաճարակը «Հուստինիանոսյան ժանտախտն» է, որն սկսվել է բյուզանդական Հուստինիանոս կայսեր օրոք ու տևել է մոտ երկու դար՝ 541-750 թվականներին: Երկրորդն ու առավել հայտնին 14-րդ դարի կեսերին Եվրոպայում տեղի ունեցած համաճարակն է, որին, տարբեր հաշվարկներով, զոհ է գնացել մոտ 25 մլն մարդ՝ աշխարհամասի բնակչության մոտ մեկ երրորդը: Երրորդը 19-րդ դարում Չինաստանում ու Հնդկաստանում տեղի ունեցած համաճարակն է, որին զոհ գնաց մինչև 6 մլն մարդ: Առողջապահության միջազգային կազմակերպության տվյալներով, տարեկան ֆիքսվում է ժանտախտի է 1-2 հազար նոր դեպք: Լուսանկարում՝ ժանտախտի բժշկի միջնադարյան դիմակ, Բերգենի թանգարան Ուշագրավ Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում Պատճառը հայտնի չէ | Team-ի ինտերնետը հասանելի է մետրոյում Team-ի 4G ինտերնետը հնարավորություն կտա մետրոյի ուղևորներին անխափան օգտվել հավելվածներից, դիտել տեսանյութե Կիրանցի ղեկավար. Փաշինյանն ասել է՝ Ադրբեջանի վերահսկողության տակ գտնվող մեր հողերը վերադարձնելու ենք Տավուշի 4 գյուղ հանձնելու Ադրբեջանի պահանջի վերաբերյալ Կիրանցի գյուղապետն ասել է, որ դրանք ադրբեջանական գյուղեր են Բայրամովը Բոնոյին է ներկայացրել Բաքվի «ակնկալիքները ՀՀ հետ խաղաղ գործընթացից» Նրանք քննարկել են տարածաշրջանում տիրող իրավիճակը Փաշինյան․ ՀՀ այն ուրվագիծը, որ ցույց եմ տվել ասուլիսին, ցուցադրել եմ նաև Տավուշում «Հարցեր կային, որ տեղում դրանց սրությունը, այսպես ասած, ավելի էմոցիոնալ ու ավելի գործնական զգացի»,-ասել է նա |