ՀՀ նախագահը մասնակցել է հանրաքվեին, Րաֆֆի Հովհաննիսյանը պատռել է քվեաթերթիկը (թարմացված) 6 դեկտեմբերի 2015 - 12:43 AMT PanARMENIAN.Net - ՀՀ նախագահ Սերժ Սարգսյանը և առաջին տիկին Ռիտա Սարգսյանը սահմանադրական հանրաքվեի քվեարկությանը մասնակցել են Երևանի Սուրեն Սպենդիարյանի անվան դպրոցում, որտեղ տեղակայված է 9/11 ընտրատեղամասը: Մինչ քվեախցիկ մտնելը Սարգսյանը ողջունել է ընտրատեղամասում ներկա լրագրողներին, սակայն հարցերին նախագահը խոստացել է պատասխանել հանրաքվեի ավարտից հետո, գրում է Tert.am-ը: Երևանի 9/11 տեղամասում քվեարկել է Հայաստանի առաջին նախագահ Լևոն Տեր-Պետրոսյանը: Քվեարկելուց հետո լրագրողները խնդրել են մեկնաբանել Սերժ Սարգսյանի այն հայտարարությունը, որ փոփոխությունների դեմ առաջին և երկրորդ նախագահների հայտարարությունները մերկապարանոց են: Առաջին նախագահը պատասխանել է. «Դուք միշտ խոսում եք օրենքը հարգելուց, ինչու՞ եք հիմա օրենքը խախտում, դուք հիմա խոսում եք կողմ կամ դեմ քվեարկելուց: Ես մի բան եմ ուզում ասել՝ առաջինը՝ ես կոչ եմ անում գալ և քվեարկել, ազատորեն, առանց բռնանալու իր կամքին: Եվ մի բան էլ հաստատ գիտեմ՝ որքան շատ իրական մարդ գա քվեարկելու, ես կրկնում եմ՝ իրական մարդ գա քվեարկելու, այնքան հանրաքվեի արդյունքներն օբյեկտիվ կլինեն: Վերջ», մեջբերում է«Ա1+»-ը: «Ժառանգություն» կուսակցության առաջնորդ Րաֆֆի Հովհաննիսյանը Նորք Մարաշի 157 դպրոցում գտնվող ընտրատեղամասում պատռել է քվեաթերթիկն այն քվեատուփ գցելուց առաջ՝ «Հանուն Հայաստանի Հանրապետության» խոսքերով: Լրագրողների հետ զրույցում Հովհաննիսյանը հայտարարել է, որ դիմել է այդ քայլին «Հանրապետական կուսակցապետությունը մերժելու համար»: Մաշտոցի անվան համալսարանում տեղակայված 10/8 հանրաքվեի տեղամասում վարչապետ ՀՀ Սահմանադրության փոփոխությունների հանրաքվեի քվեարկությանը մասնակցել է ՀՀ վարչապետ Հովիկ Աբրահամյանը: Քվեարկելուց հետո լրագրողների հետ զրույցում վարչապետը նշել է, որ քվեարկել է հանուն Հայաստանի ապագայի զարգացման, հանուն կայուն զարգացման: «Ես համոզված եմ, որ օրը բարի է ժողովրդի համար, և մենք ամեն ինչ արել ենք, որպեսզի հանրաքվեն անցնի ազատ և արդար, և մեր հորդորն է եղել արջի ծառայություն չմատուցել, սա մեզ համար շատ կարևոր է, թող ժողովուրդը հասարակությունը որոշի, այո, թե ոչ», - ասել է նա: Ըստ «այո»-ի շտաբի պետ, վարչապետ Աբրահամյանի՝ ժամը 11-ի դրությամբ որևէ լուրջ խախտման մասին ահազանգ չի ստացել: «Հույս ունեմ, որ մեր թիմակիցները և հանձնաժողովի անդամներն ամեն ինչ կանեն խախտումներ չլինի, որևէ սադրանքի չգնան և ապահովեն արդար և թափանցիկ ընտրություններ», - ասել է վարչապետը: ՀՀ ԱԺ նախագահ Գալուստ Սահակյանը թոռնիկի հետ քվեարկել է Երևանի Պ. Յավորովի անվան համար 131 հիմնական դպրոցում տեղակայված 6/1 ընտրատեղամասում: Նա Ասել է, որ քվեարկել է հանուն իր սկզբունքների, հանուն պետության ամրապնդման, գրում է Aravot.am-ը: Լրագրողների հարցին՝ հիմա ի՞նչ, դեկտեմբերի 7-ին նո՞ր Հայաստանում ենք արթնանալու, այդ բարեփոխումները ե՞րբ ենք զգալու մեր մաշկի վրա, Սահակյանը պատասխանել է . «Ես ռոմանտիկ չեմ, Սահմանադրություններն ընդամենը հնարավորություններ են տալիս, իսկ աշխատանքներն իրագործվում են ժողովրդի հետ համատեղ»: ՀՀ ոստիկանապետ Վլադիմիր Գասպարյանը սահմանադրական փոփոխությունների հանրաքվեին մասնակցել է Երևանի Կենտրոն վարչական շրջանում տեղակայված 9/14 ընտրատեղամասում։ Հայաստանի Հանրապետության քաղաքացիները դեկտեմբերի 6-ին քվեարկում են կիսանախագահական կառավարման համակարգից խորհրդարանականի անցում նախատեսող սահմանադրական փոփոխությունների համար: Առավոտյան ժամը 08:00-ից գործում է 1997 ընտրատեղամաս, որոնք կփակվեն ժամը 20:00-ին: Որպեսզի հանրաքվեն կայացած համարվի, դրան պիտի մասնակցի գրանցված 2 մլն 550 հազար 323 ընտրողի առնվազն 25 տոկոսը: Կարդացեք նաև՝ Հայաստանը քվեարկում է Սահմանադրության փոփոխությունների համար (թարմացվող) Հղումներ թեմայով. Ուշագրավ «Մայիսի 28-ը մեր խորհրդանիշներից է, և պետք է գնան այնտեղ նրանք, ովքեր հակադրություն չունեն արժեքների միջև»,–ասել է նա Նա նշել է, որ դրա հետևանքով բնակավայրերի հետ կապի խնդիր է առաջցել Բագրատ սրբազանը վաղ առավոտյան ուղևորվել է դեպի Կիրանց
«Ամեն բնակչի կողքին 15 ոստիկան է կանգնած, անձնագրով են ներս թողնում միայն Կիրանցի բնակիչներին»,–ասել է վարչական ղեկավարը | Վրաստան այցելողների կյանքի և առողջության պարտադիր ապահովագրությունը կգործի 2026–ի հունվարի 1-ից Դեսպանությունը պարզաբանում է ստացել Վրաստանի ԱԳՆ–ից ՀՀ Ֆինանսների նախարարն ու Հնդկաստանի դեսպանը գործակցությունն ընդլայնելու պատրաստակամություն են հայտնել Կողմերն անդրադարձել են այն հիմնական ոլորտներին, որոնց ուղղությամբ նախատեսվում է զարգացնել Պուտինը հեռախոսազրույց է ունեցել Փաշինյանի հետ և շնորհավորական ուղերձ հղել․ Կողմ ենք, որ հարաբերությունները շարունակեն զարգանալ ՌԴ նախագահը Փաշինյանին շնորհավորել է ծննդյան օրվա առիթով Բագրատ սրբազանի գլխավորած շարժման կողմնակիցներն ավտոերթով ուղևորվել են Գյումրի «Գնում ենք Գյումրի, երեխաներին այցելենք, հետո էլ հանրահավաք ունենք»,–ասել է նա |