Տաթևի վանքի հյուսիսային մուտքը վերականգնվում է18 դեկտեմբերի 2015 - 12:03 AMT PanARMENIAN.Net - «Տաթևի վերածնունդ» ծրագրի շրջանակում մեկնարկել են Տաթևի վանական համալիրի վերականգնման աշխատանքները: Դեկտեմբերից արդեն իսկ սկսվել է համալիրի հյուսիսային մուտքի վերանորոգումը: Այս մասին հայտնում է «Հայաստանի զարգացման նախաձեռնություններ» հիմնադրամի (IDEA) հանրային կապերի բաժինը: «Որոշվեց աշխատանքներն սկսել հյուսիսային մուտքից, ինչը կարևոր էր թե զբոսաշրջիկների համար խոչընդոտներ չստեղծելու, թե համալիրի վերականգնման աշխատանքները ճիշտ կազմակերպելու տեսանկյունից: Սա այն դարպասն է, որը գործել է պատմականորեն: Այս դարպասից մուտք գործելիս՝ միանգամից իր ողջ վեհությամբ երևում է Սուրբ Պողոս-Պետրոս եկեղեցին, և շատ գեղեցիկ տեսարան է բացվում: Աշխատանքների ընթացքում ոչ միայն կամրացվի մուտքի պարսպապատը, այլև կվերականգնվի սկզբնական տեսքը», - նշել է «Տաթևի վերածնունդ» ծրագիրն իրականացնող «Հայաստանի զարգացման նախաձեռնություններ» (IDeA) հիմնադրամի ղեկավար Էդգար Մանուկյանը: Մինչև շինարարական աշխատանքների մեկնարկը՝ մասնագիտական կազմակերպությունների կողմից իրականացվել են մի շարք հետազոտություններ, այդ թվում՝ երկրաֆիզիկական, երկրաբանական, նյութաբանական, տարածքի սեյսմիկ վիճակի, կառույցների ինժեներական ուսումնասիրություններ, լազերային սքանավորում: Ուսումնասիրվել են նաև Տաթևի վանական համալիրին վերաբերող մատենագիտական և արխիվային փաստաթղթերը՝ վերականգնման աշխատանքները պատմական տեսքին և կառուցապատմանը համապատասխան իրականացնելու համար: Հյուսիսային մուտքը մինչև վերանորոգումըՎանական համալիրի հիմքը ստորգետնյա ջրերից պաշտպանելու և խոնավությունից զերծ պահելու համար դրենաժային նոր համակարգ է կառուցվել: «Հյուսիսային մուտքից հետո կմեկնարկեն համալիրի մյուս կառույցների՝ Սբ Աստվածածին եկեղեցու վերանորոգման աշխատանքները, զուգահեռ կիրականացվի Ճոճվող սյան՝ Գավազանի և Զանգակատան վերականգնումը», - ասել է «Տաթևի վերածնունդ» ծրագրի ղեկավար Հայկ Թութունջյանը: Հյուսիսային մուտքը վերանորոգումից հետո (3D մոդելավորում)Տաթևի վանական համալիրի վերականգնման աշխատանքներն իրականացնելիս IDeA հիմնադրամը գործակցում է Մայր Աթոռ Սուրբ Էջմիածնի ճարտարապետական խորհրդի և ՀՀ մշակույթի նախարարության հետ: «Տաթևի վերածնունդ» ծրագրի շրջանակում նախատեսվում է վերանորոգել և վերականգնել վանական համալիրի բոլոր՝ թե եկեղեցական, թե օժանդակ կառույցները: «Տաթևեր» ճոպանուղու գործարկումից ստացվող հասույթը նույնպես ուղղվում է վանական համալիրի վերականգնմանը: Ուշագրավ Տիգրան Ավինյանն ու Գրեգորի Դուսեն այցելել են պատմական թաղամաս Snap-ը պլատինե երգի կարգավիճակ է ստացել նաև մի քանի այլ երկրներում Հայկական դուդուկի երաժշտությունը ՅՈՒՆԵՍԿՕ-ի ցանկում է ընդգրկվել դեռևս 2008 թ․ Ցուցադրությունը կազմակերպվում է այս երեք ֆիլմերի Պոմպիդու կենտրոնին հանձնման արարողության առիթով Ամենաընթերցվողը բաժնում | Փաստաբան․ Սուրեն Պետրոսյանին մեղադրանք չի առաջադրվել՝ պետք է որ ազատ արձակվի Լրանում է Պետրոսյանի ձերբակալման 72 ժամը Սանոսյանն ու Կոպիրկինը քննարկել են ՀԱԷԿ-ի 2-րդ էներգաբլոկի շահագործման երկարաձգման հարցը Քննարկվել են նաև ենթակառուցվածքների զարգացման հարցեր Փակվել է Աղդամի ռուս–թուրքական մշտադիտարկման կենտրոնը Կենտրոնը բացվել էր 2021–ի հունվարի 30-ին Թուրքիայի և ՌԴ-ի միջև ստորագրված հուշագրի հիման վրա ԱԳՆ․ ՀՀ և Ադրբեջանի ԱԳ նախարարների հնարավոր հանդիպման մասին կտեղեկացվի պայմանավորվածության դեպքում Բադալյանն ասել է, որ ՀՀ–ն կողմ է այն հարթակներին, որոնք իրապես միտված են հարատև խաղաղության հասնելուն |