Թբիլիսի. Ադրբեջանական գազի առաքումը խափանումներով է իրականացվում12 հունվարի 2016 - 12:19 AMT PanARMENIAN.Net - Վրաստանի նավթի և գազի կորպորացիայի գլխավոր տնօրեն Դավիթ Թվալաբեիշվիլին պնդում է, որ մի շարք դեպքերում Ադրբեջանի Պետական նավթային ընկերությունը (SOCAR) չի ապահովում գազի անընդմեջ մատակարարում, հայտնում է «Գրուզիա-Օնլայնը»: 2015-ի հոկտեմբերին Վրաստանի փոխվարչապետ և էներգետիկայի նախարար Կախա Կալաձեն հայտարարեց, որ Ադրբեջանը չունի այնքան ռեսուրսներ, որ կարողանա բավարարել Վրաստանի գազի պահանջարկն, ուստի Վրաստանին գազի լրացուցիչ ծավալ է հարկավոր Ռուսաստանից: Նախարարը նման հայտարարություն է արել ` անդրադառնալով ռուսական գազի գնման անհրաժեշտությանը: Վերջին շրջանում Վրաստանը բանակցում է «Գազպրոմի» հետ ռուսական գազի առաքումներ սկսելու շուրջ: «Շախդենիզ» հանքավայրից արդյունահանվող գազի մասնաբաժինը կազմում է 30%, 50%-ը բաժին է ընկնում SOCAR-ին, իսկ 20%` ռուսական ընկերությանը: Պետք է նշել, որ վերջին շրջանում գազի սպառումը Վրաստանում զգալիորեն աճել է: Երբեմն առաքումը SOCAR-ի գազամուղով խափանումներով է իրականացվում: Ուստի որոշ դեպքերում մենք ստիպված ենք լինում պահպանել բալանսը ռուսական գազի հաշվին»,-ասել է Թվալաբեիշվիլին, հայտնում է Haqqin.az-ը: Ավելի վաղ հայտնի դարձավ, որ Թեհրանը Թբիլիսիի հետ բանակցություններ է վարում Հայաստանի տարածքով Վրաստանին գազ մատակարարելու շուրջ: Այս մասին հաղորդեց իրանական Press TV-ին` վկայակոչելով Իրանի գազի ազգային ընկերության մենեջմենթի տնօրեն Ալիռեզա Կամելիին: Վրաստանի էներգետիկայի նախարարությունն իր հերթին հայտնել է, որ դեռևս իրանական կողմի հետ կոնկրետ պայմանավորվածություն չկա: Ադրբեջանի նախագահ Ալիևը 2015-ի նոյեմբերին Վրաստան կատարած այցի ժամանակ հայտարարեց, որ Ադրբեջանն ունի բնական գազի բավարար պաշար` «նույնիսկ 100 տարի անց հարևան և եվրոպական երկրներին գազ առաքելու համար»: 2015-ի հունվար-սեպտեմբերին Վրաստանն Ադրբեջանից ներկրել է մոտ 968 հազար տոննա գազ` մոտ $ 202 մլն, ինչը 25 միլիոնով ավելի է, քան նախորդ տարվա համապատասխան ցուցանիշը: Ադրբեջանը գազի հիմնական առաքիչն է այդ երկիր, բացի այդ Վրաստանը գազ է ստանում Ռուսաստանից որպես վճար դեպի Հայաստան գազի տարանցման համար` Մոզդոկ-Թբիլիսի-Հայաստան գազատարով: Ռուսաստանից գազի առաքումների վերսկսման հնարավորությունը սկանդալի պատճառ դարձավ Վրաստանում`նախկին նախագահ Միխայիլ Սահակաշվիլիի կողմնակիցները մեղադրում են Վրաստանի իշխանություններին երկրի արևմտամետ քաղաքական կուրսը փոխելու մտադրության մեջ: Հղումներ թեմայով. Ուշագրավ Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում Պատճառը հայտնի չէ Օրինագծով նաև նախատեսվում է հստակեցնել այն ժողովուրդների ցանկը, որոնք պատմականորեն ապրել են Ռուսաստանի տարածքում Ամենաընթերցվողը բաժնում | ՔԿ. ԱՆ-ում և բուժհաստատություններից մեկում սկսված քննչական և վարութային գործողությունները դեռ շարունակվում են Հայտնի չէ, թե ինչ գործի շրջանակներում են իրականացվում գործողությունները և որ բժշկական կենտրոնում Լավրովը «լկտի» և «անպատկառ» է անվանել ԱՄՆ և ԵՄ գործողությունները, որոնք ուզում են «ՀՀ–ին պոկել Ռուսաստանից» Նա նաև ասել է, որ ՌԴ–ն ու ՀՀ–ն նախկինի պես դաշնակիցներ են Պետդեպն ապատեղեկատվություն է անվանել Բրյուսելում ՀՀ-ի հետ ռազմական փաստաթուղթ ստորագրելու մասին պնդումները Նշել է, որ անվտանգային հարցեր օրակարգում չեն եղել ԱՆ–ից հերքել են լուրերը, թե պետպատվերը հիվանդանոցներում սպառվել է 43 միջոցառումներից/ենթամիջոցառուներից 2-ն է իրականացվում հերթագրման սկզբունքով |