Վրաստանում նոր նավահանգիստ կկառուցվի 9 փետրվարի 2016 - 14:40 AMT PanARMENIAN.Net - Անակլիա նավահանգստի կառուցումը կսկսվի 2016-ին, իսկ 2017-ին, երբ պատրաստ լինի բնապահպանական եզրակացությունը, կշարունակվի ամբողջ ծավալով: Այդ մասին հայտարարել է Վրաստանի վարչապետ Գեորգի Կվիրիկաշվիլին նախագծի իրականացման մրցույթի հաղթողների անունները հրապարակելիս, հայտնում է «Գրուզիա Օնլայնը»: Նավահանգստի շինարարությունն իրականացնելու է վրաց-ամերիկյան «Անակլիայի զարգացման կոնսորցիումը», որը հաղթել է մրցույթում, որին մասնակցել է ևս 12 միջազգային ընկերություն: Կոնսորցիումի կազմում են «ՏՎՍ- Հոլդինգը» և ամերիկյան ներդրումային Conti International հոլդինգը: Նախագծմանը և շինարարությանը կմասնակցի ծովային նավահանգիստների կառուցմամբ և դիզայնով զբաղվող Moffatt & Nichol ընկերությունը և հոլանդական խորհրդատվական Maritime & Transport Business Solutions-ը, հայտնում է Euronews-ը: Անակլիա նավահանգստի ընդհանուր արժեքը գնահատվում է $2,5 մլրդ: Նավահանգստի վերջնական թողունակությունը կհասնի 100 մլն տոննայի, ընդ որում նավահանգիստը կսկսի աշխատել արդեն 7 մլն տոննա թողունակության հասնելու դեպքում: Այս ցուցանիշին նավահանգիստը կկարողանա հասնել շահագործումից 3 տարի անց: Անակլիա նավահանգստի տարածքը նախատեսվող ինդուտսրիալ գոտիով կզբաղեցնի 400 հա: Ըստ Վրաստանի վարչապետի հայտարարության, նոր խորանիստ նավահանգիստը կնպաստի Մետաքսի ճանապարհի նախագծի իրականացմանը, որը կապելու է Չինաստանն ու Հարավարևելյան ու Կենտրոնական Ասիայի երկրները Եվրոպայի հետ` շրջանցելով Ռուսաստանը: Նախատեսվում է նաև, որ նոր նավահանգստի շինարարությունը կնպաստի տարածաշրջանային հաղորդակցությունների և առևտրի զարգացմանը: Վրաց փորձագետները ևս մեծ ակնկալիքներ ունեն նոր նավահանգստից և անվանում են այն «Դարի նախագիծ»: Դեռ Միխայիլ Սահակաշվիլիի օրոք քննարկվում է այդ նույն տարածքում Լազիկա նավահանգստային մեգապոլիսի կառուցման նախագիծը: 2013-ից սկսվեցին Անակալիա նավահանգստի նախագծի քննարկումները: Վրացական գործող նավահանգիստների` Բաթումի և Փոթիի թողունակությունը թույլ չի տալիս մեծ տարողության նավեր ընդունել, ինչը զգալիորեն սահմանափակում է Վրաստանի տարանցիկ երկիր լինելու ներուժը: Ուշագրավ Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում Ամենաընթերցվողը բաժնում | ԱՄՆ փոխնախագահ․ Երբեք չենք մոռանա Հայոց ցեղասպանությունը Նա նշել է, որ 1․5 մլն հայ ենթարկվել է բռնագաղթի, սպանվել է և մահվան երթի զոհ դարձել Նախագիծ․ Ոստիկանությունը 24-ժամյա հասանելիություն կունենա հանրային տարածքների տեսահսկման համակարգերին Տնտեսվարող սուբյեկտները կպարտավորվեն ունենալ անընդմեջ և բարձր որակի տեսագրություն իրականացնող տեսահսկման համակարգեր Հայաստանի և Ադրբեջանի սահմանին տեղադրվել է սահմանային 20 սյուն Նշվում է, որ սյուները տեղադրվել են կոորդինատների ճշգրտման աշխատանքների շրջանակներում Ատալ․ Ֆրանսիան վերահաստատում է իր աջակցությունը ՀՀ-ին Վարչապետը ելույթ է ունեցել Հայոց ցեղասպանության 109-րդ տարելիցի կապակցությամբ անցկացված հիշատակի միջոցառմանը |