Ընդդիմադիր Zaman-ը գովաբանել է էրդողանին թերթի խմբագրությունը ցրելուց 1 օր անց 7 մարտի 2016 - 13:45 AMT PanARMENIAN.Net - Մարտի 6-ին լույս է տեսել թուրքական Zaman թերթի առաջին համարը պետական կառավարչի նշանակումից, նախկին խմբագրությունը ցրելուց և թերթի փակման դեմ ցույցերը ճնշելուց հետո: Պարբերականին հատուկ քննադատական ոճի փոխարեն, նոր համարի առաջին էջում նյութ է հրապարակված կամուրջ կառուցելու կառավարության նախագծի մասին, որը կապելու է Ստամբուլի եվրոպական և ասիական մասերը, ինչպես նաև Էրդողանի լուսանկարը, որը տարեց կնոջ ձեռք է սեղնում, հայտնում է RFI-ն: Թերթի նոր համարում նյութ կա Թուրքիայի հարավ-արևելքում քուրդ գրոհայինների հետ բախումներում զոհված «նահատակների» մասին: Մարտի 5-ին Ստամբուլում ոստիկանությունն արցունքաբեր գազի, ջրցան մեքենաների և ռետինե փամփուշտների օգնությամբ ցրել է Zaman-ին աջակցող ցույցը, որը հավաքվել էր խմբագրության առջև այն բանից հետո, երբ Ստամբուլի դատարանը որոշում կայացրեց արտաքին կառավարում սահմանել թերթի համար: Թերթը մեղադրվում է ԱՄՆ-ում բնակվող և Էրդողանի հակառակորդը համարվող իսլամիստ քարոզիչ Ֆեթուլլահ Գյուլենի փողերը լվանալու մեջ: Լրագրողները համարում են, որ արտաքին կառավարման արդյունքում թերթը կփակվի: Zaman-ը Թուրքիայում մնացած սակավաթիվ ընդդիմադիր պարբերականներից մեկն էր: Մինչդեռ Թուրքիայի վարչապետ Ահմեդ Դավութօղլուն Ahaber-ին տված հարցազրույցում հայտարարել է, որ Թուրքիայի կառավարությունը ոչ մի դերակատարում չի ունեցել թերթի հոգաբարձուների նշանակման հարցում: «Կառավարությունը կապ չունի դրա հետ: Կատարվել է դատարանի կայացրած որոշումը: Դա զուտ իրավաբանական գործընթաց է: Ոչ ոք չպետք է կասկածներ ունենա Թուրքիայում խոսքի ազատությանն առնչվող հարցերում»,-ասել է Դավութօղլուն, գրում է ՌԻԱ Նովոստին: Zaman-ը բացվել է 1986-ին: Թուրքիայից բացի, այն տարածվում է նաև մի քանի խոշոր երկրներում, այդ թվում ԱՄՆ-ում և Գերմանիայում: Պարբերականը ամենաազդեցիկներից է Թուրքիայում: Ավելի վաղ Թուրքիայում փակվեցին Kanaltürk և Bugün TV հեռուստաալիքները, Bugün Gazetesi և Millet Gazetesi թերթերը, Kanaltürk Radyo ռադիոկայանը, որոնք վերահսկվում էին Գյուլենի կողմից: Ուշագրավ Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում Ամենաընթերցվողը բաժնում | Կիրակոսյանը՝ Հաագայում․ ՄԱԿ ԱԽ-ն ու Եվրոպական դատարանը երբևէ չեն վճռել, որ ՀՀ-ն օկուպացրել է ԼՂ-ն Նա ներկայացրել է առարկություններն Ադրբեջանի ներկայացրած պահանջների նկատմամբ Ապրիլի 28–ին մայրաքաղաքում փակ փողոցներ կլինեն․ «Երևանի մարաթոնն» է Նախատեսվում է, որ միջոցառմանը կմասնակցի մոտ 2000 վազորդ Հայաստան-Չեխիա ռազմատեխնիկական գործակցության մասով պայմանավորվածություններ կան ՊՆ էին այցելել չեխական ռազմարդյունաբերական ընկերությունների ներկայացուցիչներ Ըստ ԱԺԲ–ի՝ իրենց անդամներին բռնության են ենթարկել․ 96 բերման ենթարկված կա Նա ասել է, որ որ ոստիկանության բաժանմունքներում իրենց անդամները «ծեծի են ենթարկվել», կան տուժածներ |