Թուրքիան շարունակում է զենք մատակարարել ահաբեկիչներին Սիրիայում 7 մարտի 2016 - 16:16 AMT PanARMENIAN.Net - Թուրքական կողմը չի խոչընդոտում ահաբեկիչների ներթափանցմանը Սիրիա իր տարածքից և մատակարարում է ԻՊ-ին և «Ջեբհաթ ան Նուսրային» զենքով ու զինամթերքով: Այդ մասին հայտնում է ՆՏՎ-ն ահաբեկիչների հետ մարտերի մասնակիցների վրա հղումով: «Մարտի դաշտում հայտնաբերված «Ջեբհաթ ան Նուսրայի» գրոհայիններից ոմանք Թուրքիայից էին: Մենք նույնիսկ նրանց փաստաթղթերը գտանք, անձնագրերը: Զինամթերքը, որ հայտնաբերեցինք պահեստներում, թուրքական իշխանությունների կողմից փակված ու զմրսված արկղերում էր: Սա են հաստատում այնտեղ հայտնաբերված փաստաթղթերը»,-պնդում է Աֆրինում ինքնապաշտպանական զոկտաների հրամանատար Աբդու Հալիլը: Այն, որ Սիրիայում գործող ահաբեկչական խմբերը լավ զինված են և դեռ մարտունակ, հաստատում են հետախուզության տվյալները: Ռուսական անօդաչու սարքերի տեսախցիկները գրանցել են ահաբեկիչների հենակետերը, տասնյակ քողարկված զրահամեքենաներ ու տանկեր, որոնք կրակ են բացել քրդերի դիրքերի ուղղությամբ: Մարտի 4-ին ռուս զինվորականները գրանցել են, թե ինչպես են թուրքական տանկերը կրակ բացել Սիրիայի տարածքի ուղղությամբ: 2014-ի հոկտեմբերին ԱՄՆ փոխնախագահ Ջոզեֆ Բայդենը հայտարարեց, որ Թուրքիան այն երկրների թվում է, որոնք ֆինանսական աջակցություն են ցուցաբերում Սիրիայում գործող ահաբեկիչներին: Ավելի ուշ, ՌԴ ԱԳ նախարար Սերգեյ Լավրովը հայտարարեց, որ բոլոր նրանք, ովքեր գտնվում են Հալեպի մատույցներում` և «Ջեբհաթ ան Նուսրան», և «Ջեյշ այլ Իսլամը», և «Ահրար աշ Շամը», և առանձին ավելի չափավոր խմբավորումները, բոլորը մատակարարվում են նույն երթուղով, նույն կետից Թուրքիայի տարածքում: Սիրիայի նախագահի քաղաքական խորհրդական Բուսեյն Շահաբանը հայտարարել է, որ սիրիական բանակի ռազմավարական նպատակներից մեկը Թուրքիայի հետ սահմանին հսկողություն հաստատելն է: Ինչպես նշել է Շահաբանը, Սիրիայում գործողությունը կշարունակվի մինչև Հալեպ գավառում և Թուրքիայի հետ սահմանին հսկողության հաստատումը, ինչը թույլ կտա «կանգնեցնել ահաբեկիչներին, որոնց ուղարկում է Թուրքիան»: Ուշագրավ Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում Ամենաընթերցվողը բաժնում | ԱՄՆ փոխնախագահ․ Երբեք չենք մոռանա Հայոց ցեղասպանությունը Նա նշել է, որ 1․5 մլն հայ ենթարկվել է բռնագաղթի, սպանվել է և մահվան երթի զոհ դարձել Նախագիծ․ Ոստիկանությունը 24-ժամյա հասանելիություն կունենա հանրային տարածքների տեսահսկման համակարգերին Տնտեսվարող սուբյեկտները կպարտավորվեն ունենալ անընդմեջ և բարձր որակի տեսագրություն իրականացնող տեսահսկման համակարգեր Հայաստանի և Ադրբեջանի սահմանին տեղադրվել է սահմանային 20 սյուն Նշվում է, որ սյուները տեղադրվել են կոորդինատների ճշգրտման աշխատանքների շրջանակներում Ատալ․ Ֆրանսիան վերահաստատում է իր աջակցությունը ՀՀ-ին Վարչապետը ելույթ է ունեցել Հայոց ցեղասպանության 109-րդ տարելիցի կապակցությամբ անցկացված հիշատակի միջոցառմանը |