«Արա Գյուլեր. Ստամբուլի լեգենդը» վավերագրական ֆիլմի պրեմիերան՝ Ստամբուլում15 մարտի 2016 - 13:20 AMT PanARMENIAN.Net - Մարտի 13-ին Ստամբուլի Ֆրանսիական մշակույթի կենտրոնում տեղի է ունեցել «Արա Գյուլեր. Ստամբուլի լեգենդը» վավերագրական ֆիլմի պրեմիերան, հայտնում է Hurriyet Daily News-ը: Մամուլի ներկայացուցիչների հետ զրույցում Գյուլերն ասել է, որ, ընտրելով լրագրությունը, նա իր կյանքի ամենադժվար որոշումն է կայացրել: «Մարդիկ առարկում են, երբ ես ասում եմ, որ լուսանկաչությունն արվեստ չէ: Նրանք առարկում են նաև, երբ ես ասում եմ, որ արվեստագետ չեմ: Ցանկացած մարդ կարող է վերցնել լուսանկարչական սարքն ու սեղմել կոճակը: Բոլորը լուսանկարում են իրենց հեռախոսներով, դա արժեզրկում է լուսանկարչությունը»,-ասել է Գյուլերը: Պրեմիերային ներկա է եղել գրող Դողան Խիզլանը, նա կարևորել է վավերագրական ֆիլմերը մարդու կյանքի ու հաջողության գաղտնիքը սերունդների համար բացահայտելու տեսակետից: «Նա նկարել է Ստամբուլը, բայց ինչպե՞ս: Նրա լուսանկարներում պատկերված են աղքատ թաղամասերը, Ստամբուլի ծայրամասային փողոցները, քողարկված բծերը»,-ասել է Խիզլանը` խոսելով Գյուլերի լուսանկարների մասին: Լրագրող Կոզկուն Արալն ասել է, որ նույնպես վավերագրական ֆիլմ է նկարահանում «վարպետ Գյուլերի» մասին` հավելելով, որ այն պատրաստ կլինի մեկ տարի անց և կներկայացնի բաներ, որոնք անհայտ են շատերի համար: Արա Գյուլերն աշխարհահռչակ պոլսահայ լուսանկարիչ-լրագրող է: Հաճախ նրան դիմում են «Ստամբուլի աչք» կամ «Ստամբուլի լուսանկարիչ» մականուններով: Ծնվել է Ստամբուլում՝ 1928-ին, հայերի ընտանիքում: Գյուլերը հարյուրավոր ցուցահանդեսներ է ունեցել ամբողջ աշխարհում, հրատարակել է բազմաթիվ գրքեր: Նա լուսանկարել է Ուինսթոն Չերչիլին, Մարիա Կալլասին, Ջոն Բերգերին, Բերնարդ Ռասսելին, Սալվադոր Դալիին, Պաբլո Պիկասոյին, Ինդիրա Գանդիին, Սերգեյ Փարաջանովին և այլոց: Պարգևատրվել է ֆրանսիական Legion d’ honneur, 2005թ.` թուրքական Grand prize of culture and art, 2009թ.` Նյու Յորքի Lucie Award մրցանակներով: Արա Գյուլերի լուսանկարչական աշխատանքների բազմաթիվ օրինակներ կարելի է գտնել միջազգային հաստատություններում, ինչպիսիք են Փարիզում Ֆրանսիայի ազգային գրադարանը և Շելդոնի հավաքածուն Նեբրասկայի համալսարանում, նաև Բոստոնի, Չիկագոյի և Նյու Յորքի մասնավոր հավաքածուներում: Նրա լուսանկարները ցուցադրված են Քյոլն քաղաքի «Լյուդվիգ» թանգարանում ևս: 2013-ի ամռանն Արա Գյուլերը Հայաստանում էր: Ազգային պատկերասրահում նրա «Բարև ձեզ» խորագրով ցուցահանդեսն էր, որտեղ ներկայացված էր աշխարհի տարբեր վայրերում արված մոտ 100 լուսանկար: Ցուցահանդեսը մշտական է: Հղումներ թեմայով. Ուշագրավ Տիգրան Ավինյանն ու Գրեգորի Դուսեն այցելել են պատմական թաղամաս Snap-ը պլատինե երգի կարգավիճակ է ստացել նաև մի քանի այլ երկրներում Հայկական դուդուկի երաժշտությունը ՅՈՒՆԵՍԿՕ-ի ցանկում է ընդգրկվել դեռևս 2008 թ․ Ցուցադրությունը կազմակերպվում է այս երեք ֆիլմերի Պոմպիդու կենտրոնին հանձնման արարողության առիթով Ամենաընթերցվողը բաժնում | Ֆրանսահայ լրագրող Նիկոլյանը, որի մուտքը ՀՀ արգելվել է, չի պատրաստվում դադարեցնել հացադուլը Նա պահանջում է, որ իրեն գրավոր ներկայացնեն, թե ինչու իրեն թույլ չեն տալիս մուտք գործել Հայաստան Վանաձորի նախկին ղեկավար Ասլանյանը կմնա կալանքի տակ Դատարանը մերժել է միջնորդությունը Փաշինյանին քրեական պատասխանատվության ենթարկելու պահանջով հաղորդումը դատախազությունում է Հաղորդումը կազմել են փաստաբան Արա Զոհրաբյանը և պահեստազորի գնդապետ Հայկ Նահապետյանը Փաստաբան․ Սուրեն Պետրոսյանին մեղադրանք չի առաջադրվել՝ պետք է որ ազատ արձակվի Լրանում է Պետրոսյանի ձերբակալման 72 ժամը |