«Երևանյան հեռանկարներ-2016». Լոնդոնի սիմֆոնիկ նվագախումբ, Նայջլ Քենեդի, The King's Singers և այլոք18 մարտի 2016 - 12:16 AMT PanARMENIAN.Net - «Երևանյան հեռանկարներ» միջազգային 16-րդ փառատոնի այս տարվա առաջին համերգը կայանալու է ապրիլին: Այդ մասին տեղեկացրել է փառատոնի տնօրեն Սոնա Հովհաննիսյանը, հայտնում է Panorama.am-ը: «2015-ին մենք իրականացրեցինք «Քեզ հետ, Հայաստան» խորագրով համերգների շարք՝ նվիրված Հայոց ցեղասպանության 100-րդ տարելիցին: Այս տարվա առաջին համերգին հրավիրել ենք այդ շարքի մասնակիցներից Էստոնիայի պետական տղամարդկանց երգչախմբին, որն ապրիլի 24-ին հայ հանդիսատեսի համար հանդես կգա վեհաշուք ծրագրով: Նախատեսել ենք, որ համերգը կայանալու է Երևանի Գրիգոր Լուսավորիչ եկեղեցում»,- հայտնել է նա: Ս.Հովհաննիսյանի խոսքով, այս տարի փառատոնի շրջանակում անդրադարձ կլինի նաև փառատոնի 15-ամյա հոբելյանին, քանի որ 2015-ին բոլոր համերգները նվիրված են եղել Հայոց ցեղասպանությանը: Ըստ նրա, հոբելյանական համերգին կմասնակցեն մեկ տասնյակից ավելի երաժիշտներ, օտարերկրյա հյուրեր, մշակութային, քաղաքական, հասարակական գործիչներ՝ անդրադառնալով այս ամբողջ տարիների ընթացքում փառատոնի՝ մշակութային դիվանագիտության և այլ ասպարեզներում ցուցաբերած ծառայություններին: Փառատոնի շրջանակում Հայաստանում առաջին անգամ ելույթ է ունենալու աշխարհահռչակ ռուս դաշնակահար Միխայիլ Պլետնյովը, անգլիացի ջութակահար Նայջլ Քենեդին, անգլիական The King's Singers վոկալ խումբը, որը, Ս. Հարությունյանի խոսքով, հայտնի է օքսֆորդյան ամենահին ավանդույթներով: Փառատոնի կազմակերպիչներին հաջողվել է Հայաստան հրավիրել աշխարհի լավագույն նվագախմբերից՝ Լոնդոնի սիմֆոնիկ նվագախմբին անգլիական Մոնտեվերդի երգչախմբի հետ՝ աշխարհահռչակ դիրիժոր սըր Ջոն Էլիոտ Գարդիների ղեկավարությամբ, լավագույն քառյակներից՝ ավստրիական The Hagen Quartet –ը: Ս. Հովհաննիսյանի խոսքով, շարունակում է ակտիվ գործունեություն ծավալել Բյուրականի ակադեմիան, որտեղ վարպեության դասեր են անցկացնելու հանրահայտ երաժիշտներ՝ բարիտոն Վլադիմիր Չերնովը, ալտահար և դիրիժոր Յուրի Բաշմետը, դաշնակահար Բորիս Բերեզովսկին և ուրիշներ: «Երևանյան հեռանկարներ» միջազգային փառատոնն արդեն 15 տարի է Հայաստան է հրավիրում աշխարհահռչակ երաժիշտների, աշխարհի ամենահեղինակավոր բեմերում հանդես եկած նվագախմբերի ու երգչախմբերի: Փառատոնի որդեգրած քաղաքականությունն է՝ հրավիրել միայն լավագույններին, որոնց ներկայությունը ցանկացած երկրում և ցանկացած համերգասրահում արդեն երաժշտական տոն է: Ուշագրավ Տիգրան Ավինյանն ու Գրեգորի Դուսեն այցելել են պատմական թաղամաս Snap-ը պլատինե երգի կարգավիճակ է ստացել նաև մի քանի այլ երկրներում Հայկական դուդուկի երաժշտությունը ՅՈՒՆԵՍԿՕ-ի ցանկում է ընդգրկվել դեռևս 2008 թ․ Ցուցադրությունը կազմակերպվում է այս երեք ֆիլմերի Պոմպիդու կենտրոնին հանձնման արարողության առիթով Ամենաընթերցվողը բաժնում | Ֆրանսահայ լրագրող Նիկոլյանը, որի մուտքը ՀՀ արգելվել է, չի պատրաստվում դադարեցնել հացադուլը Նա պահանջում է, որ իրեն գրավոր ներկայացնեն, թե ինչու իրեն թույլ չեն տալիս մուտք գործել Հայաստան Վանաձորի նախկին ղեկավար Ասլանյանը կմնա կալանքի տակ Դատարանը մերժել է միջնորդությունը Փաշինյանին քրեական պատասխանատվության ենթարկելու պահանջով հաղորդումը դատախազությունում է Հաղորդումը կազմել են փաստաբան Արա Զոհրաբյանը և պահեստազորի գնդապետ Հայկ Նահապետյանը Փաստաբան․ Սուրեն Պետրոսյանին մեղադրանք չի առաջադրվել՝ պետք է որ ազատ արձակվի Լրանում է Պետրոսյանի ձերբակալման 72 ժամը |