Եվրամիությունը €6 մլրդ կվճարի Անկարային փախստականների հոսքը նվազեցնելու համար19 մարտի 2016 - 10:45 AMT PanARMENIAN.Net - Բրյուսելում ավարտվել է Եվրամիության երկօրյա գագաթնաժողովը: ԵՄ երկրների առաջնորդները և Թուրքիայի վարչապետ Ահմեդ Դավութօղլուն համաձայնության են եկել փախստականների հարցում: Ըստ փաստաթղթի, պետք է հետ վերադարձվեն բոլոր ապօրինի ներգաղթյալները, որոնք Թուրքիայի տարածքով Հունաստան են հասնում, փոխարենը Թուրքիայի քաղաքացիների համար կչեղարկվի մուտքի արտոնագրի անհրաժեշտությունը, Թուրքիան 6 մլրդ եվրո կստանա, իսկ ԵՄ-ն կընդունի Թուրքիայից ժամանող սիրիացի փախստականներին, հայտնել է ՏԱՍՍ-ը: Անկարան պարտավորվում է կրճատել փախստականների հոսքը դեպի Եվրոպա: Համաձայնագիրն ուժի մեջ է մտնում արդեն մարտի 20-ին: ԵՄ-ն սակայն հայտարարել է, որ երկրորդ 3 մլրդ եվրոն կվճարի Անկարային, երբ առաջին 3 մլրդն ծախսվեն: «Երբ այդ միջոցները սպառվեն, իսկ պարտավորությունները կատարվեն, ԵՄ-ն լրացուցիչ ֆինանսավորում կապահովի ևս 3 մլրդ եվրո հատկացնելով մինչև 2018թ. ավարտը»,-ասվում է փաստաթղթում: Թուրքիայի վարչապետը շեշտել է մամուլի ասուլիսում, որ այդ գումարը ԵՄ-ն տալիս է սիրիացի փախստականներին, ոչ թե Թուրքիային: Մինչդեռ այսօրվա դրությամբ Եվրամիությունը դեռ բավարար միջոցներ չի հայթայթել օգնության առաջին փաթեթի համար, որի կեսը հատկացվել է ԵՄ բյուջեից, իսկ մյուս կեսը պետք է հավաքեն միության անդամ երկրները: Մի շարք երկրներ, այդ թվում Իտալիան, կտրուկ դեմ են այդ միջոցների տրամադրմանն Անկարային, քանի որ Թուրքիան չի կատարում փախստականների հոսքի նվազեցման վերաբերյալ իր պարտավորությունները: Թուրքիան ԵՄ-ին անդամակցելու հայտ է ներկայացրել դեռ 1987-ին, իսկ 1999 թ. ստացել է թեկնածու երկրի կարգավիճակ, բանակցությունները սկսվել են 2005-ին: Սակայն 35 անհրաժեշտ պայմաններից Թուրքիան մինչ օրս բավարարել է միայն 14-ին, ընդ որում ամենամեծ առարկություններն առաջացնում է տարածքային վեճը Կիպրոսի հետ ու ժողովրդավարացման խնդիրները երկրի ներսում: 17 գլուխ դեռ փակ է մնում: Բանակցությունները բազմիցս են բարդացել տարաձայնությունների պատճառով և կասեցվել: Գլխավոր խոչընդոտը Թուրքիայի դիրքորոշումն է Կիպրոսի հարցում: Ուշագրավ Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում Ամենաընթերցվողը բաժնում | Հայկական առաջին բանկը Ֆասթեքսվերսում․ Ֆասթ Բանկը ներկայացնում է իր վիրտուալ տարածքը Oգտատերերը ևս կարող են ստեղծել իրենց սեփական ավատարները Երևանում իրազեկման ակցիաներ են անցկացվել, փողոցներ փակվել Դավթաշենում քաղաքացիները 15 րոպեով փակել էին ճանապարհը ԱՄՆ փոխնախագահ․ Երբեք չենք մոռանա Հայոց ցեղասպանությունը Նա նշել է, որ 1․5 մլն հայ ենթարկվել է բռնագաղթի, սպանվել է և մահվան երթի զոհ դարձել Նախագիծ․ Ոստիկանությունը 24-ժամյա հասանելիություն կունենա հանրային տարածքների տեսահսկման համակարգերին Տնտեսվարող սուբյեկտները կպարտավորվեն ունենալ անընդմեջ և բարձր որակի տեսագրություն իրականացնող տեսահսկման համակարգեր |