WSJ. Օբաման հրաժարվել է Էրդողանի հետ անձնական հանդիպումից28 մարտի 2016 - 16:30 AMT PanARMENIAN.Net - ԱՄՆ նախագահ Բարաք Օբաման մերժել է Թուրքիայի նախագահ Ռեջեփ Թայիփ Էրդողանի անձնական հանդիպման մասին առաջարկը` վերջինիս ԱՄՆ կատարելիք այցի շրջանակում, հայտնում է Wall Street Journal-ը: Էրդողանը հուսով էր տեսնվել ԱՄՆ նախագահի հետ Մերիլենդ նահանգում մզկիթի բացման ժամանակ, որի կառուցումը ֆինանսավորել է Թուրքիան: Սակայն Օբամայի մամուլի ծառայությունում ասել են, որ երկու նախագահների անձնական հանդիպման անհրաժեշտություն չկա, գրում է հոդվածագիրը: «էրդողանի հետ չհանդիպելու որոշումը վերջինիս Վաշինգտոն կատարելիք այցի ժամանակ պետք չէ ընկալել որպես քամահրանք, քանի որ նախագահները նոյեմբերին հանդիպել եմ Թուրքիայում` G 20-ի գագաթնաժողովում և հեռախոսազրույց են ունեցել փետրվարին»,-մեջբերում է պարբերականը Սպիտակ տան հաղորդագրությունը: 2013-ին Թուրքիայի նախագահի ԱՄՆ վերջին այցի ժամանակ Օբաման անձամբ ընդունեց նրան: Էրդողանի աշխատակազմում հայտնում են, որ ԱՄՆ նախագահի հետ հանդիպումը չեղարկելու մասին տեղեկություն չունեն, հայտնում է ՌԻԱ Նովոստին: «Այս պահի դրությամբ մենք նման տեղեկություններ չունենք: Երբ որոշակի ինչ-որ բան լինի, մենք կիրազեկենք մամուլին»,-ասել է Թուրքիայի նախագայի մամուլի ծառայության ներկայացուցիչը: Ըստ փորձագետների, սա նպաստավոր նշան չէ Թուրքիայի նախագահի համար: «Սպիտակ տունը ցանկանում է ցույց տալ, որ Էրդողանն այլևս ցանկալի հյուր չէ իրենց համար»,-ասել է Ամերիկյան առաջընթացի կենտրոնի ազգային անվտանգության և միջազգային քաղաքականության գծով փոխտնօրեն Մաքս Հոֆմանը: Նա նշել է, որ թուրք-ամերիկյան հարաբերությունների վրա ազդում են Էրդողանի բռնատիրական հակումներն ու նրա կոշտ ու անզիջում դիրքորոշումը քրդերի հարցում: Վաշինգտոնի և Անկարայի հարաբերություններում լարվածություն առաջացավ ԱՄՆ կողմից սիրիացի քրդերին աջակցելու պատճառով: Վաշինգտոնում վստահ են, որ քրդերն արդյունավետ պայքարում են ԻՊ գրոհայինների դեմ: Թուրքիան իր հերթին քրդերին ահաբեկիչներ է անվանում և հրետակոծում է նրանց դիրքերը: Ընդ որում Վաշինգտոնում նշում են, որ Անկարան շարունակում է կարևոր դաշնակից լինել ՆԱՏՕ-ի գծով, սակայն հորդորում են դադարեցնել քրդական դիրքերի գնդակոծությունը: Հղումներ թեմայով. Ուշագրավ Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում Ամենաընթերցվողը բաժնում | Ըստ ԱԺԲ–ի՝ իրենց անդամներին բռնության են ենթարկել․ 96 բերման ենթարկված կա Նա ասել է, որ որ ոստիկանության բաժանմունքներում իրենց անդամները «ծեծի են ենթարկվել», կան տուժածներ Լեմկինի ինստիտուտի տնօրեն․ Ինչպես երիտթուրքերը, Ալիևը նույնպես ատելություն է տածում հայերի նկատմամբ Նրա հոդվածը հրապարակվել է Newsweek պարբերականում Հայոց ցեղասպանության 109-րդ տարելիցի համատեքստում Ալիև․ Հայաստանի հետ պետսահմանի մոտ 10-12 կմ–ն արդեն կարելի է սահմանազատված համարել Նա նաև խոսել է հայկական կողմի հետ կանոնավոր շփումների մասին Պատել․ ԱՄՆ–ն ողջունում է Հայաստանի և Ադրբեջանի միջև սահմանազատման գործընթացի մեկնարկը «Դա կարևոր քայլ է տևական և արժանապատիվ խաղաղություն հաստատելու ճանապարհին»,–ասել է նա |