Սպիտակ տունը կոչ է արել ՔԱԿ զինյալներին դադարեցնել «Թուրքիայի դեմ ուղղված գրոհերը»29 մարտի 2016 - 11:43 AMT PanARMENIAN.Net - ԱՄՆ նախագահի ազգային անվտանգության գծով խորհրդական Սյուզան Ռայսը Թուրքիայի ԱԳ նախարար Մևլութ Չավուշօղլուի հետ քննարկել է իրավիճակը Մերձավոր Արևելքում, այդ թվում Քրդստանի աշխատավորական կուսակցության գործողությունները, հայտնել է Սպիտակ տան մամուլի ծառայությունը: «Դեսպան Ռայսը քննադատել է ՔԱԿ հարձակումներն ընդդեմ Թուրքիայի և շեշտել է, որ այդ գրոհները պետք է կասեցվեն»,-ասվում է հաղորդագրության մեջ: ԱՄՆ-ն ու Թուրքիան ՔԱԿ-ը համարում են ահաբեկչական կազմակերպություն: Բացի այդ, խորհրդականը հաստատել է «ԱՄՆ պարտավորությունները ահաբեկչության դեմ համատեղ պայքարում» և դատապարտել է «Իսլամական պետության» հարձակումները Թուրքիայի դեմ, հայտնում է ՌԻԱ Նովոստին: Ռայսը կոչ է արել Թուրքիայի կառավարությանը «սատարել համընդհանուր ժողովրդավարական արժեքներին, որոնք ամրագրված են թուրքական սահմանադրության մեջ»: Մարտի 27-ին և 28-ին հերթական պայթյուններն են որոտացել Թուրքիայի հարավ-արևելքում, որոնք, ինչպես նախորդներից շատերը, ուղղված էին զինվորականների դեմ: 2 մարդ զոհվել է, 8-ը` վիրավորվել: Ըստ Թուրքիայի գլխավոր շտաբի տվյալների, դեկտեմբերի կեսից ոչնչացվել է ավելի քան 1000 քուրդ գրոհային, սպանվել է մոտ 300 զինվորական և ոստիկան: Քրդերը պնդում են, որ զոհերի մեծ մասը խաղաղ բնակիչներ են: Թուրքիայի արևելյան առավելապես քրդաբնակ շրջանների մոտ 200 հազար բնակիչ հեռացել է տներից վերջին ամիսներին թուրքական բանակի և քուրդ զինյալների միջև բախումների հետևանքով: Ավելի վաղ Թուրքիայի ներքին գործերի նախարար Էֆքան Ալան հայտարարեց, որ նոր հակաահաբեկչական գործողություն է սկսվում Քրդստանի աշխատավորական կուսակցության (ՔԱԿ) անդամների դեմ երկրի հարավ-արևելքի 3 շրջանում: Ընթերցեք նաև. Պայթյուններ Թուրքիայի հարավ-արևելքում. 2 զոհ, 8 վիրավոր Հղումներ թեմայով. Ուշագրավ Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում Պատճառը հայտնի չէ Օրինագծով նաև նախատեսվում է հստակեցնել այն ժողովուրդների ցանկը, որոնք պատմականորեն ապրել են Ռուսաստանի տարածքում Ամենաընթերցվողը բաժնում | Մինչև 10% քեշբեք GetTransfer-ից՝ IDBank-ի քարտերով Քեշբեքի չափը կախված է IDBank-ի քարտից G7-ի երկրները կոչ են արել Բաքվին կատարել հումանիտար իրավունքի իր պարտավորությունները Նրանք նաև կոչ են արել Երևանին և Բաքվին հավատարիմ մնալ խաղաղ գործընթացին ftNFT ֆիջիթալ սփեյսում քննարկվել է AKNEYE-ի հետ գործակցությունը և մտավոր սեփականության իրավունքը Ետալեանը ներկաներին պատմել է AKNEYE-ի հետ գործակցության սեփական փորձի մասին Լավրով․ ՀՀ-ն դեռ ինքը չի կարող որոշել ՀԱՊԿ պատասխանատվության գոտին իր տարածքում Նա ասել է, որ պետք է «նշել Հայաստանի սահմանները, ավարտել սահմանազատումը» |