«Արսենալն» ու «Յուվենտուսը» պայքարում են Մխիթարյանին ձեռք բերելու համար (Հարցում)31 մարտի 2016 - 10:40 AMT PanARMENIAN.Net - Հայաստանի ֆուտբոլի հավաքականի և Դորթմունդի «Բորուսիայի» կիսապաշտպան Հենրիխ Մխիթարյանի ձեռքբերումն ամառային տրանսֆերային պատուհանի գլխավոր նպատակն է լինելու Լոնդոնի «Արսենալի» համար: Այդ մասին է գրում բրիտանական Guardian պարբերականը: «Արսենալը» սկաուտներ է ուղարկել՝ հետևելու Դորթմունդի «Բորուսիայի» կիսապաշտպանին ու մշտադիտարկում է նրա խաղը՝ վիդեոձայնագրությունների միջոցով», - գրում է պարբերականը: Լոնդոնյան ակումբը փորձելու է նաև ձեռք բերել ալբանական ծագմամբ շվեյցարացի ֆուտբոլիստ Գրանիտ Ջակային, ով այժմ խաղում է Մյոնխենգլադբլախի «Բորուսիայում»: Միաժամանակ Մխիթարյանի գործակալ Մինո Ռայոլան բանակցություններ է վարում Թուրինի «Յուվենտուսի հետ», հայտնում է Gazzetta dello Sport պարբերականը: Ըստ աղբյուրի, Ռայոլան հայտնել է «Յուվեի» սպորտային տնօրեն Ֆաբիո Պարատիչիին, որ Մխիթարյանն ուզում է տեղափոխվել Իտալիա: «Ծեր սինյորան» փորձում էր ձեռք բերել Մխիթարյանին դեռ 2013 թվականին, սակայն, բարդ բանակցությունների արդյունքում, հայ ֆուտբոլիստը հայտնվեց «Բորուսիայում»: Այժմ նա չի բացառում Թուրին տեղափոխվելը: 2009 թվականին 20-ամյա Մխիթարյանն՝ այն ժամանակ դեռևս Դոնեցկի «Մետալուրգի» խաղացող, հայտարարել էր «Արսենալին» երկրպագելու մասին: «Լոնդոնցիների խաղն ինձ ամենից շատ է դուր գալիս: Կոմբինացիոն, արագ, հարձակողական ֆուտբոլը «ռմբարկուների» այցեքարտն է: Բացի այդ, Վենգերն աշխարհի լավագույն մարզիչներից է, ու ինձ դուր է գալիս, որ նա շարունակում է վստահել երիտասարդներին: Շատ կուզեի ինքս էլ այնտեղ հայտնվել», - ասել էր նա: Ուշագրավ Ավելի վաղ եզրափակիչ էին դուրս եկել Արթուր Ավետիսյանն ու Վահագն Դավթյանը Ազատ ծրագիրը նախատեսված է հունվարի 12-ին Ազատ ոճի ըմբշամարտի Հայաստանի պատանեկան հավաքականը թիմային հաշվարկում զբաղեցրել է 3-րդ հորիզոնականը «Այդ պահից հետո ամեն ինչ արմատապես փոխվեց»,- ասել է նա | Ալիև․ Հայաստանը պետք է փոխի Սահմանադրությունը, հրաժարվի Արարատ լեռը որպես խորհրդանիշ օգտագործելուց Ալիևը նաև ասել է, թե «հայերը լուրջ հոգեբանական շեղումներ ունեն» և «զառանցագին գաղափարներ» Ալիև․ Ձեռքերս ծալած չենք սպասելու, մինչև Ֆրանսիան, Հնդկաստանն ու Հունաստանը զինեն ՀՀ–ին «Դրանով փորձում են մեզ ինչ–որ բան ապացուցել»,–ասել է նա Ռուբեն Վարդանյանի ընկերներն ու գործընկերներն ապրիլի 24-ին երթ են նախաձեռնել Վարդանյանը հացադուլ է հայտարարել Բաքվի բանտում Վենետիկում անցկացվող 60-րդ միջազգային բիենալեի օրերին բացվել է AKNEYE ֆիջիթալ սփեյսը Ներկաները վայելել են միջոցառումը, ծանոթացել NFT-ների յուրօրինակ աշխարհին և ձեռք բերել նոր ծանոթություններ |