Յունկեր. ԵՄ-ն չի թուլացնի Թուրքիայից պահանջվող չափանիշները19 ապրիլի 2016 - 14:32 AMT PanARMENIAN.Net - Եվրահանձնաժողովի նախագահ Ժան Կլոդ Յունկերը հայտարարել է, որ Թուրքիան պետք է կատարի բոլոր պայմանները` ԵՄ հետ առանց մուտքի արտոնագրերի ռեժիմ ստանալու համար: Նա շեշտել է, որ Եվրամիությունը Թուրքիայի համար պահանջվող չափանիշները չի մեղմացնի: «Թուրքիան պետք է կատարի բոլոր պայմանները, որպեսզի Եվրահանձնաժողովը կարողանա ընդունել նրա առաջարկն առաջիկա ամիսներին»,-ասել է Յունկերը Ստրասբուրգում ընթացող Եվրոպայի խորհրդի խորհրդարանական վեհաժողովի (ԵԽԽՎ) ընդլայնված նիստում, հայտնում է Deutsche Welle-ն: Եվրամիությունը կախում ունի Թուրքիայից Եվրոպայում փախստականների ճգնաժամի հանգուցալուծման հարցում: Ըստ Յունկերի, համապատասխան պայմանագիրը, որը կնքվել է Անկարայի հետ, արդեն բերել է իր պտուղները: Սակայն, նախօրեին Թուրքիան սպառնացել է խզել համաձայնագիրը, եթե Եվրամիությունը չկատարի իր խոստումը` թուրքերի համար չեղարկելով ԵՄ հետ մուտքի արտոնագրերի ռեժիմը: Ապրիլի 18-ին Ստրասբուրգ մեկնելուց առաջ Թուրքիայի վարչապետ Ահմեդ Դավութօղլուն հայտարարել է, որ Անկարան չի պահպանի փախստականների մասին ԵՄ հետ պայմանավորվածությունները, եթե Եվրամիությունը չկատարի Թուրքիայի հետ առանց վիզայի ռեժիմ սահմանելու վերաբերյալ խոստումը: Ըստ Թուրքիայի և ԵՄ միջև գործարքի պայմանների, Անկարան ընդունելու է փախստականներին, որոնք ապօրինաբար են հասնում Հունաստանի ափերին: Փոխարենը Թուրքիայի քաղաքացիների համար կչեղարկվի մուտքի արտոնագրերի ռեժիմը ԵՄ երկրների հետ, կարագացվեն ԵՄ-ին Թուրքիայի անդամակցության վերաբերյալ բանակցությունները, և ևս 3 մլրդ եվրո կհատկացվի արդեն խոստացված 3 մլրդ եվրոյից բացի: Ընթերցեք նաև. Դավութօղլու. Եթե ԵՄ-ն չկատարի խոստումը, մենք կչեղարկենք պայմանավորվածությունները Ուշագրավ Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում Ամենաընթերցվողը բաժնում | ԱՄՆ փոխնախագահ․ Երբեք չենք մոռանա Հայոց ցեղասպանությունը Նա նշել է, որ 1․5 մլն հայ ենթարկվել է բռնագաղթի, սպանվել է և մահվան երթի զոհ դարձել Նախագիծ․ Ոստիկանությունը 24-ժամյա հասանելիություն կունենա հանրային տարածքների տեսահսկման համակարգերին Տնտեսվարող սուբյեկտները կպարտավորվեն ունենալ անընդմեջ և բարձր որակի տեսագրություն իրականացնող տեսահսկման համակարգեր Հայաստանի և Ադրբեջանի սահմանին տեղադրվել է սահմանային 20 սյուն Նշվում է, որ սյուները տեղադրվել են կոորդինատների ճշգրտման աշխատանքների շրջանակներում Ատալ․ Ֆրանսիան վերահաստատում է իր աջակցությունը ՀՀ-ին Վարչապետը ելույթ է ունեցել Հայոց ցեղասպանության 109-րդ տարելիցի կապակցությամբ անցկացված հիշատակի միջոցառմանը |