Մխիթարյանը` Գերմանիայի 2015/16թթ. մրցաշրջանի լավագույն ֆուտբոլիստ Kicker-ի վարկածով

PanARMENIAN.Net - Հայաստանի ազգային հավաքականի և Դորտմունդի «Բորուսիայի» կիսապաշտպան Հենրիխ Մխիթարյանը Kicker պարբերականի վարկածով ճանաչվել է Գերմանիայի 2015/16թթ. մրցաշրջանի լավագույն ֆուտբոլիստ, հայտնում է Tert.am-ը:

Մխիթարյանը 2,57 միջին գնահատականով գլխավորել է լավագույն ֆուտբոլիստի կոչմանը հավակնողների աղյուսակը:

Աղյուսակի լավագույն հնգյակն ունի հետեւյալ տեսքը.

1. Հենրիխ Մխիթարյան («Բորուսիա» Դ. - 2,57)

2. Մարվին Հիտց («Աուգսբուրգ» - 2,64)

3. Ռենե Ադլեր («Համբուրգ» - 2,65)

4. Լորիս Կարիուս («Մայնց» - 2,65)

5. Ռոբերտ Լեւանդովսկի («Բավարիա» - 2,66)

Գերմանիայում ամենաբարձր գնահատականը 1-ն է, իսկ ամենացածրը՝ 5-ը:

Ավելի վաղ հայտնի դարձավ, որ Հենրիխ Մխիթարյանը ճանաչվել է Բունդեսլիգայի 2015-2016-ի խաղաշրջանի լավագույն ֆուտբոլիստ` ըստ Deutche Welle-ի հարցման արդյունքների:

Ավելի վաղ Հենրիխ Մխիթարյանը Բունդեսլիգայի պաշտոնական կայքում անցկացված քվեարկության արդյունքներով ճանաչվել է Գերմանիայի ընթացիկ առաջնության լավագույն աջ կիսապաշտպան: 27-ամյա ֆուտբոլիստը ստացել է ձայնների 57%-ը: Այսպիսով, Մխիթարյանը կընդգրկվի մրցաշրջանի խորհրդանշական հավաքականում:

27-ամյա ֆուտբոլիստի համար են պայքարում հայտնի ֆուտբոլային ակումբներ «Չելիսն», «Արսենալը», «Յուվենտուսը»: «Չելսին», ըստ ԶԼՄ-ների, արդեն մոտ €60 մլն է առաջարկել Մխիթարյանի համար, «Յուվենտուսը»` £24 (մոտ $35 մլն), «Արսենալը»` մոտ $32մլն` մոտ 100 հազար ֆունտ շաբաթական աշխատավարձով: Տարեկան դա կազմում է մոտ $7.5 մլն:

Ընթերցեք նաև. «Բորուսիայում» Մխիթարյանի հետագա ճակատագիրը կորոշվի առաջիկա 10 օրում