  Ցեղասպանությանը նվիրված բալետային տեսաբեմականացումը`«Էմմի»-ի մրցանակակիր (վիդեո)  10 հունիսի 2016 - 13:30 AMTPanARMENIAN.Net - Հայոց ցեղասպանությանը նվիրված «Մեռան, որ ապրինք» բալետային բեմականացումն արժանացել է «Էմմի» հեղինակավոր մրցանակին 45-րդ մրցանակաբաշխության շրջանակում: Մրցանակը շնորհվել է բալետային տեսաբեմականացման գործադիր պրոդյուսերներ Դիանա և Չարլզ Պասկերյաններին, հայտնում է Asbarez-ը: «Էմմի» մրցանակը շնորհվում է ԱՄՆ Հեռուստատեսային արվեստների և գիտությունների ազգային ակադեմիայի կողմից հեռուստատեսության ասպարեզում նշանակալի նվաճումների համար: 2016-ին ներկայացվել է ռեկորդային թվով տեսանյութ` 757 անգլիական և 179 իսպանական ֆիլմ 67 անվանակարգում: «Մեռան, որ ապրինք»-ը ներառվել էր Արվեստ/Զվարճալի ծրագրեր անվանակարգում: Սան Ֆրանցիսկոյի բալետի մենակատար Դավիթ Կարապետյանի մոտ Հայոց ցեղասպանության զոհերին նվիրված բալետ բեմադրելու գաղափարն առաջացավ, երբ նա առաջին անգամ տեսավ Ցեղասպանության զոհերին նվիրված խաչի տեսքով հուշարձանը Սան Ֆրանցիսկոյում: Սկզբնական փուլում նախատեսվում էր բեմադրությունը նվիրել Հայոց ցեղասպանության 100-րդ տարելիցին, սկսվեց աշխատանքը: Սակայն մեկ տարուց ավելի պահանջվեց բեմականացումն ավարտելու համար: Բեմականացմանը Դավիթ Կարապետյանը մասնակցել է որպես մենակատար և խորեոգրաֆ: Մասնակցել են նաև մենակատար Վանեսսա Զաորյանը և բալետի ևս 14 պարող Սան Ֆրանցիսկոյից, ինչպես նաև 23 անձից բաղկացած թիմը: Պրոդյուսերներն են Դիանա և Չարլզ Պասկերյանները: Տեսանախագիծը ստացել էր Սան Ֆրանցիսկոյի Հայ-ամերիկյան կազմակերպությունների խորհրդի հավանությունը: Խորհուրդը նաև ժամանակին աջակցել է Սան Ֆրանցիսկոյում Հայոց ցեղասպանությանը նվիրված հուշարձանի տեղադրմանը` խաչի տեսքով Սան Ֆրանցիսկոյի հուշարձանը Հայոց ցեղասպանության զոհերին նվիրված ամենաբարձր հուշարձանն է աշխարհում: Հղումներ թեմայով.   Ուշագրավ Տիգրան Ավինյանն ու Գրեգորի Դուսեն այցելել են պատմական թաղամաս Snap-ը պլատինե երգի կարգավիճակ է ստացել նաև մի քանի այլ երկրներում Հայկական դուդուկի երաժշտությունը ՅՈՒՆԵՍԿՕ-ի ցանկում է ընդգրկվել դեռևս 2008 թ․ Ցուցադրությունը կազմակերպվում է այս երեք ֆիլմերի Պոմպիդու կենտրոնին հանձնման արարողության առիթով   |  Վերջին լուրեր Amnesty International-ը կոչ է արել ՀՀ իշխանություններին անհապաղ հետաքննել հունիսի 12-ի բռնությունները  «Երևանում վերջին փողոցային ակցիայի ժամանակ բռնությունների մակարդակը խորը տագնապ է առաջացնում»,–ասել է կառույցի ներկայացուցիչըԲագրատ սրբազան․ Ապրում ենք իրավական ամենաթողության մեջ Նա նշել է, որ իրավապահ ամբողջ համակարգը դարձել է «իշխանության աթոռները պահող, ծառա»Հայկակ Արշամյան․ 2023–ին «Հայաստան» հիմնադրամին փոխանցումը կազմել է 7 մլրդ դրամ, 60 ծրագիր է արվել 2 նոր բազմաբնակարան շենք է կառուցվել Գյումրիում, 14 առանձնատուն՝ Լեռնագոգում, 6–ը՝ Ներքին ԽնձորեսկումԵրևանում կտեղադրվի 930 բեռնարկղ 4 տեսակի թափոնների համար Նոր թափոնամանները բավարար կլինեն ապակին, պլաստիկը, թուղթն ու այլումինը տեսակավորելու համար |
