Աբխազիայի նախագահ. Ոչ ոք չի բարձրացնում ՌԴ կազմի մեջ մտնելու հարցը11 հունիսի 2016 - 15:02 AMT PanARMENIAN.Net - Աբխազիայի նախագահ Ռաուլ Հաջիմբան հայտարարել է, որ Ռուսաստանի կազմի մեջ մտնելու մասին հանրաքվեի հարցը ակտուալ չէ: «Աբխազիայում ոչ ոք երբեք չի բարձրացրել և չի բարձրացնում Ռուսաստանի կազմի մեջ մտնելու հարցը»,-մեջբերում է «Կոմերսանտը» Աբխազիայի նախագահին, որը մեկնաբանել է Հարավային Օսեթիայում նմանատիպ հանրաքվեի անցկացման գաղափարը: «Աբխազիան անկախ պետություն է, որը զարգացնում է ռազմավարական հարաբերությունները մեր գլխավոր դաշնակից Ռուսաստանի հետ»,-ասել է նա: Ավելի վաղ Աբխազիայի վարչապետ Արթուր Միկվաբիան`մեկնաբանելով Հարավային Օսեթիայում կայանալիք հանրաքվեն Ռուսաստանին միանալու վերաբերյալ, ասել էր, որ Սուխումն այդ օրինակին չի հետևի: «Աբխազիայի պարագայում իրավիճակն այլ է»,-ասել է նա: «Ցխինվալի դրդապատճառները հասկանալի են: Օսերը բաժանված ժողովուրդ են, մի մասն ապրում է Ռուսաստանում, մյուսը` Հարավային Օսեթիայում: Ուստի միավորվելու ցանկություն կա: Մեր պարագայում իրավիճակն այլ է: Մենք ցանկանում ենք անկախ պետություն լինել, հազարավոր աբխազներ իրենց կյանքն են տվել հանուն դրա»,-ասել է Աբխազիայի վարչապետը: Հարավային Օսեթիան և Աբխազիան Վրաստանից անկախություն են հռչակել 2008-ի օգոստոսին` Ցխինվալի դեմ Թբիլիսիի զինված հակամարտությունից հետո: Ռուսաստանը ճանաչել է հանրապետությունների ինքնիշխանությունը 2008-ի օգոստոսի 26-ին: Մոսկվայում բազմիցս են նշել, որ այդ որոշումը լիովին արտացոլում է ընթացիկ իրողություններն ու վերանայման ենթակա չէ: Ռուսաստանից բացի Աբխազիայի ու Հարավային Օսեթիայի անկախությունը ճանաչել է ՄԱԿ անդամ ևս 3 երկիր` Վենեսուելան, Նիկարագուան և Նաուրուն: Վերոնշյալ հանրապետությունները դիվանագիտական հարաբերություններ ունեն նաև ԼՂՀ, ինչպես նաև Մերձդնեստրի ու Դոնեցկի ժողովրդական հանրապետության հետ: Ընթերցեք նաև. Աբխազիան մտադիր չէ ՌԴ-ին միանալու վերաբերյալ հանրաքվե անցկացնել Ուշագրավ Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում Ամենաընթերցվողը բաժնում | Ֆրանսահայ լրագրող Նիկոլյանը, որի մուտքը ՀՀ արգելվել է, չի պատրաստվում դադարեցնել հացադուլը Նա պահանջում է, որ իրեն գրավոր ներկայացնեն, թե ինչու իրեն թույլ չեն տալիս մուտք գործել Հայաստան Վանաձորի նախկին ղեկավար Ասլանյանը կմնա կալանքի տակ Դատարանը մերժել է միջնորդությունը Փաշինյանին քրեական պատասխանատվության ենթարկելու պահանջով հաղորդումը դատախազությունում է Հաղորդումը կազմել են փաստաբան Արա Զոհրաբյանը և պահեստազորի գնդապետ Հայկ Նահապետյանը Փաստաբան․ Սուրեն Պետրոսյանին մեղադրանք չի առաջադրվել՝ պետք է որ ազատ արձակվի Լրանում է Պետրոսյանի ձերբակալման 72 ժամը |