ԶԼՄ-ներ. Թուրքիայում 9 մարդ է ձերբակալվել Ստամբուլում ահաբեկչությանը մեղսակցության կասկածանքով30 հունիսի 2016 - 13:56 AMT PanARMENIAN.Net - Թուրքական ոստիկանությունը 9 մարդ է ձերբակալել Ստամբուլի օդանավակայանում ահաբեկչությանը մեղսակցության կասկածանքով: Գործողությունն անցկացվում է Ստամբուլում և Իզմիրում մի քանի հարյուր ոստիկանի մասնակցությամբ: Խուզարկության ժամանակ որոշ վայրերում հայտնաբերվել են հրազեն, տեղեկատվության էլեկտրոնային կրիչներ: Ձերբակալվածներին կասկածում են «Իսլամական պետություն» ահաբեկչկան խմբավորման անդամներին կազմակերպչական օգնություն, լոգիստիկ և նյութական աջակցություն ցուցաբերելու, նոր մարդկանց անդամագրելու մեջ, հայտնում է ՌԻԱ Նովոստին Anadolu-ի վրա հղումով: Ստամբուլի օդանավակայանում պայթյուններ իրականացրած մահապարտներից մեկը Չեչնիայից է, գրում է Meduza-ն Haberdar-ի վրա հղումով: Նշվում է, որ ահաբեկիչ Օսման Վադինովը ժամանել է Թուրքիա սիրիական Ռաքքայից, որը վերահսկում է ԻՊ-ն: Ավելի վաղ հայտնի դարձավ, որ Թուրքիայի հետախուզությունն ահաբեկչությունից 20 օր առաջ զգուշացրել էր ահաբեկչության հնարավոր վայրերի մասին, այդ թվում նաև Աթաթուրքի անվան օդանավակայանի: Հունիսի 28-ի երեկոյան Ստամբուլի Աթաթուրքի անվան միջազգայինն օդանավակայանում պայթյուններ են որոտացել, որոնք 41 մարդու կյանք են խլել: Եվս 239-ը վիրավորվել է: Պայթյունները հնչել են մուտքի, ելքի մոտ և կայանատեղիում: Ենթադրվում է, որ գործել են մահապարտ ահաբեկիչները, լսվել են նաև կրակոցներ: ՔԱԿ անդամները հայտարարել են, որ առնչություն չունեն պայթյունների հետ: Ըստ Թուրքիայի վարչապետ Բինալի Յիլդիրիմի, որը ժամանել է ողբերգության վայր, նախնական տվյալները մատնանշում են, որ գրոհների հեղինակը «Իսլամական պետությունն» է: Ընթերցեք նաև. Նախագահը ցավակցել է Էրդողանին՝ Ստամբուլում ահաբեկչության կապակցությամբ Ուշագրավ Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում Ամենաընթերցվողը բաժնում | ԱՄՆ փոխնախագահ․ Երբեք չենք մոռանա Հայոց ցեղասպանությունը Նա նշել է, որ 1․5 մլն հայ ենթարկվել է բռնագաղթի, սպանվել է և մահվան երթի զոհ դարձել Նախագիծ․ Ոստիկանությունը 24-ժամյա հասանելիություն կունենա հանրային տարածքների տեսահսկման համակարգերին Տնտեսվարող սուբյեկտները կպարտավորվեն ունենալ անընդմեջ և բարձր որակի տեսագրություն իրականացնող տեսահսկման համակարգեր Հայաստանի և Ադրբեջանի սահմանին տեղադրվել է սահմանային 20 սյուն Նշվում է, որ սյուները տեղադրվել են կոորդինատների ճշգրտման աշխատանքների շրջանակներում Ատալ․ Ֆրանսիան վերահաստատում է իր աջակցությունը ՀՀ-ին Վարչապետը ելույթ է ունեցել Հայոց ցեղասպանության 109-րդ տարելիցի կապակցությամբ անցկացված հիշատակի միջոցառմանը |