Աբխազիայում անկարգությունների հետևանքով 17 մարդ է տուժել 6 հուլիսի 2016 - 13:19 AMT PanARMENIAN.Net - Աբխազիայի նախագահ Ռաուլ Հաջիմբան հայտարարել է, որ Սուխումում հուլիսի 5-ին տեղի ունեցած անկարգությունների հետևանքով 17 մարդ է տուժել, որից 9-ը` հոսպիտալացվել է: Այդ մասին նա ասել է հանրապետական հիվանդանոց այցելության ժամանակ: Հուլիսի 5-ին աբխազական ընդդիմությունը ցույց էր կազմակերպել Աբխազիայի ՆԳՆ շենքի մոտ, որը վերածվեց շենքի գրոհի` ցուցարարները կոտրեցին դարպասներն ու հասան գլխավոր մուտքին: Բացի այդ ցուցարարները «Մոլոտովի կոկտեյլներ» են նետել շենքի ուղղությամբ, հրդեհ է առաջացել: ՆԳՆ ղեկավարին մեղադրում են հանրապետությունում քրեածին իրավիճակի վատթարացման մեջ: Ցուցարարները պահանջում էին նաև տեղափոխել հուլիսի 10-ին կայանալիք հանրաքվեն: «Այլ կերպ, քան նենգություն, կատարվածը գնահատել չի կարելի: Սկսեցին գրոհել ՆԳՆ շենքը, երբ մենք հանդիպում էինք ընդդիմության ներկայացուցիչների հետ: Մենք ամեն ինչ կանենք, որպեսզի նման բան չկրկնվի»,-ասել է նա, հայտնում է Lenta.ru-ն: Հոսպիտալացվածներից 4-ն իրավապահ մարմինների աշխատակից է: Հուլիսի 5-ի երեկոյան Հաջիմբան ժամանակավորապես հեռացրել է պաշտոնից ՆԳՆ ղեկավար Լեոնիդ Ձապշբային, որի հրաժարականն էին պահանջում ցուցարարները: Ինքը նախարարը հայտնել է, որ անձամբ է խնդրել նախագահին կասեցնել նրա լիազորությունները: «Չի կարելի, որ իմ պատճառով իրավիճակն ապակայունանա»,-ասել է նա: Աբխազիայում նախատեսված հանրաքվեի նախաձեռնողները ընդդիմության ուժերն են, սակայն նրա ներկայացուցիչները համարում են, որ նախապատրաստումն ավելի շատ ժամանակ է պահանջելու, քանի որ նախագահ Հաջիմբան միայն հունիսի 1-ին է հրապարակել հանրաքվեի ամսաթիվը: Հաջիմբան իր հերթին ասել է, որ հանրաքվեի անցկացման վերաբերյալ որոշումը կայացրել է մեղմելու համար լարվածությունը, հայտնում է «Sputnik-Արմենիան»: Ավելի վաղ Հաջիմբան հրամանագիր էր ստորագրել հուլիսի 10-ին հանրաքվե անցկացնելու վերաբերյալ: Աբխազիայի քաղաքացիները պետք է պատասխանեն հետևյալ հարցին. «Անհրաժեշտ համարո՞ւմ եք Աբխազիայի Հանրապետության նախագահի վաղաժամ ընտրությունների անցկացումը»: Ուշագրավ Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում Ամենաընթերցվողը բաժնում | Հայկական առաջին բանկը Ֆասթեքսվերսում․ Ֆասթ Բանկը ներկայացնում է իր վիրտուալ տարածքը Oգտատերերը ևս կարող են ստեղծել իրենց սեփական ավատարները Երևանում իրազեկման ակցիաներ են անցկացվել, փողոցներ փակվել Դավթաշենում քաղաքացիները 15 րոպեով փակել էին ճանապարհը ԱՄՆ փոխնախագահ․ Երբեք չենք մոռանա Հայոց ցեղասպանությունը Նա նշել է, որ 1․5 մլն հայ ենթարկվել է բռնագաղթի, սպանվել է և մահվան երթի զոհ դարձել Նախագիծ․ Ոստիկանությունը 24-ժամյա հասանելիություն կունենա հանրային տարածքների տեսահսկման համակարգերին Տնտեսվարող սուբյեկտները կպարտավորվեն ունենալ անընդմեջ և բարձր որակի տեսագրություն իրականացնող տեսահսկման համակարգեր |