Yandex.Taxi-ի ու ggTaxi-ի հետ կապված հարցերը՝ Հանրային խորհրդում 7 հուլիսի 2016 - 14:08 AMT PanARMENIAN.Net - Հանրային խորհուրդը տաքսի ծառայությունների, պետական գերատեսչությունների ներկայացուցիչների մասնակցությամբ քննարկել է տաքսի ծառայության ոլորտին առնչվող մի շարք հարցեր, մասնավորապես՝ շուկայում Yandex.Taxi ու ggTaxi ընկերությունների աշխատանքը: Տաքսի ընկերությունների ղեկավարները խնդրահարույց են համարել ggTaxi ընկերության գործունեությունը` նշելով, որ ընկերությունն, ըստ էության, իրականացնում է նույն դիսպետչերական ծառայությունը, սակայն գործում է` իբրև բարձր տեխնոլոգիաների ոլորտով զբաղվող ընկերություն` զերծ մնալով տաքսի ծառայության կազմակերպման համար սահմանված կարգով պետական վճարումներ կատարելուց և դրանով իսկ ոլորտում շահեկան դիրքեր զբաղեցնում: ggTaxi ղեկավարն իր հերթին պարզաբանել է իրենց գործունեության յուրահատկությունը` նշելով, որ իրենց քաղաքականությունը միտված է ոլորտը զարգացնելուն` առանց վնասելու մյուս ընկերությունների շահերը: Ինչ վերաբերում է իրենց ընկերության հաջողություններին, ապա ընկերության ղեկավարը դա պայմանավորել է նորագույն տեխնոլոգիաների կիրառման, նոր չափորոշիչների սահմանման և որակյալ ծառայությունների մատուցման փաստով: Այնուամենայնիվ, նա առաջարկել է միասին քննարկել տաքսի ընկերություներին հուզող հարցերն ու հանդես գալ միասնական առաջարկներով: Yandex.Taxi գործունեության առնչությամբ ներկաները փաստել են, որ ընկերության կողմից 2 կմ-ի համար սահմանված 100 դրամ գինը խիստ կասկածելի է, և դրանում առկա է դեմպինգ իրականացնելու քաղաքականություն: Տաքսի ծառայության ներկայացուցիչները ներկայացրել են փաստեր, որոնք հաստատում են, որ նշված գինը ինքնարժեքից ցածր է` հավելելով, որ ռուսական ընկերությունը 400 դրամ տարբերությունը վարորդներին վճարում է իր ֆինանսական ռեսուրսների հաշվին: Էկոնոմիկայի նախարարության պաշտոնյան էլ իր հերթին է կարծիք հայտնել, որ կա դեմպինգի հավանականություն` ելնելով օրենսդրությունից բխող որոշ դրույթներից: Yandex.Taxi ծառայությունը գործարկվել է 2011-ին: Երևանից բացի, այն գործում է ՌԴ 20 քաղաքում և Մինսկում: Նպատակ կա նման ծառայություններ գործարկել նաև Վրաստանում, Ղազախստանում և այլ երկրներում: Ընդհանուր առմամբ Yandex.Taxi-ին միացել է ավելի քան 70.000 ավտոմեքենա մոտ 500 կարգավարական կետից ու տաքսու ծառայությունից: Երևանում ընկերությանն առայժմ միացել է մոտ 250 մեքենա: Վազգեն Մանուկյանը ՀՀ տնտեսական մրցակցության պաշտպանության պետական հանձնաժողովի անդամ Արամ Սահակյանից հետաքրքրվել է, թե արդյոք հանձնաժողովը քննարկե՞լ է հնարավոր դեմպինգի հարցը: Վերջինս պատասխանել է, որ քանի դեռ ընկերությունը շուկայի մեկ երրորդից ավելին չի գրավել, ապա դա դեմպինգ համարվել չի կարող: Քննարկմանը ներկա չի եղել միայն «Յանդեքսի» ներկայացուցիչը քննարկմանը ներկա չի եղել՝ ընկերության հետ կապ հաստատել չի հաջողվել: Քննարկվել է նաև տաքսի ծառայությունների՝ անհավասար օրենսդրական դաշտում գործելու խնդիրը. ըստ ծառայությունների ներկայացուցիչների, ոմանք գործում են հարկային դաշտում, ոմանք՝ ոչ: Այն, որ ոլորտում անհավասար մրցակցություն կա, ընդունել են նաև պետական պաշտոնյաները` այդ թվում նաև ՀՀ տնտեսական մրցակցության պաշտպանության պետական հանձնաժողովի անդամը, ինչին ի պատասխան տաքսի ծառայության ընկերությունների ներկայացուցիչները կրկին պահանջել են հարցն անհապաղ կարգավորվել: ՀՀ տրանսպորտի և կապի փոխնախարարը ևս ընդունել է, որ անհավասար մրցակցային պայմանների խնդիր կա, որը նախևառաջ դրսևորվում է 10 հազար լիցենզավորված 20-30 հազար չլիցենզավորված տաքսիների առկայությամբ: Միաժամանակ նա հավելել է, որ կառավարությունը գնացել է առավելագույնս պարզեցված ձևով գործունեություն իրականացնելու թույլտվություն տալու ճանապարհով` փորձելով լուծել սոցիալական խնդիր: Սակայն, դա իր հերթին նվազեցրել է ոլորտում անվտանգության ապահովման և վերահսկողության իրականացման հնարավորությունները: Կարդացեք նաև. Yandex.Taxi-ն Երևանում գործարկման օրը հայկական AppStore-ի ամենապահանջված հավելվածն էր Ուշագրավ Վարդանյանն ասել է, որ գտնվում է մեկուսացման խցում Նրանք ձերբակալվել են խուլիգանական արարքների կատարման մեջ մասնակցության կասկածանքով Փաշազադեն հայտարարել էր, թե «հայկական եկեղեցին, ռևանշիզմ է քարոզում” Հավաքի նպատակն է քննարկել ու բարձրաձայնել Արցախի ժողովրդի առաջարկներն ու պահանջները Ամենաընթերցվողը բաժնում | ԱՄՆ փոխնախագահ․ Երբեք չենք մոռանա Հայոց ցեղասպանությունը Նա նշել է, որ 1․5 մլն հայ ենթարկվել է բռնագաղթի, սպանվել է և մահվան երթի զոհ դարձել Հայաստանի և Ադրբեջանի սահմանին տեղադրվել է սահմանային 20 սյուն Նշվում է, որ սյուները տեղադրվել են կոորդինատների ճշգրտման աշխատանքների շրջանակներում Ատալ․ Ֆրանսիան վերահաստատում է իր աջակցությունը ՀՀ-ին Վարչապետը ելույթ է ունեցել Հայոց ցեղասպանության 109-րդ տարելիցի կապակցությամբ անցկացված հիշատակի միջոցառմանը Հնդկաստանի ԱԳՆ–ն՝ Բաքվին․ Խթանում ենք ռազմարդյունաբերական արտադրանքի արտահանումը Նա նշել է, որ իր երկիրը լավ հարաբերություններ ունի և Ադրբեջանի, և ՀՀ հետ |