Նախագահը ցավակցել է Ճապոնիայի և Չինաստանի նախագահներին՝ երկրներում հրաձգության և աղետի կապակցությամբ26 հուլիսի 2016 - 17:47 AMT PanARMENIAN.Net - Նախագահ Սերժ Սարգսյանը հուլիսի 26-ին ցավակցական հեռագիր է հղել Ճապոնիայի վարչապետ Սինձո Աբեին՝ Ճապոնիայի Սագամիհարա քաղաքի առողջարանում տեղի ունեցած ողբերգության կապակցությամբ, որի հետևանքով սպանվել և վիրավորվել են մի քանի տասնյակ անմեղ մարդիկ: «Ճապոնիայի բարեկամ ժողովրդի համար այս ծանր պահին կիսում եմ Ձեր վիշտը՝ զոհվածների հարազատներին մաղթելով տոկունություն և ոգու արիություն, իսկ վիրավորներին՝ շուտափույթ ապաքինում»,-ասված է ՀՀ Նախագահի ցավակցական հեռագրում: Ճապոնիայում 19 մարդ է սպանվել, 45-ը վիրավորվել սահմանափակ կարողություններով մարդկանց համար նախատեսված հատուկ հաստատությունում տեղի ունեցած հարձակման հետևանքով: Կանագավա պրեֆեկտուրայի Սագամիհարա քաղաքում 26-ամյա Սատոսի Ուեմացուն՝ նույն հաստատության նախկին աշխատակիցը, դանակով զինված հարձակում է իրականացրել, այնուհետ հանձնվել է իրավապահներին: Նախագահը նաև ցավակցական հեռագիր է հղել Չինաստանի Ժողովրդական Հանրապետության նախագահ Սի Ծինփինին՝ Չինաստանում տեղի ունեցած ջրհեղեղների հետևանքով բազմաթիվ մարդկային կորուստների և ավերածությունների կապակցությամբ: «Վստահ եմ, որ Չինաստանի կառավարության հետևողական ջանքերի և չին ժողովրդի միասնականության, իմաստության ու աշխատասիրության շնորհիվ կհաջողվի հնարավորինս արագ հաղթահարել աղետի հետևանքները»,-ասված է ՀՀ նախագահի ցավակցական հեռագրում: Մեկ շաբաթ հորդառատ անձրևներ են ընթացել Չինաստանի մի քանի շրջաններում, այդ թվում Պեկինում: Միայն Հեբեյ գավառում հյուսիսային Չինաստանում ջրհեղեղի, սելավների ու սողանքների հետևանքով 72 մարդ է զոհվել: Չինաստանում ջրհեղեղի զոհերի ընդհանուր քանակն ավելի քան 100 է, ևս 91 մարդ հուլիսի 23-ի դրությամբ անհետ կորած էր համարվում: Ուշագրավ Վարդանյանն ասել է, որ գտնվում է մեկուսացման խցում Նրանք ձերբակալվել են խուլիգանական արարքների կատարման մեջ մասնակցության կասկածանքով Փաշազադեն հայտարարել էր, թե «հայկական եկեղեցին, ռևանշիզմ է քարոզում” Հավաքի նպատակն է քննարկել ու բարձրաձայնել Արցախի ժողովրդի առաջարկներն ու պահանջները Ամենաընթերցվողը բաժնում | ԱՄՆ փոխնախագահ․ Երբեք չենք մոռանա Հայոց ցեղասպանությունը Նա նշել է, որ 1․5 մլն հայ ենթարկվել է բռնագաղթի, սպանվել է և մահվան երթի զոհ դարձել Հայաստանի և Ադրբեջանի սահմանին տեղադրվել է սահմանային 20 սյուն Նշվում է, որ սյուները տեղադրվել են կոորդինատների ճշգրտման աշխատանքների շրջանակներում Ատալ․ Ֆրանսիան վերահաստատում է իր աջակցությունը ՀՀ-ին Վարչապետը ելույթ է ունեցել Հայոց ցեղասպանության 109-րդ տարելիցի կապակցությամբ անցկացված հիշատակի միջոցառմանը Հնդկաստանի ԱԳՆ–ն՝ Բաքվին․ Խթանում ենք ռազմարդյունաբերական արտադրանքի արտահանումը Նա նշել է, որ իր երկիրը լավ հարաբերություններ ունի և Ադրբեջանի, և ՀՀ հետ |