Իտալիայում երկրաշարժի զոհերի թիվը հասել է 281-ի, կան անհետ կորածներ

27 օգոստոսի 2016 - 11:36 AMT

PanARMENIAN.Net - Իտալիայում ավերիչ երկրաշարժի զոհերի թիվը հասել է 281-ի, կան անհետ կորածներ, հայտնում է Associated Press-ը իտալական իշխանությունների վրա հղումով:

«221 մարդ է զոհվել Ամատրիչեում, 11` Ակկումոլիում, 49-ը` Արկուատա դել Տրոնտոյում»,-ասվում է հաղորդագրության մեջ:

Ըստ գործակալության, 238 մարդու հաջողվել է փրկել, առնվազն 15 մարդ անհետ կորած է համարվում: Վերջին տվյալներով, հոսպիտալացվել է 388 մարդ և ավելի քան 2 500-ը մնացել է անօթևան:

Օգոստոսի 27-ին Իտալիայում ազգային սուգ է հայտարարվել ի հիշատակ կենտրոնական շրջաններում տեղի ունեցած հզոր երկրաշարժի զոհերի, հայտնում է ՏԱՍՍ-ը Իտալիայի նախարարների խորհրդի վրա հղումով:

Օգոստոսի 24-ի առավոտյան Իտալիայի կենտրոնական հատվածում նոր երկրաշարժ է տեղի ունեցել 4,9 մագնիտուդ հզորությամբ: 6.0 մագնիտուդով առաջին ստորերկրյա ցնցումը տեղի է ունեցել տեղական ժամանակով 03:36-ին: էպիկենտրոնը Լացիո շրջանի Ակկումոլի քաղաքի մոտ է եղել` մոտ 4 կմ խորությամբ: 5,4 մագնիտուդով երկրորդ ցնցումը գրանցվել է 04:34-ին Ումբրիա շրջանում:Ցնցումները զգացվել են նաև Հռոմում և Բոլոնիայում: Ըստ հաղորդագրությունների, ավերածություններ կան Լացիոյում, Ումբրիայում և Մարկեում:

Երկրաշարժից վնասվել կամ ավերակների է վերածվել պատմական արժեք ունեցող 293 շենք: Այդ մասին հայտարարել է Իտալիայի մշակույթի նախարար Դարիո Ֆրանչեսկինին:

Ընթերցեք նաև. Եկրաշարժից ամբողջությամբ փլուզվել է իտալական Ամատրիչեի պատմական կենտրոնը

Հղումներ թեմայով.

Interfax.ru: Число жертв землетрясения в Италии возросло до 281 человека

Reuters. Italy quake death toll hits 281, state funeral planned