Երևանում սարոյանական ընթերցումներ կանցնեն (վիդեո) 31 օգոստոսի 2016 - 14:06 AMT PanARMENIAN.Net - Օգոստոսի 31-ին լրանում է հայտնի ամերիկահայ գրող Վիլյամ Սարոյանի ծննդյան 108-րդ տարին: Այդ կապակցությամբ Երևանի Թումանյանի անվան այգում 17:00-20:00-ն տեղի կունենան սարոյանական ընթերցումներ: Երեկոյի մասնակիցները կկարողանան նոր տեսակետից անդրադառնալ գրողի կյանքին, ստեղծագործությանն ու կերպարին: Միջոցառման շրջանակում «Ինտելեկտուալ ռենեսանս» հիմնադրամը կազմակերպում է առցանց ընթերցումներ տարբեր երկրներից ընթերցողների մասնակցությամբ: Կազմակերպվում է նաև նկարների մրցույթ, կինոցուցադրություն, տարբեր անակնկալներ: Նշվում է, որ այցելուները կկարողանան ճաշակել Սարոյանի նախընտրած ուտեստները: Ամերիկահայ գրող և դրամատուրգ, Պուլիտցերյան մրցանակի դափնեկիր, որն արժանացել է նաև «Օսկարի» «Մարդկային կատակերգություն» սցենարի համար, Վիլյամ Սարոյանը ծնվել է 1908 թ. օգոստոսի 31-ին Ֆրեզնոյում` հայ գաղթականների ընտանիքում: Վիլյամ Սարոյանն այն հարցին, թե ժամանակակից գրողներից ում է առավել շատ սիրում, անկեղծ պատասխանել է. «Ինձ»:
Սարոյանը լայն ճանաչում ձեռք բերեց «Խիզախ պատանին թռչող ճոճաձողի վրա և այլ պատմվածքներ» (1934) առաջին գրքով: 1939-ին Վիլյամ Սարոյանը վեց օրվա ընթացքում գրում է «Քո կյանքի ժամերը»: Այս ստեղծագործության շնորհիվ գրողն արժանացավ Պուլիտցերի և նյույորքյան քննադատների հեղինակավոր գրական մրցանակներին։ 1940 թվականին Սարոյանը հրաժարվում է առաջին մրցանակից՝ հայտարարելով, որ «Առևտուրը իրավունք չունի հովանավորելու արվեստը»: Վիլյամ Սարոյանի որդին` Արամը, հոր մահից հետո հրատարակված հուշերում գրել է. «Իրականում նա շատ ամաչկոտ և ինքնամփոփ մարդ էր, հակառակ իր իմիջին հանրային կյանքում»: Սարոյանը հայտնի էր որպես ամերիկյան գրականության «անկարգապահ հանճար»: Նա չէր ենթարկվում գրական կանոններին և նույնիսկ երազում էր առանց բառերի պիես գրել, որը կգովերգեր լռությունը, բայց նվիրված կլիներ մարդուն: Որպես դրամատուրգ Սարոյանը հայտնի դարձավ «Սիրտը լեռներում» (My Heart’s in the Highlands, 1939) պիեսով: «Թեև անգլերեն եմ գրում,բայց ես ինձ համարում եմ հայ գրող: Գործածածս խոսքերն անգլերեն են, միջավայրը, որի մասին գրում եմ, ամերիկյան է: Սակայն այն ոգին, որ ստիպում է ինձ գրել` հայկական է: Ուրեմն` ես հայ գրող եմ» ,- գրել է Սարոյանը: Վիլյամ Սարոյանը մահացել է 1981 թվականի մայիսի 16-ին, Ֆրեզնոյում, աճյունի մի մասը թաղված է Երևանի Կոմիտասի անվան զբոսայգու պանթեոնում։ 2002-ի ապրիլին Սթենֆորդի համալսարանի մասնագետ Մայքլ Քելլերը հայտարարեց, որ Վիլյամ Սարոյանի թանգարանը համանուն մրցանակ է սահմանում, որն, ըստ «Վիլյամ Սարոյան» հիմնադրամի տնօրեն Ռոբերտ Սեդրակյանի, գրողի երազանքն է եղել: Ամեն տարի այդ մրցանակին 2 գործ է արժանանում, որից մեկը պետք է արտացոլի իրական կյանքը, մյուսը` երևակայական:
Ավելի վաղ համացանցում հայտնվեց Մեգ Ռայանի «Իտակա» ֆիլմի թրեյլերը, որը նա նկարահանել է Վիլյամ Սարոյանի 1942-ին գրված «Մարդկային կատակերգություն» (The Human Comedy) վեպի հիման վրա: Ֆիլմի գործողությունը, ինչպես և սարոյանական «Մարդկային կատակերգությունում», ծավալվում է 1942-ին, Կալիֆորնիայի փոքր քաղաքներից մեկում՝ Իտակայում: Սյուժեի կենտրոնում 14-ամյա Հոմերոս Մաքոլիի պատմությունն է, ում ավագ եղբայրը գնացել է պատերազմ, կրտսեր եղբորը խրատելով հոգ տանել այրի մոր, ավագ քրոջ ու 4-ամյա եղբոր՝ Ուլիսի մասին: Այժմ Հոմերոսը Իտակայի փոստատարն է: «Իտական» հասարակ, բայց խաբուսիկ պատմություն է: Այն լիրիկական ու ռոմանտիկ է, ժամանակ առ ժամանակ զարմանալիորեն ոչ սենտիմենտալ, որը, այնուամենայնիվ, ցինիզմից հեռու է: Անչափ ուրախ եմ, որ հենց ես եմ էկրանավորելու այս զգացմունքայի ու գրավող պատմությունը»,- նախագծի մասին ասել է Մեգ Ռայանը: Ընթերցեք նաև. Սարոյանն ընդդեմ Հեմինգուեյի Ուշագրավ Տիգրան Ավինյանն ու Գրեգորի Դուսեն այցելել են պատմական թաղամաս Snap-ը պլատինե երգի կարգավիճակ է ստացել նաև մի քանի այլ երկրներում Հայկական դուդուկի երաժշտությունը ՅՈՒՆԵՍԿՕ-ի ցանկում է ընդգրկվել դեռևս 2008 թ․ Ցուցադրությունը կազմակերպվում է այս երեք ֆիլմերի Պոմպիդու կենտրոնին հանձնման արարողության առիթով Ամենաընթերցվողը բաժնում | Թաթոյան․ Կիրանցը նեղ թերակղզու նմանությամբ գրեթե ամբողջությամբ շրջափակված է լինելու ադրբեջանական զորքերով Արոտավայրերը, այգիները, այլ հողեր հայտնվելու են ադրբեջանական վերահսկողության կամ թիրախի ներքո Մեծ Բրիտանիայի քրիստոնյա առաջնորդները նամակով դիմել են կառավարությանը Հայոց ցեղասպանությունը ճանաչելու կոչով Սունակին ուղղված նամակում նաև անդրադարձ է կատարվում Լեռնային Ղարաբաղում տեղի ունեցած իրադարձություններին Ֆրանսահայ լրագրող Նիկոլյանը, որի մուտքը ՀՀ արգելվել է, չի պատրաստվում դադարեցնել հացադուլը Նա պահանջում է, որ իրեն գրավոր ներկայացնեն, թե ինչու իրեն թույլ չեն տալիս մուտք գործել Հայաստան Վանաձորի նախկին ղեկավար Ասլանյանը կմնա կալանքի տակ Դատարանը մերժել է միջնորդությունը |