Էրդողան. Կիպրոսը, Հալեպը, Բաթումին, Էրբիլը, Սալոնիկը պետք է մտնեն Թուրքիայի սահմանների մեջ20 հոկտեմբերի 2016 - 11:18 AMT PanARMENIAN.Net - Հոկտեմբերի 15-ին Թուրքիայի նախագահ Ռեջեփ Թայիփ Էրդողանը, ելույթ ունենալով Ռիզե քաղաքի (պատմական Տայքը) համալսարանում, ուղղակի տեքստով հայտարարել է, որ թուրքական պետությունն իրենն է համարում այն տարածքները, որոնք անմիջականորեն տեղակայված են Թուրքիայի այսօրվա ոչ լեգիտիմ սահմանների մերձակայքում, գրում է Վրաստանի հայ համայնքի կայքը: «Մեր երկրի 79 մլն բնակիչներից բացի գոյություն ունեն ևս միլիոնավոր եղբայրներ, որոնք ապրում են այլ աշխարհագրական շրջաններում, որոնց հետ մենք պատմական կապեր ունենք։ Մեր հետաքրքրությունների բնագավառում են մտնում Իրաքը, Սիրիան, Լիբանանը, Ղրիմը, Ղարաբաղը, Ադրբեջանը, Բոսնիան և այլ եղբայրական շրջաններ։ Երբ Թուրքիան կկորցնի իր անկախությունը և կկորցնի իր ապագան, այդժամ մենք կկորցնենք հետաքրքրությունն այդ տարածքների նկատմամբ։ Շատ պատմաբաններ համարում են, որ Թուրքիայի սահմանների մեջ պետք է մտնեն Կիպրոսը, Հալեպը, Մոսուլը, Էրբիլը, Կիրկուկը, Բաթումին, Սալոնիկը, Վարնան, Արևմտյան Թրակիան և Էգեյան ծովի կղզիները», -հոկտեմբերի 15-ին հայտարարել է թուրքական պետության նախագահը։ Տվյալ հայտարարությունը առաջացրել է ինչպես Հունաստանի, այնպես էլ Հունաստանի վրացական համայնքի դժգոհությունը։ Մինչդեռ, ըստ աղբյուրի, տվյալ դժգոհությունը Վրաստանում չեն կիսում։ Ավելին, թուրք նախագահի կողմից արված հայտարարության տարածումից անմիջապես հետո վրացական մամուլում սկսվել է Թուրքիայի շահերի փաստաբանությունը, նրա արդարացման քարոզարշավը։ «Իր հայտարարությունում Թուրքիայի նախագահը հիշատակել է այսպես կոչված «թուրքական աշխարհ»-ի (Misak-ı Millî) մասին և նրա սահմանների մեջ մտնող տարածքները։ Այդ համատեքստում նա հիշատակել է նաև Բաթումին։ Իր ելույթի ընթացքում Էրդողանը ոչինչ չի ասել Բաթումիում ռեֆերենդում անցկացնելու մասին։ Թուրքական նախագահը հիշատակել է Վրաստանը և Բաթումին պատմական անցյալի համատեքստում։ Նա խոսում էր ինչպես ընկերական երկրների մասին», -գրել է վրացական «Լիբերալ» հրատարակչությունը։ Տվյալ հոդվածը վերահրատարակել է վրացական հրատարակչությունների մեծ մասը, և թուրքական պահանջների թեման «հայտարարվել է փակված»։ Հայ համայնքի կայքը գրում է, որ չնայած նրան, որ Էրդողանն իր աղմկահարույց հայտարարությունը արել է դեռևս հոկտեմբերի 15-ին, մինչև օրս ոչ մի վրաց քաղաքական կամ պետական գործիչ չի մեկնաբանել տվյալ հայտարարությունը։ Լռում է նաև Վրաստանի արտաքին գործերի նախարարությունը։ «Բնականաբար, Էրդողանի հայտարարության պատճառով Վրաստանը չպետք է Թուրքիային պատերազմ հայտարարի։ Մինչդեռ, արտահատել իր դժգոհությունը, այնուամենայնիվ, արժե։ Հակառակ դեպքում, թուրքական կողմը, ոչ անհիմն, կարող է համարել, որ ընկերական Գյուրջիստանը դեմ չէ թուրքական ծրագրի իրագործմանը։ Ավելին, կարող է նույնիսկ աջակցել նրան։ Իսկ եթե անկեղծ, տպավորություն է ստեղծվում, որ Վրաստանում թուրքական շահերի «փաստաբանները» մեծ ոգևորությամբ կպաշտպանեն Թուքիային նույնիսկ այն պահին, երբ Թբիլիսիի պետական հաստատությունների վրա ծածանվի կարմիր դրոշը լուսնով և աստղով»,- գրում է կայքը: Հոկտեմբերի 17-ին նաև հայտնի էր դարձել, որ Թուրքիայի նախագահ Ռեջեփ Թայիփ Էրդողանի` Տրապիզոնում հրավիրած հանրահավաքի ժամանակ մասնակիցները հայերին հասցեագրված վիրավորական կարգախոս են վանկարկել: Ուշագրավ Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում Ամենաընթերցվողը բաժնում | ԱԺ-ն ստացել է ՌԴ Դաշնային խորհրդի նամակը, որն առնչվում է Սիմոնյանի «հակառուսական հայտարարություններին» Նամակի բովանդակությունը հայտնի չէ Փաշինյան․ Լուծում ենք առաջիկա տասնամյակներում Հայաստանի լինելության հարցը «Եկել ենք մի տեղ, որտեղ մենք Հայաստանի ապագայի շատ կոնկրետ նախագիծ ենք դնում սեղանին»,–ասել է նա ՀՀ և Ադրբեջանի սահմանին արդեն սահմանային 28 սյուն կա՝ աշխատանքի մոտ 35%-ն է Երկու երկրների փորձագիտական խմբերի աշխատանքները շարունակվում են ԱԳՆ․ Ստացել ենք խաղաղության պայմանագրի նախագծի վերաբերյալ Ադրբեջանի առաջարկները Սա տեքստի 9-րդ խմբագրությունն է |