System Of A Down-ը նոր ալբոմ կթողարկի 2017-ին

10 նոյեմբերի 2016 - 12:10 AMT

PanARMENIAN.Net - Աշխարհահռչակ System Of A Down ռոք խումբն աշխատում է նոր ալբոմի վրա: Այդ մասին հայտարարել է խմբի թմբկահար Ջոն Դոլմայանը:

Ըստ նրա, արդեն պատրաստ է 15 երգ, գրում է NME-ն:

«Մենք արդեն 6 ամիս է աշխատում ենք ալբոմի ստեղծման վրա և արդեն մոտ 15 երգ կա, որոնք, մեր կարծիքով, արժանի են տեղ գտնելու ալբոմում»,-ասել է թմբկահարը:

2011-ին խումբը թողարկել է Toxicity ալբոմը, որը 3 անգամ պլատինե է ճանաչվել, ինչը նշանակում է, որ վաճառվել է ավելի քան 3 մլն օրինակ:

«Հիմա մենք կարող ենք ավելի լավ նվագել, քան երբևէ: Մենք աշխատում ենք ինչ-որ նոր բան մտածել և ամենևին չենք ձգտում կրկնելու Toxicity-ին միայն այն պատճառով, որ այն ամենահաջողն է եղել մեր կարիերայում: Մենք միանգամայն նոր բան կստեղծենք` երկրպագուների նոր սերնդի համար»,-ասել է Դոլմայանը:

Խումբը նաև կլինի Download Festival 2017-ի առաջատարը Aerosmith-ի հետ համատեղ: System Of a Down-ը կստանձնի այդ դերն արդեն երրորդ անգամ: Նախորդ երկու անգամը եղել է 2005-ին և 2011-ին:

2016-ին տեղի ունեցավ System of a Down-ի «Արթնացրեք հոգիները» (Wake Up the Souls) խորագրով շրջագայությունը: Այն մեկնարկեց ապրիլի 6-ին Կալիֆորնիայում կայացած համերգով և ներառում էր համերգներ աշխարհի 14 բեմում: Ապրիլի 10-ին SOAD-ը Լոնդոնում էր՝ Wembley Arena-ում, ապրիլի 13-ին՝ Քյոլնի՝ Lanxess Arena-ում, ապրիլի 14-Լիոնի՝ La Halle Tony Garnier-ում, ապրիլի 16-ին՝ Բրյուսելի Forest National-ում, ապրիլի 17-ին Ամստերդամ-ի Ziggo Dome-ում, ապրիլի 20-ին Մոսկվայի «Օլիմպիյսկի»-ում, ապրիլի 23-ին՝ Երևանի Հանրապետության հրապարակում:

Խումբը հայտարարել էր, որ շրջագայությամբ հույս ունի բարձրացնել 1915–ի Օսմանյան կայսրությունում տեղի ունեցած Ցեղասպանության մասին իրազեկութումը, որն իրականացվել էր 1.5 մլն հայերի՝ այժմ Թուրքիա կոչվող երկրի սահմաններում ապրող փորամասնության հանդեպ:

Հղումներ թեմայով.

NME: System Of A Down give update on new album