  Հենրիխ Մխիթարյանը «ՄՅու» դեկտեմբերի երկրորդ ֆուտբոլիստն է Իբրահիմովիչից հետո 6 հունվարի 2017 - 11:18 AMT PanARMENIAN.Net - Հենրիխ Մխիթարյանը ճանաչվել է «Մանչեսթեր Յունայթեդի» երկրոդ լավագույն խաղացողը դեկտեմբերի արդյունքներով՝ զիջելով առաջին տեղը Զլատան Իբրահիմովիչին: Անգլիական ակումբի պաշտոնական կայքում հրապարակվել են թիմի երկրպագուների քվեարկության արդյունքները, որոնց առաջարկվել էր ընտրել դեկտեմբերի լավագույն ֆուտբոլիստին: Քվեարկությանը մասնակցել է 146.000 մարդ, գրում է Sputnik-Արմենիան: Ակումբի երկրպագուների 38 տոկոսը առաջին տեղը տվել է Զլատան Իբրահիմովիչին: Հայաստանի հավաքականի կիսապաշտպան Հենրիխ Մխիթարյանը զիջել է ընդամենը 2 տոկոսով՝ հավաքելով 36 տոկոս: Հայ ֆուտբոլիստը 10 տոկոսով առաջ է ֆրանսիացի Փոլ Պոգբայից, որը 26 տոկոս է հավաքել և, ըստ ակումբի գլխավոր մարզչի, աշխարհի լավագույն կիսապաշտպանն է: Ընթացիկ խաղաշրջանում Մխիթարյանը 12 խաղ է անցկացրել բոլոր մրցաշարերում և երկու գոլի հեղինակ դարձել: «Յունայթեդը» 6-րդն է պրեմիեր լիգայի մրցաշարային աղյուսակում: Մինչդեռ Մխիթարյանն ակտիվորեն պատրաստվում է նոր ֆուտբոլային հանդիպումներին: Տարվա առաջին մարզումը նա անցկացրել է «Մանչեսթեր Յունայթեդի» կազմում՝ ֆեյսբուքյան իր էջում լուսանկար տեղադրել, որի տակ գրված է. «Նոր տարի, նոր գոլեր»: Ավելի վաղ Հայաստանի հավաքականի և «Մանչեսթեր Յունայթեդի» կիսապաշտպան Հենրիխ Մխիթարյանը հայտարարել էր, որ ակումբը մինչև վերջ պայքարելու է Անգլիայի առաջնությունում և հուսով է, որ իր թիմը կկարողանա եզրագծին հասնել առաջին քառյակում:   Ուշագրավ Ազատ ոճի ըմբշամարտի Հայաստանի պատանեկան հավաքականը թիմային հաշվարկում զբաղեցրել է 3-րդ հորիզոնականը «Այդ պահից հետո ամեն ինչ արմատապես փոխվեց»,- ասել է նա Հավանայում կայացել է Ծանրամարտի միջազգային ֆեդերացիայի նիստը Բարսեղյանը ամբողջ 5 կգ-ով առաջ է անցել երկրորդը ճանաչված Սաուդյան Արաբիայի պատվիրակից   Ամենաընթերցվողը բաժնում |  Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումները |
