Երրորդ ծնողի ԴՆԹ-ով երկրորդ երեխան ծնվել է Ուկրաինայում20 հունվարի 2017 - 14:37 AMT PanARMENIAN.Net - Համաշխարհային պրակտիկայում երրորդ ծնողի ԴՆԹ-ով երկրորդ երեխան ծնվել է Ուկրաինայում: 34-ամյա մայրը բուժվել է անպտղությունից ավելի քան 10 տարի և արտաարգանդային բեղմնավորման 4 փորձ է արել, սակայն ապարդյուն: Կիևի «Նադիա» կլինիկայի մասնագետները լուծել են նրա խնդիրը նորագույն տեխնոլոգիաների միջոցով, գրում է arnapress.kz-ն: Տեխնոլոգիան կիրառվում է արտակորպորալ բեղմնավորման դեպքում և ներառում է մոր բեղմնավորված ձվաբջջի միջուկի տեղադրում դոնոր կնոջ ձվաբջջում, որի արդյունքում երեխան վերջինից ստանում է միտոխոնդրիալ ԴՆԹ: Բժիշկները կարծում են, որ այդ մեթոդը թույլ կտա նվազեցնել մուտացիաների և մորից ժառանգական հիվանդությունների փոխանցման ռիսկը, այդ թվում նվազեցնել երեխայի մոտ դիաբետի և խլության զարգացման հավանականությունը: Չնայած, որ տեխնոլոգիան հավանության է արժանացել Մեծ Բրիտանիայում, 3 ծնողի գենով առաջին երեխան լույս աշխարհ է եկել Մեքսիկայում` 2016-ի գարնանը: Մեքսիկան ընտրվել է, քանի որ հատուկ թույլտվություն ստանալու անհրաժեշտություն չկար: Առողջ տղայի ծնվելու մասին հայտարարվեց 2016-ի սեպտեմբերին: Նույն տարվա մայիսին «Նադիա» կլինիկայի մասնագետները հայտարարեցին, որ նրանց հաջողվել է փոխարինել միջուկները Մեծ Բրիտանիայում հավանության արժանացած տեխնոլոգիայով: Հաստատության ղեկավար Վալերի Զուկինն ասել է, որ դոնորական ձվաբջջի օգնությամբ հղիացած կինը խնդիրներ է ունեցել սաղմի զարգացման վաղ շրջանում: Փոխպատվաստման բժիշկները պատրաստվել են 2 տարի: Արդյունքում նրանք բեղմնավորել են հոր սերմնահեղուկով երկու ձվաբջիջ` մորն ու դոնորինը, հետո հանել են միջուկները դոնորի ձվաբջջից և դրանց փոխարեն տեղադրել են բեղմնավորված մայրական ձվաբջջի միջուկները: Մասնագետները զերծ են մնասցել կանխատեսումներից, քանի որ պետք էր սպասել, մինչև երեխան կծնվի, և հետո միայն հայտարարել հաջողության մասին: Այժմ հայտնի է, որ բուժումն օգնել է` հունվարին առողջ երեխա է ծնվել: Եվս այդպիսի մի երեխայի ծնունդ է սպասվում մարտին, նրա մայրը 29 տարեկան է: Կլինիկայի տնօրենն ասել է, որ դա կարելի է համարել նոր դարաշրջանի սկիզբ` հնարավոր կլինի ոչ միայն ընտրել սաղմը, այլ նաև «լրամշակել» այն: Հղումներ թեմայով. Ուշագրավ Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում Ամենաընթերցվողը բաժնում | Հայկական առաջին բանկը Ֆասթեքսվերսում․ Ֆասթ Բանկը ներկայացնում է իր վիրտուալ տարածքը Oգտատերերը ևս կարող են ստեղծել իրենց սեփական ավատարները Երևանում իրազեկման ակցիաներ են անցկացվել, փողոցներ փակվել Դավթաշենում քաղաքացիները 15 րոպեով փակել էին ճանապարհը ԱՄՆ փոխնախագահ․ Երբեք չենք մոռանա Հայոց ցեղասպանությունը Նա նշել է, որ 1․5 մլն հայ ենթարկվել է բռնագաղթի, սպանվել է և մահվան երթի զոհ դարձել Նախագիծ․ Ոստիկանությունը 24-ժամյա հասանելիություն կունենա հանրային տարածքների տեսահսկման համակարգերին Տնտեսվարող սուբյեկտները կպարտավորվեն ունենալ անընդմեջ և բարձր որակի տեսագրություն իրականացնող տեսահսկման համակարգեր |