Ավստրալիայի Մելբուրն քաղաքում թեթև շարժիչով օդանավը բախվել է առևտրի կենտրոնի տանիքին, ինչը դարձել է 5 մարդու մահվան պատճառ, հայտնում է AFP-ը:
Նախնական վարկածի համաձայն, միջադեպի պատճառը Beechcraft օդանավի շարժիչի անսարքությունն է եղել: Իրավապահները մանրամասնել են, որ օդանավում եղել է 5 մարդ, որոնցից ոչ մեկին չի հաջողվել փրկվել:
Ականատեսների փոխանցմամբ, որ բախվելուց անմիջապես հետո օդանավը պայթել է: Այդ է վկայում նաև սև ծխի սյունը, որը բարձրացել է ընկած օդանավից:
Նշվում է նաև, որ բեկորներ են ընկած նաև հարակից մայրուղու վրա:
Աղբյուրը մանրամասնում է, որ բախումը տեղի է ունեցել առևտրի կենտրոնի բացվելուց 1 ժամ առաջ: