Ֆեդերացիայի գլխավոր քարտուղար. Հայաստանը հնարավոր է մասնակցի բասկետբոլի հեղինակավոր Միացյալ ՎՏԲ լիգային 2 մարտի 2017 - 15:13 AMT PanARMENIAN.Net - Հայաստանը հնարավոր է մասնակցի բասկետբոլի հեղինակավոր Միացյալ ՎՏԲ լիգային: Այս մասին PanARMENIAN.Net ին հայտնեց Հայաստանի բասկետբոլի ֆեդերացիայի գլխավոր քարտուղար Արթուր Նազարյանը: «Հնարավորություն կա, ներկայումս ընթանում են բանակցություններ, հստակեցվում են մի շարք հարցեր, որից հետո կկարողանանք պաշտոնապես հայտարարել», - ասաց Նազարյանը: Պատասխանելով հայկական «Ուրարտու» ակումբի՝ 2016-ին ՌԴ բասկետբոլի սուպեր-լիգայում անհաջող մասնակցության մասին հարցին, Նազարյանը նկատեց, որ այդ ձախողումն ուներ մի շարք օբյեկտիվ և սուբյեկտիվ պատճառներ: «Հաշվի առնելով այդ փորձը, այժմ բոլոր մանրուքներին ուշադրություն ենք դարձնում, և եթե որեւէ խնդիր լուծված չեղավ, ապա չենք մասնակցի: Նաև նշեմ, որ այժմ աշխատելու և նախապատրաստվելու ժամանակ ունենք, իսկ նախորդ տարի այդ ժամանակը չկար, Եվրոպայի փոքր երկրների առաջնության ավարտից հետո միանգամից հայտ ներկայացվեց», - պարզաբանեց ֆեդերացիայի գլխավոր քարտուղարը: Խոսելով Հայաստանից թիմի հնարավոր կազմի մասին, Նազարյանը պարզաբանեց, որ հանդիպման հայտացուցակում ընդգրկվում է 12 խաղացող, որոնցից 6-ը կարող են լինել լեգեոներներ: «Կազմի մասին դեռ վաղ է խոսելը», - հավելեց Նազարյանը: Նա շեշտեց, որ առանց պրոֆեսիոնալ սպորտի դժվար է պատկերացնել բասկետբոլի և, ընդհանրապես, սպորտի զարգացումը: «Փաստն այն է, որ այսօր Հայաստանը որևէ մարզաձևով ներկայացված չէ միջազգային ակումբային որևէ մրցաշարի: Ցավոք, սա շատ բացասական հետևանքներ է ունենում մեր սպորտի վրա: Միայն հավաքականներով հնարավոր չէ պահպանել սպորտի նկատմամբ հետաքրքրությունը», - պարզաբանեց նա: 2016-ի հուլիսին Հայաստանի բասկետբոլի հավաքականը հաջող ելույթ ունեցավ Եվրոպայի փոքր երկրների առաջնությունում՝ դառնալով չեմպիոն, ինչից հետո որոշում կայացվեց ազգային թիմի մարտունակությունը պահպանելու համար հիմնադրել պրոֆեսիոնալ բասկետբոլային ակումբ, որը կմասնակցի կանոնավոր առաջնության: Սակայն ՀՀ առաջին բասկետբոլային ակումբն անհաջող էր հանդես գալիս ՌԴ սուպերլիգայում՝ 9 տուրում 9 անընդմեջ պարտություն կրելով: Արդյունքում, որոշում կայացվեց, որ «Ուրարտու» բասկետբոլային ակումբը չի շարունակի ելույթները Ռուսաստանի Սուպերլիգա-1-ի խաղարկությունում: Ուրարտու» բասկետբոլային ակումբի կորիզը կազում էին Հայաստանի հավաքականի խաղացողները: Այնուամենայնիվ, Եվրոպայի 2017-ի առաջնություններին Հայաստանը ներկայացնելու են միանգամից 5 տարիքային հավաքական: Ուշագրավ Ավելի վաղ եզրափակիչ էին դուրս եկել Արթուր Ավետիսյանն ու Վահագն Դավթյանը Ազատ ծրագիրը նախատեսված է հունվարի 12-ին Ազատ ոճի ըմբշամարտի Հայաստանի պատանեկան հավաքականը թիմային հաշվարկում զբաղեցրել է 3-րդ հորիզոնականը Հավանայում կայացել է Ծանրամարտի միջազգային ֆեդերացիայի նիստը | «Հայաքվե»․ Չհավատալ և չտարածել ադրբեջանական գերության մեջ սպառնալիքի տակ կորզված խոսքերը և ուղերձները Ադրբեջանական լրատվամիջոցներում Արցախի նախկին պաշտոնյաների հետ հարցազրույցների անոնս էր հրապարակվել Մարությանը կուսակցություն է հիմնում. Համագումարը` մայիսի 1–ին Անվանումն արդեն հայտնի է Բաքուն Ռասմուսենին մեղադրում է ՆԱՏՕ–ի նախկին գլխավոր քարտուղարի «կարգավիճակը չարաշահելու» մեջ Ռասմուսենի խմբի զեկույցում ԵՄ–ին կոչ է արվել համարձակ քայլեր ձեռնարկելու և էական աջակցություն ցուցաբերել Հայաստանին ԱԱԾ սահմանապահ զորքերն ընդունելություն են սկսել «Զվարթնոց» անցակետում ծառայության համար Ծառայության անցնելու համար կարող են դիմել մինչև 30 տարեկան անձինք |